Kantara Chapter 1 : అదిరిపోయే యాక్షన్‌ సీన్లతో ‘కాంతార చాప్టర్‌ 1’ కొత్త ట్రైలర్‌

రిషబ్‌ శెట్టి తెరకెక్కించిన కాంతార చాప్టర్‌ 1 బాక్సాఫీస్‌ వద్ద దూసుకెళ్తోంది. అక్టోబర్‌ 2న విడుదలైన ఈ చిత్రం ఇప్పటి వరకు రూ. 680 కోట్లకు పైగా వసూళ్లను సాధించి పలు రికార్డులను బద్దలు కొడుతోంది. ఇప్పటికీ అత్యధిక థియేటర్స్‌లో రన్‌ అవుతున్న ఈ చిత్రం నుంచి కొత్త ట్రైలర్‌(Kantara Chapter 1 Deepavali Trailer)ని రిలీజ్‌ చేశారు మేకర్స్‌.

 దీపావళి కానుకగా నేడు(గురువారం) విడుదలైన ఈ  కొత్త ట్రైలర్ ‌సినిమాలోని కీలక సన్నివేశాలన్నింటిని చూపించారు.  యాక్షన్‌ సీన్లను హైలెట్‌ చేస్తూ ఈ ట్రైలర్‌ని కట్‌ చేశారు. రిషబ్ శెట్టి స్వీయదర్శకత్వంలో హీరోగా నటించి ఈ చిత్రంలో యువరాణి పాత్రలో రుక్మిణి వసంత్‌ కనిపించింది. గుల్షన్ దేవయ్య కీలక పాత్ర పోషించాడు.  హోంబలే ఫిలింస్‌ అత్యంత ప్రతిష్టాత్మకంగా ఈ చిత్రాన్ని నిర్మించింది.