చైన్నెఆవడి వైమానిక దళ కేంద్రంలో సేఖోన్‌ మారథాన్‌ 2026

తిరువొత్తియూరు: భారత వైమానిక దళానికి చెందిన పరమ వీర చక్ర అవార్డు గ్రహీత అయిన ఫ్లయింగ్‌ ఆఫీసర్‌ నిర్మల్‌జిత్‌ సింగ్‌ సేఖోన్‌ యొక్క శౌర్యాన్ని, ఆయన చేసిన అత్యున్నత త్యాగాన్ని గౌరవించే విధంగా, శ్రీసేఖోన్‌ మెమోరియల్‌. మారథాన్‌–2026 రెండవ విభాగం ఆదివారం భారతదేశం అంతటా పలు ప్రదేశాలలో నిర్వహించబడింది. ఇందులో భాగంగా, ఆవడి వైమానిక దళ కేంద్రంలో ఆదివారం మూడు విభాగాలలో మారథా న్‌ పోటీని ఏర్పాటు చేశారు. 21 కి.మీ, 10 కి.మీ, 5 కి.మీ కలిగిన ఈ విభాగాలకు, భారత వైమానిక దళానికి చెందిన స్వదేశీ తయారీ యుద్ధ విమానం హెలికాప్టర్ల పేర్లయిన తేజస్‌, ధవ్‌, ప్రచండ్‌ అని వరుసగా నామకరణం చేశారు. పరుగెత్తు, పైకి ఎగురు, స్ఫూర్తినింపే అనే నినాదంతో, ఆవడి వాయుసేన కేంద్రానికి చెందిన 750 మందికి పైగా కుటుంబ సభ్యులు, పిల్లలు ఎంతో ఉత్సాహంతో ఈ పోటీలో పాల్గొన్నారు. ఆవడి వాయుసేన కేంద్రం కమాండింగ్‌ అధికారి ఎయిర్‌ కమోడోర్‌ ప్రదీప్‌ శర్మ ఈ మారథాన్‌ పోటీని ప్రారంభించారు. అలాగే, ఆయన కూడా తన వాయుసేన సిబ్బందితో కలిసి ఈ పరుగు పందెంలో పాల్గొన్నారు.