తెప్పపై మలయప్ప వైభవం

● రేణిగుంటకు చెందిన ఓ గర్భిణిని తిరుపతి రెడ్డి అండ్‌ రెడ్డి కాలనీలోని ఓ ప్రైవేట్‌ నర్సింగ్‌ హోమ్‌కు గత నెల 14వ తేదీన తీసుకువచ్చారు. అప్పటివరకు స్కానింగ్‌తోపాటు అన్ని రిపోర్టులు పక్కాగా ఉన్నా, అక్కడి వైద్యులు కుటుంబ సభ్యులను భయభ్రాంతులకు గురి చేశారు. చేసేదిలేక ఆస్పత్రివారిచ్చిన ఫామ్‌పై సంతకం చేసి అంగీకారం తెలిపారు. దీంతో రూ.60 వేలు చెల్లించి ఆ తల్లి కడుపు కోసి, బిడ్డను బయటకు తీసి కడుపు కుట్టి ఇంటికి పంపించారు. ● తిరుపతి కొర్లగుంటకు చెందిన ఓ గర్భిణికి నాలుగేళ్ల కిందట తిరుపతిలోని ఓ ప్రముఖ ఆస్పత్రిలో సిజేరియన్‌ చేశారు. మరుసటి ఏడాది కూడా రెండోసారి గర్భం దాల్చినప్పుడు కొందరి సూచనల మేరకు ప్రభుత్వ ప్రసూతి ఆస్పత్రికి తీసుకువచ్చారు. మొదటి బిడ్డకు సిజేరియన్‌ చేయడంతో కొన్ని సమస్యలు తలెత్తడంతో రెండో కాన్పుకు కూడా కచ్చితంగా సిజేరియన్‌ చేయాల్సి వచ్చింది. రెండుసార్లు సిజేరియన్‌ కావడంతో ప్రస్తుతం ఆ తల్లి వివిధ గైనిక్‌ సమస్యలతో ఇబ్బంది పడుతోంది. కడుపు కూడా సాధారణ స్థితి కంటే రెండింతలు ఎత్తుగా ఉండడంతో ఇబ్బంది పడుతోంది.