మిత్రమా.. మేమున్నాం!

మిత్రమా.. మేమున్నాం!

ఓ మిత్రుడు ఈ లోకం నుంచి దూరమైనా .. అతని కుటుంబానికి అండగా నిలిచి.. ‘మిత్రమా.. మేమున్నాం’ అంటున్నారు. దాదాపు 30 ఏళ్ల క్రితం చదువులమ్మ ఒడిలో కలుసుకున్న స్నేహితులు ఒకరికొకరు తోడుగా నిలుస్తూ ఆదర్శంగా నిలుస్తున్నారు. శ్రీశైలం ప్రాజెక్ట్‌కు చెందిన ఉమర్‌(46) కొద్ది రోజుల క్రితం గుండెపోటుతో, ఆయన భార్య తస్లీమా నాలుగేళ్ల క్రితం అనారోగ్యంతో మరణించారు. ఈ క్రమంలో వారి కుమారుడు జిలానీ, కుమార్తె రెహానా అనాథలయ్యారు. ఉమర్‌ మిత్రులైన శ్రీశైలం ప్రాజెక్ట్‌ ప్రభుత్వ ఉన్నత పాఠశాలలో 1995 పదో తరగతి బ్యాచ్‌కు చెందిన విద్యార్థులు నాగేశ్వరరావు, రాము, శంకర్‌, శేఖర్‌, సుబ్బారావు తదితరులు అండగా నిలిచారు. రెహానా పెళ్లి ఖర్చుల కోసం రూ. 2 లక్షలు పోస్టాఫీసులో డిపాజిట్‌ చేసి, ఆ బాండ్‌ను శుక్రవారం జిలానీకి అందజేశారు. ఔదార్యం చాటిన మిత్రులను పలువురు అభినందించారు. – శ్రీశైలంప్రాజెక్ట్‌