17న చైన్నెలో అతిపెద్ద నైట్‌ రన్నింగ్‌ ఈవెంట్‌

కొరుక్కుపేట: మహిళల పట్ల గౌరవం, సమ్మిళితత్వం , భద్రతతో కూడిన సంస్కృతిని పెంపొందించటమే లక్ష్యంగా ఈనెల 17న చైన్నెలో అతిపెద్ద నైట్‌ రన్‌ ఈవెంట్‌ను నిర్వహించనున్నారు . తమిళనాడు అథ్లెటిక్‌ అసోసియేషన్‌ (టీఎన్‌ఏఏ) ,స్పోర్ట్స్‌ ప్రో మేనేజింగ్‌ పార్టనర్‌ అయిన శబరి , సిమ్స్‌ హాస్పిటల్‌, మైండ్‌ స్పేస్‌ బిజినెస్‌ పార్కు ఆర్‌టీఐటీ, ఎస్‌డీఏటీ ఆధ్వర్యంలో జరుగనున్న ఈ నైట్‌రన్‌ ఈవెంట్‌ జెర్సీ ఆవిష్కరణ కార్యక్రమం గురువారం ఘనంగా జరిగింది. ఈకార్యక్రమానికి అతిథులుగా ఆసియా క్రీడల పతక విజేతలు భరణీకా ఇలంగోవన్‌ , విద్యా రాంరాజ్‌ , అభినయ రాజరాజన్‌ పాల్గొని నైట్‌ రన్‌ జెర్సీతోపాటు నగదు బహుమతులను ఆవిష్కరించారు . ఈ సందర్భంగా మైండ్‌ స్పేస్‌ ఆర్‌ఈఐటి మేనేజింగ్‌ డైరెక్టర్‌ రమేష్‌ నాయర్‌ మాట్లాడుతూ మహిళల భద్రత లక్ష్యంగా ఈనెల 17న జరుగనున్న ఈ నైట్‌ రన్‌లో 4 వేలమందికి పైగా పాల్గొంటున్నట్టు తెలిపారు. ఆ రోజు సాయంత్రం 7 గంటలకు చైన్నెలోని ఐల్యాండ్‌ గ్రౌండ్స్‌ వేదికగా 10కె ,4కె ఫ్యామిలీ రన్‌ ప్రారంభం అవుతుందని తెలిపారు . అనంతరం తమిళనాడు అథ్లెటిక్‌ అసోసియేషన్‌ ప్రణాళిక , అమలు కమిటీ ఛైర్మెన్‌ సి లత మాట్లాడుతూ అథ్లెటిక్స్‌ , సామూహిక భాగస్వామ్య క్రీలను ప్రోత్సహించటంలో ఈ కార్యక్రమం ప్రత్యేకంగా నిలుస్తోందని అన్నారు , చైన్నె నైట్‌ రన్‌ వంటి ఈవెంట్లు ఫిట్‌నెస్‌ సంస్కృతిని పెంపొందించటంలో సహయపడుతుందని , అంతేకాకుండా ఫన్‌గాను ఉంటుందని వివరించారు . అత్యంత వేగంగా పరుగెత్తిన పురుషులు , మహిళలకు ఒక్కో క్కరికి రూ. లక్ష చొప్పన బహుమతి , మొదటి రన్నరప్‌, రెండో రన్నరప్‌ లకు రూ.75 వేలు, రూ.50 వేలు చొప్పున అందిస్తున్నట్టు వెల్లడించారు.ఈ కార్యక్రమంలో ప్రభుత్వ ఛీప్‌ విప్‌, ఎమ్మెల్యే ఆర్‌ శబరినాథన్‌ తదితరులు పాల్గొన్నారు.