TV
సీఎం పర్యటన ఏర్పాట్ల పరిశీలన
ఆత్మకూర్‌: రాష్ట్ర ముఖ్యమంత్రి ఎనుముల రేవంత్‌రెడ్డి డిసెంబర్‌ 1న పట్టణానికి వస్తున్నందున శుక్రవారం అదనపు ఎస్పీ వీరారెడ్డి ఏర్పాట్లను పరిశీలించారు. జాతర మైదానంలోని హెలిప్యాడ్‌ స్థలం, పీజేపీ క్యాంపు వద్ద నిర్మించనున్న 50 పడకల ఆస్పత్రి భవన నిర్మాణ ప్రదేశాన్ని చూశారు. అలాగే జూరాల గ్రామం వద్ద కృష్ణానది పుష్కరఘాట్‌ వద్ద హైలేవల్‌ వంతెన నిర్మాణ ప్రదేశాన్ని పరిశీలించి బందోబస్తులో తీసుకోవాల్సిన జాగ్రత్తలు తదితర విషయాలపై సిబ్బందితో చర్చించారు. ఆయన వెంట ఎంటీఓ శ్రీనివాసులు, సీఐ శివకుమార్‌, ఎస్‌ఐ జయన్న, పుర కమిషనర్‌ చికినె శశిధర్‌, వివిధ శాఖల అధికారులు ఉన్నారు.
