సోమవారం శ్రీ 12 శ్రీ అక్టోబర్‌ శ్రీ 2026

వేద మంత్రాల నడుమ.. మంగళవాయిద్యాల సవ్వడితో.. అమ్మవారి నామస్మరణతో ఇంద్రకీలాద్రి ఆధ్యాత్మిక శోభను సంతరించుకుంది. జగజ్జనని శ్రీ కనకదుర్గమ్మ శరన్నవరాత్రి మహోత్సవాలు ఆదివారం అంగరంగ వైభవంగా ప్రారంభమయ్యాయి. తొలి రోజున అమ్మవారు శ్రీ బాలాత్రిపురసుందరీదేవిగా దర్శనమివ్వడంతో కొండ పరిసరాలు భక్తిభావంతో పులకించిపోయాయి. అమ్మవారిని దర్శించుకుని మొక్కులు చెల్లించుకునేందుకు పద్ద సంఖ్యలో భక్తులు తరలివచ్చారు. మరోవైపు ప్రముఖులు, వీఐపీల రాక, సిఫారసు దర్శనాల మధ్య సామాన్య భక్తులు ఇబ్బందులు ఎదుర్కోవాల్సి వచ్చింది. ఆంక్షలు, రద్దీ నడుమ భక్తుల గంటల తరబడి నిరీక్షించారు.