TV
చెంచులకు మెరుగైన వైద్యం అందించాలి
కొత్తపల్లి: చెంచు గిరిజన గూడేల్లోని చెంచులకు మెరుగైన వైద్యం అందించాలని, క్యాన్సర్‌ పట్ల జాగ్రత్తలు తీసుకోవాలని సంచార చికిత్స ప్రోగ్రాం జిల్లా నోడల్‌ ఆఫీసర్‌ జగదీష్‌ చంద్రా రెడ్డి సూచించారు. శుక్రవారం మండలంలోని గోకవరం ప్రాథమిక ఆరోగ్య కేంద్రం పరిధిలో ఉన్న శివపురం చెంచుగూడెంలో ఏర్పాటు చేసిన సంచార చికిత్స వైద్య శిబిరాన్ని తనిఖీ చేశారు. అనంతరం ఆయన మాట్లాడుతూ చెంచులకు తరతరాల నుంచి వస్తున్న అలవాట్లను మాన్పించేలా అవగాహన సదస్సులు నిర్వహించాలని చెప్పారు. ప్రస్తుతం జరుగుతున్న ఎన్‌సిడిసి, డి 4.0 సర్వేలో హైపర్‌ టెన్షన్‌, బీపీ, షుగర్‌, క్యాన్సర్‌పై క్షుణ్ణంగా సర్వే చేయాలని ఆదేశించారు. అలాగే లెప్రసీ అనుమానిత కేసులను పరిశీలించాలన్నారు. వైద్యాధికారి హకీమ్‌ రషీద్‌, వైద్య సిబ్బంది ఉన్నారు.
