రామప్పలో హైకోర్టు జడ్జి పూజలు

రామప్పలో హైకోర్టు జడ్జి పూజలు వెంకటాపురం(ఎం): ములుగు జిల్లా వెంకటాపురం(ఎం) మండలం పాలంపేటలోని రామప్ప దేవాలయాన్ని రాష్ట్ర హైకోర్టు న్యాయమూర్తి జస్టిస్‌ వాకిటి రామకృష్ణా రెడ్డి దంపతులు గురువారం సందర్శించారు. ఈ సందర్భంగా ఆలయ ఈఓ ఇమ్మడి భాస్కర్‌ , అర్చకులు హరీశ్‌ శర్మ, ఉమాశంకర్‌.. జడ్జి దంపతులకు ఘన స్వాగతం పలికి ప్రత్యేక పూజలు నిర్వహించి తీర్థ ప్రసాదాలు అందచేశారు. ఆలయ మండపంలో జడ్జి దంపతులను ఈఓ సన్మానించగా, అర్చకులు వేద ఆశీర్వచనం ఇచ్చారు. అనంతరం ఆలయ చరిత్ర, శిల్పకళ ప్రాముఖ్యత గురించి టూరిజం గైడ్‌ గోరంట్ల విజయ్‌కుమార్‌ వివరించారు. రామప్ప సరస్సును సందర్శించారు. వారి వెంట ఎస్సై చల్ల రాజు, ఆర్‌ఐ రమేశ్‌, కానిస్టేబుళ్లు భద్రు, శ్రీకాంత్‌, తదితరులు ఉన్నారు. ‘వన్‌ మినిట్‌ రూల్‌’తో భద్రతకు ప్రాధాన్యం హన్మకొండ అర్బన్‌ : విద్యుత్‌ సిబ్బంది భద్రతకు అత్యున్నత ప్రాధాన్యమిస్తూ టీజీఎన్పీడీసీఎల్‌లోన ‘వన్‌ మినిట్‌ రూల్‌’ అమలు చేస్తున్నట్లు సీఎండీ కర్నాటి వరుణ్‌ రెడ్డి గురువారం తెలిపారు. క్షేత్రస్థాయిలో పనులు ప్రారంభించే ముందు సిబ్బంది ఒక్క నిమిషం పాటు భద్రతా ప్రమాణాలను పరిశీలించడం ఈ విధానం ముఖ్య ఉద్దేశమన్నారు. చిన్న నిర్లక్ష్యం పెద్ద ప్రమాదాలకు దారి తీసే అవకాశం ఉండడంతో ఈ చర్యలు తీసుకుంటున్నామని పేర్కొన్నారు. పనికి ముందు లైన్‌ క్లియర్‌ పొందడం, ఇండక్షన్‌ టెస్టర్‌తో లైనన్‌లో విద్యుత్‌ లేదని నిర్ధారించుకోవడం, పీపీఈ కిట్లు ధరించడం, ఎర్తింగ్‌ ఏర్పాటు, డబుల్‌ ఫీడింగ్‌ లేకుండా చూడడం, పరికరాల భద్రతను పరిశీలించడం వంటి అంశాలను తప్పనిసరిగా తనిఖీ చేయాలని సూచించారు. ఈ విధానం ద్వారా విద్యుత్‌ ప్రమాదాలు తగ్గించి సిబ్బంది ప్రాణాలు రక్షించడమే లక్ష్యమని తెలిపారు. ‘ఒక్క నిమిషం ఆలోచన – జీవితాంతం భద్రత’ అనేదే ‘వన్‌ మినిట్‌ రూల్‌’ ప్రధాన సందేశమని సీఎండీ వరుణ్‌రెడ్డి స్పష్టం చేశారు. మక్కల కొనుగోళ్లలో ప్రభుత్వం విఫలం ‘సమస్యల పరిష్కారానికి ఐక్యంగా ముందుకు’..