నేడు సుబ్రహ్మణ్య షష్టి
గీసుకొండ: మండలంలోని ప్రసిద్ధ ఊకల్ నాగ సుబ్రహ్మణ్యేశ్వర స్వామి ఆలయంలో సుబ్రహ్మణ్య షష్టి ఉత్సవాలు నేడు (బుధవారం) నిర్వహించనున్నట్లు ఆలయ ప్రధాన అర్చకుడు సముద్రాల సుదర్శనాచార్యులు మంగళవారం తెలిపారు. ఉదయం ఆలయం వద్ద స్వామివారితో అమ్మవార్లు వల్లీదేవి, దేవసేన దేవీలతో కల్యాణం నిర్వహించనున్నట్లు తెలిపారు. భక్తులు అధిక సంఖ్యలో పాల్గొని కల్యాణోత్నవాన్ని తిలకించాలని ఆయన కోరారు.
ఆరోగ్య పరిరక్షణకు పాటుపడాలి
నెక్కొండ: విద్యార్థుల చదువుతోపాటు ఆరోగ్య పరిరక్షణకు ఉపాధ్యాయులు పాటుపడాలని డీఎంహెచ్ఓ సాంబశివరావు అన్నారు. మండలకేంద్రంలోని ప్రాథమిక పాఠశాలలో మంగళవారం స్థానిక పీహెచ్సీ ఆధ్వర్యంలో ఉచిత వైద్య శిబిరాన్ని ఏర్పాటు చేశారు. ఈ సందర్భంగా డీఎంహెచ్ఓ సందర్శించి మాట్లాడారు. విద్యార్థులకు చదువుతోపాటు ఆరోగ్యంపై ప్రత్యేక శ్రద్ధ చూపాలన్నారు. పాఠశాల పరిసరాలను ఆయన పరిశీలించారు. అనంతరం విద్యార్థులకు ఐరన్, బీ కాంప్లెక్స్ టాబ్లెట్లు అందించారు. ఈ కార్యక్రమంలో వైద్యాధికారి సుమన్, వైద్యులు భవిత, స్వర్ణలత, మౌనిక, రాహుల్, సూపర్వైజర్ వరమ్మ, ఎల్టీ మల్లేశ్, హెడ్ మాస్టర్ బానోతు జాన్నాయక్, ఉపాధ్యాయులు బిక్షపతి, భారతి, మాలతి, కుమార్రెడ్డి, భద్రు, రాజేందర్, వైద్య సిబ్బంది, తదితరులు పాల్గొన్నారు.
ఇన్సర్వీస్ టీచర్ల రక్షణకు చట్టం చేయాలి
కాళోజీ సెంటర్: ఇన్సర్వీస్ టీచర్లు, ఉద్యోగుల రక్షణకు పార్లమెంట్లో చట్టం చేయాలని టీఎస్ యూటీఎఫ్ జిల్లా అధ్యక్షుడు తాటికాయల కుమార్ తెలిపారు. మంగళవారం పీఎం మోదీకి ఇ–మెయిల్ ద్వారా వినతిపత్రం పంపించారు. అనంతరం ఆయన మాట్లాడుతూ డీఎస్పీ పరీక్ష రాసి ప్రతిభ ద్వారా ఎంపికై న ఉపాధ్యాయులకు మళ్లీ అర్హత పరీక్ష టెట్ రాయాలనడం హాస్యాస్పదమన్నారు. టీచర్లకు టెట్ నుంచి మినహాయింపు ఇవ్వాలన్నారు. జిల్లా ప్రధాన కార్యదర్శి సుజన్ ప్రసాద్ రావు, కోశాధికారి రవూఫ్,జి గుండు కర్ణాకర్, టీవీ సత్యానారాయణ, ఎన్.కుమారస్వామి, ఆర్.రాజు, ఈశ్వర్ శివ ప్రసాద్లు ఉన్నారు.
రాష్ట్రస్థాయి పోటీలకు ఆర్డీఎఫ్ విద్యార్థిని
పర్వతగిరి: హనుమకొండలోని జవహర్లాల్ నెహ్రూ స్టేడియంలో నిర్వహించిన జోనల్ క్రీడా పోటీల్లో పర్వతగిరి మండలం కల్లెడ గ్రామంలోని ఆర్డీఎఫ్ వనిత అచ్యుతాపాయి విద్యాలయ జూనియర్ కళాశాలలో బైపీసీ మొదటి సంవత్సరం చదువుతున్న గుగులోతు వెన్నెల రాష్ట్ర స్థాయి వాలీబాల్ పోటీలకు ఎంపికై నట్లు ప్రిన్సిపాల్ ఆడెపు జనార్దన్ తెలిపారు. ఈ నెల 28, 29, 30 తేదీల్లో సిరిసిల్లలో జరిగే రాష్ట్ర స్థాయి పోటీల్లో పాల్గొననుందన్నారు. ఈ మేరకు మంగళవారం వెన్నెలను ప్రిన్సిపాల్తోపాటు రాజు, ప్రవీణ్, సతీష్, కోకిల, అధ్యాపకులు అభినందించారు.
ఆన్ జాబ్ ట్రైనింగ్ కేంద్రాల సందర్శన
కాళోజీ సెంటర్: ఇంటర్మీడియట్ ఒకేషనల్ కళాశాలల్లో నిర్వహిస్తున్న ఒకేషనల్ కోర్సుల ఆన్ జాబ్ ట్రైనింగ్ పొందుతున్న సత్యం కంప్యూటర్స్, ధార గార్మెట్స్ కేంద్రాలను మంగళవారం డీఐఈఓ శ్రీధర్ సుమన్ సందర్శించారు. శిక్షణ పొందుతున్న విద్యార్థులకు పలు సూచనలు చేశారు. శిక్షణను సద్వినియోగం చేసుకోని ఉద్యోగ అవకాశాలను అందిపుచ్చుకోవాలని ఆయన తెలిపారు.
నేడు సుబ్రహ్మణ్య షష్టి


