TV
ఆదోని జిల్లాను తక్షణమే ప్రకటించాలి
● జిల్లా సాధనకు ఐక్యంగా ఉద్యమిద్దాం ● ప్రభుత్వంపై ఎమ్మెల్యేలు, మాజీ ఎమ్మెల్యేలు ఒత్తిడి చేయాలి ● జేఏసీ దీక్షలో వైఎస్సార్‌సీపీ నేతలు
ఆదోని టౌన్‌: వ్యాపార, వాణిజ్య రంగాల్లో ఆంధ్రా ముంబాయిగా పేరుగాంచిన ఆదోనిని తక్షణమే జిల్లాగా ప్రకటించాలని వైఎస్సార్‌సీపీ నేతలు డిమాండ్‌ చేశారు. ఆదోని జిల్లా సాధన కోసం స్థానిక భీమాస్‌ సర్కిల్‌లో ఆదోని జేఏసీ చేపట్టిన రిలే నిరాహార దీక్షలు 13వ రోజుకు చేరుకున్నాయి. జాయింట్‌ యాక్షన్‌ కమిటీ నాయకులు ఆదినారాయణరెడ్డి, గిరిరాజుల నేతృత్వంలో చేపట్టిన దీక్షకు శుక్రవారం వైఎస్సార్‌సీపీ నేతలు సంఘీభావం తెలిపారు. దీక్షా శిబిరాన్ని ఎమ్మెల్సీ మధుసూదన్‌తో కలిసి ఆదోని మాజీ ఎమ్మెల్యే సాయిప్రసాద్‌రెడ్డి, పత్తికొండ మాజీ ఎమ్మెల్యే కంగాటి శ్రీదేవి, ఎమ్మిగనూరు వైఎస్సార్‌సీపీ ఇన్‌చార్జ్‌ రాజీవ్‌రెడ్డి, సీనియర్‌ నాయకులు జగన్‌మోహన్‌రెడ్డి సందర్శించారు. దీక్ష లో కూర్చొన్న వారికి పూలమాలలు వేసి సంఘీభావం తెలిపారు. ప్రైవేట్‌ పాఠశాలల యాజమాన్యా లు, ప్రభుత్వ, ప్రైవేట్‌ కళాశాలల విద్యార్థులు వందలాది మంది రోడ్డెక్కి తమ నిరసనను తెలియజేశారు. భీమాస్‌ సర్కిల్‌ మీదుగా పాత బస్టాండు సర్కిల్‌ వరకు ప్రదర్శనగా వెళ్లి తిరిగి భీమాస్‌ సర్కి ల్‌ చేరుకుని రాస్తారోకో, ధర్నా నిర్వహించారు. దీంతో ట్రాఫిక్‌ స్తంభించిపోయింది. దీక్షలో వినోద్‌రెడ్డి, నాగరాజ్‌, గిరిరాజు, రామలింగయ్య, శ్రీనివాసులు, సూర్యప్రకాష్‌, సుబ్రహ్మణ్యం, మురళీమోహన్‌, పాండు, శోభాలత, జయలక్ష్మి, హనుమంతు, హనుమంతరెడ్డి, రజాక్‌అహ్మద్‌, నాగరాజ్‌, సజ్జద్‌, పరమేష్‌, మల్లికప్ప, గిడ్డయ్య, వీరేష్‌ పాల్గొన్నారు.
ఆదోని జిల్లాను తక్షణమే ప్రకటించాలి
