గురజాడ భావజాలం దేశానికి అవసరం

● సాహితీ స్రవంతి రాష్ట్ర గౌరవాధ్యక్షుడు

తెలకపల్లి రవి

విజయనగరం టౌన్‌: జాతీయ పునర్వికాసానికి ప్రతిబింబంగా, ప్రతీకగా నిలిచిన వ్యక్తి గురజాడ అప్పారావు భావజాలం దేశానికి ఎంతైనా అవసరం.. అటువంటి మహనీయుడి జయంతి, వర్ధంతి కార్యక్రమాలను అధికారికంగా నిర్వహించుకోవడం మన కనీస బాధ్యతని సాహితీ స్రవంతి రాష్ట్ర గౌరవాధ్యక్షుడు తెలకపల్లి రవి అన్నారు.

జిల్లా కేంద్రంలో శనివారం ఆయన విలేకరులతో మాట్లాడుతూ.. గురజాడ పేరుతో సాంస్కృతిక విశ్వవిద్యాలయం ఏర్పాటు చేయాలన్నారు. అలాగే ఆయన నివాసాన్ని ఆధునీకరించాలని సూచించారు. ఉత్తరాంధ్రలో శ్రీశ్రీ, ఆరుద్ర, ఘంటసాల, సుశీల , ఆదిభట్ల, ద్వారం వంటి మహానుభావులెందరో ఉండడం ఈ ప్రాంత ప్రజల అదృష్టమన్నారు. కార్యక్రమంలో సాహితీస్రవంతి ప్రతినిధి చీకటి దివాకర్‌, జనవిజ్ఞాన వేదిక నాయకులు డాక్టర్‌ ఎంవీఎన్‌ వెంకటరావు, డాక్టర్‌ జక్కు రామకృష్ణ, గురజాడ వెంకటేశ్వరరావు, ఇందిర, తదితరులు పాల్గొన్నారు.