కోల్డ్‌ స్టోరేజీ యాజమాన్యాల సమస్యలు పరిష్కరించాలి

● కోల్డ్‌ స్టోరేజ్‌ ఓనర్స్‌ వెల్ఫేర్‌ అసోసియేషన్‌ జిల్లా అధ్యక్షుడు సురేంద్రబాబు మాట్లాడుతూ కోట్ల రూపాయల బ్యాంకు రుణాలతో నిర్మించుకున్న కోల్డ్‌ స్టోరేజీల యాజమాన్యాలు గత పది సంవత్సరాలుగా తీవ్ర ఆర్థిక ఇబ్బందుల్లో కొట్టుమిట్టాడుతున్నారన్నారు. ప్రభుత్వం తక్షణం తమని ఆదుకోకపోతే ఆత్మహత్యలే శరణ్యంగా మారే అవకాశాలు ఉన్నాయని ఆవేదన వ్యక్తం చేశారు. ● కోల్డ్‌ స్టోరేజ్‌లను వ్యవసాయ పరిశ్రమగా గుర్తించగలిగితే కొంత ఉపశమనం కలుగుతుందని పేర్కొన్నారు. కోళ్లు, రొయ్యల పరిశ్రమలను వ్యవసాయ అనుబంధ పరిశ్రమగా గుర్తించినట్లు తమను కూడా గుర్తించినట్లయితే కరెంటు టారిఫ్‌లు తగ్గి కొంత ఉపశమనం కలుగుతుందని వేడుకున్నారు. ● స్పందించిన మంత్రి అచ్చెన్నాయుడు మాట్లాడుతూ సమస్యలను ముఖ్యమంత్రి చంద్రబాబు దృష్టికి తీసుకువెళ్లి పరిష్కారానికి తనవంతు కృషి చేస్తానని హామీ ఇచ్చారు.