అదుపు తప్పినస్కూల్‌ బస్సు | - | Sakshi
Sakshi News home page

అదుపు తప్పినస్కూల్‌ బస్సు

Nov 29 2025 7:15 AM | Updated on Nov 29 2025 7:15 AM

అదుపు

అదుపు తప్పినస్కూల్‌ బస్సు

● విద్యార్థులకు తప్పిన ప్రమాదం

నందికొట్కూరు: మిడుతూరు మండల పరిధిలోని సుంకేసుల బాట వద్ద శుక్రవారం చెన్నకేశవస్వామి స్కూల్‌ బస్సు అదుపు తప్పి చెట్టును ఢీకొంది. ఎస్‌ఐ ఓబులేసు తెలిపిన వివరాలు ఇలా ఉన్నాయి. సుంకేసుల గ్రామం నుంచి ఉదయం స్కూల్‌ బస్సులో విద్యార్థులు పాఠశాలకు బయల్దేరారు. మార్గమధ్యలో బస్సు స్టీరింగ్‌ రాడ్‌ ఊడిపోవడంతో అదుపు తప్పి బస్సు చెట్టుకు ఢీకొట్టింది. బస్సులో ఉన్న హర్షవర్థన్‌ అనే బాలుడికి చిన్న గాయమైంది. మిగతా విద్యార్థులందరూ క్షేమంగా బయట పడ్డారు. విషయం తెలుసుకున్న విద్యార్థుల తల్లిదండ్రులు సంఘటన స్థలం వద్ద చేరుకున్నారు. విద్యార్థులకు ఎలాంటి ప్రమాదం జరగకపోవడంతో తల్లి, దండ్రులు ఊపిరిపీల్చుకున్నారు. చెన్నకేశవ స్కూల్‌ యజమాన్యం కాలం చెల్లిన బస్సులను నడుపుతున్నా అధికారులు పట్టించుకోవడం లేదని ప్రజలు విమర్శించారు.

గుర్తు తెలియని వ్యక్తి మృతి

డోన్‌ టౌన్‌: పట్టణంలోని రైల్వే గేట్ల సమీపంలో ఓ గుర్తు తెలియని వ్యక్తి (55) మృతి చెందినట్లు పట్టణ పోలీసులు శుక్రవారం తెలిపారు. మృతుడు యాచకుడని, గురువారం రాత్రి మద్యం మత్తులోనే మృతి చెందాడనే కోణంలో పోలీసులు విచారణ చేపట్టారు. మృతదేహాన్ని ప్రభుత్వ ఆసుపత్రి మార్చురీకి తరలించారు. ఆచూకీ వివరాలు తెలిస్తే పట్టణ పోలీసులకు సమాచారం ఇవ్వాలని సూచించారు.

రైలు నుంచి జారిపడి

కర్ణాటక వాసి మృతి

కోసిగి: మండల కేంద్రం కోసిగి రైల్వే స్టేషన్‌ డౌన్‌ ట్రాక్‌లో ఎక్స్‌ప్రెస్‌ రైలు నుంచి ప్రమాదవశాత్తు కాలు జారి పడి కర్ణాటకకు చెందిన ఓ వ్యక్తి మృతి చెందాడు. గుంతకల్లు నుంచి రాయచూరు వైపు వెళుతున్న ఎక్స్‌ప్రెస్‌ రైలు నుంచి ఓ వ్యక్తి కాలు జారి పట్టాలపై పడి తీవ్రంగా గాయపడ్డాడు. గమనించిన రైల్వే గ్యాంగ్‌మెన్‌లు 108కు సమాచారం ఇచ్చారు. 108 సిబ్బంది అక్కడికి వెళ్లి పరిక్షించేలోగా అప్పటికే మృతి చెందాడు. ఆయన వద్ద గుంతకల్లు నుంచి పూణె వరకు ప్రయాణించేందుకు టికెట్‌, జేబులో మద్యం సీసా ఉన్నట్లు గుర్తించారు. రైల్వే పోలీసులు అక్కడికి చేరుకుని ఆధార్‌ కార్డు ఆధారంగా కర్ణాటక రాష్ట్రానికి చెందిన అజయ్‌(44) గా గుర్తించారు. మృతదేహాన్ని పరిశీలించి కేసు నమోదు చేసుకుని పోస్టుమార్టం నిమిత్తం ఆదోని ఏరియా ఆసుపత్రికి తరలించారు.

మనస్తాపంతో వ్యక్తి మృతి

అవుకు(కొలిమిగుండ్ల): పట్టణంలోని గుర్రాలపేట వీధికి చెందిన ఓ వ్యక్తి మనస్తాపంతో ఆత్మహత్య చేసుకున్నట్లు పోలీసులు శుక్రవారం తెలిపారు. గుర్రాల రామస్వామి(48) మద్యానికి బానిసై రోజు తాగి ఇంటికి వస్తుండేవాడు. ఇలా తాగి వస్తే పిల్లలను ఎలా చదివించాలి అని భార్య కళావతి ప్రశ్నించింది. ఈ విషయంలో దంపతులిద్దరూ శుక్రవారం గొడవ పడ్డారు. తర్వాత భార్య పొలం పనులకు వెళ్లగా ఇంట్లో ఎవరూ లేని సమయంలో మనస్తాపానికి గురైన రామస్వామి క్రిమిసంహారక మందు తాగి పడిపోయాడు. కొద్ది సేనటి తర్వాత కుటుంబ సభ్యులు స్థానిక ప్రభుత్వ ఆసుపత్రికి తీసుకెళ్లారు. వైద్యులు పరీక్షించి అప్పటికే మృతి చెందినట్లు నిర్ధారించారు. మృతుడి భార్య ఫిర్యాదు మేరకు కేసు నమోదు చేసుకున్నట్లు పోలీసులు పేర్కొన్నారు.

అదుపు తప్పినస్కూల్‌ బస్సు 1
1/1

అదుపు తప్పినస్కూల్‌ బస్సు

Advertisement

Related News By Category

Related News By Tags

Advertisement
 
Advertisement
Advertisement