బస్సుల సంఖ్య పెంచండి● మంత్రి పొన్నం ప్రభాకర్‌కు విప్‌ ఆది శ్రీనివాస్‌ విన్నపం

బస్సుల సంఖ్య పెంచండి● మంత్రి పొన్నం ప్రభాకర్‌కు విప్‌ ఆది శ్రీనివాస్‌ విన్నపం వేములవాడ: వేములవాడకు అన్ని ప్రాంతాల నుంచి కనెక్టివిటీ పెంచేందుకు బస్సుల సంఖ్య పెంచాలని మంత్రి పొన్నం ప్రభాకర్‌కు ప్రభుత్వవిప్‌ ఆది శ్రీనివాస్‌ శనివారం వినతిపత్రం అందించారు. అసెంబ్లీ కమిటీ హాల్‌–1లో ఆర్టీసీ సమస్యలపై ఉమ్మడి కరీంనగర్‌, ఆదిలాబాద్‌, ఖమ్మం జిల్లాల ప్రజాప్రతినిధులతో నిర్వహించిన ముఖాముఖీలో విప్‌ పాల్గొన్నారు. వేములవాడకు సిరిసిల్ల, కోరుట్ల, జగిత్యాల, మెట్‌పల్లి డిపోల నుంచి బస్సుల సంఖ్య పెంచాలని కోరారు. కథలాపూర్‌ మండలం రాజారాంతండా, కథలాపూర్‌ కొండాపూర్‌ వరకు, గంభీర్‌పూర్‌ వరకు వస్తున్న బస్సులను మోత్కురావుపేట, గోవిందారం వరకు పెంచాలని కోరారు. చందుర్తి నుంచి మర్రిమడ్ల వరకు బస్సులు నడపాలని కోరారు. ● కారు ఢీకొని వృద్ధురాలు మృతి రోడ్డు ప్రమాదంలో వ్యక్తికి తీవ్ర గాయాలు రుద్రంగి(వేములవాడ): మండల కేంద్రం శివారులోని శనివారం జరిగిన రోడ్డు ప్రమాదంలో వ్యక్తికి తీవ్ర గాయాలయ్యాయి. రుద్రంగి వైపు నుంచి కోరుట్ల వైపు వెళ్తున్న టిప్పర్‌, కోరుట్ల నుంచి వస్తున్న బైక్‌ రుద్రంగిశివారులో ఢీకొన్నాయి. ఈ ఘటనలో జగిత్యాల జిల్లా కథలాపూర్‌ మండలం గంభీర్‌పూర్‌కు చెందిన బూస గంగాధర్‌ తీవ్రంగా గాయపడ్డాడు. అంబులెన్స్‌లో కోరుట్లలోని ఆస్పత్రికి తరలించారు.