సుప్రీంకోర్టు ప్రధాన న్యాయమూర్తికి సన్మానం | - | Sakshi
Sakshi News home page

సుప్రీంకోర్టు ప్రధాన న్యాయమూర్తికి సన్మానం

Nov 30 2025 6:43 AM | Updated on Nov 30 2025 6:43 AM

సుప్రీంకోర్టు ప్రధాన న్యాయమూర్తికి సన్మానం

సుప్రీంకోర్టు ప్రధాన న్యాయమూర్తికి సన్మానం

విశాఖ లీగల్‌: సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌ను శనివారం ఆంధ్రప్రదేశ్‌ బార్‌ కౌన్సిల్‌ ఉపాధ్యక్షుడు ఎస్‌.కృష్ణమోహన్‌, సభ్యులు ఢిల్లీలో మర్యాద పూర్వకంగా కలిశారు. ఈ సందర్భంగా కృష్టమోహన్‌.. ప్రధాన న్యాయమూర్తి జస్టిస్‌ సూర్యకాంత్‌ను శాలువా కప్పి శుభాకాంక్షలు తెలిపారు. అనంతరం పలు అంశాలపై ఆయనతో చర్చించారు.

పర్యాటక ప్రాంతాల్లోప్రవేశాలకు ఇంటిగ్రేటెడ్‌ కార్డ్‌

విశాఖ సిటీ: వీఎంఆర్‌డీఏకు చెందిన పలు పర్యాటక ప్రాంతాలను సందర్శకులకు మరింత చేరువ చేసేందుకు కొత్తగా ఇంటిగ్రేటెడ్‌ కార్డ్‌ను ప్రవేశపెడుతున్నట్లు వీఎంఆర్‌డీఏ చైర్మన్‌ ఎం.వి.ప్రణవ్‌గోపాల్‌, మెట్రోపాలిటన్‌ కమిషనర్‌ ఎన్‌.తేజ్‌ భరత్‌ తెలిపారు. శనివారం వీఎంఆర్‌డీఏ సమావేశ మందిరంలో ప్రత్యేక సమావేశం నిర్వహించారు. ఇందులో రాష్ట్ర మున్సిపల్‌, పట్టణాభివృద్ధి శాఖ ముఖ్య కార్యదర్శి సురేష్‌ కుమార్‌, కలెక్టర్‌ హరేందిర ప్రసాద్‌, జీవీఎంసీ కమీషనర్‌ కేతన్‌ గార్గ్‌, ఏపీఈపీడీసీఎల్‌ సీఎండీ పృథ్వీతేజ్‌, ఇతర అధికారులు వర్చువల్‌గా పాల్గొన్నారు. ఈ సమావేశంలో వీఎంఆర్‌డీఏకు సంబంధించిన పలు కీలక అంశాలపై చర్చించారు.

విశాఖలో మహిళల టీ–20లు

డిసెంబర్‌ 21, 23న శ్రీలంకతో భారత్‌ ఢీ

విశాఖ స్పోర్ట్స్‌: ఐసీసీ ప్రపంచ కప్‌ సాధించిన అనంతరం తొలిసారిగా భారత మహిళా జట్టు వైఎస్సార్‌ స్టేడియం వేదికగా పోటీకి సిద్ధమవుతోంది. శ్రీలంకతో జరగబోయే సిరీస్‌లో భాగంగా తొలి రెండు టీ–20 మ్యాచ్‌లు విశాఖ వేదికగానే ఆడనుంది. డిసెంబర్‌ 21న తొలి టీ 20 మ్యాచ్‌, 23న రెండో మ్యాచ్‌ జరగనున్నాయి. డిసెంబర్‌ 6న విశాఖ వేదికగానే భారత పురుషుల జట్టు వన్డే మ్యాచ్‌ ఆడనుండగా.. ఇప్పుడు మహిళా జట్టు సైతం విశాఖ వేదికగా ఆడేందుకు వస్తుండటంతో విశాఖ అభిమానుల్లో క్రికెట్‌ ఫీవర్‌ మొదలైంది. ఇప్పటికే దక్షిణాఫ్రికా–భారత్‌ వన్డే మ్యాచ్‌ టికెట్లు హాట్‌కేకుల్లా అమ్ముడుపోయాయి.

Advertisement

Related News By Category

Related News By Tags

Advertisement
 
Advertisement
Advertisement