ఫిబ్రవరి 13 నుంచి హంపీ ఉత్సవాలు

ఫిబ్రవరి 13 నుంచి హంపీ ఉత్సవాలు

హొసపేటె: హంపీ ఉత్సవాల నిర్వహణ తేదీలు ఎట్టకేలకు ఖరారయ్యాయి. ఫిబ్రవరి 13, 14, 15 తేదీల్లో మూడు రోజుల పాటు హంపీ ఉత్సవాల్ని జరుపుకోవాలని ప్రభుత్వం నిర్ణయించింది. ప్రతి సంవత్సరం హంపీ ఉత్సవాల తేదీ మారుతున్నందున, ఈ ఏడాది ఉత్సవాల తేదీలు కూడా మారాయి. గత సంవత్సరం ఫిబ్రవరి 28, మార్చి 1, 2 తేదీల్లో హంపీ ఉత్సవాల్ని జరుపుకున్నారు. గత సంవత్సరం ఫిబ్రవరిలో అధిక ఉష్ణోగ్రత కారణంగా కవి సమ్మేళనాలు, వ్యవసాయ ఉత్సవాలు, ఫల, పుష్ప ప్రదర్శనలు వంటి పగటిపూట కార్యక్రమాల్లో పెద్ద సంఖ్యలో ప్రజలు పాల్గొనలేదు. ఈ నేపథ్యంలో ప్రభుత్వం ఫిబ్రవరి 28కి బదులుగా ఫిబ్రవరి 13, 14, 15 తేదీల్లో ఈ ఉత్సవాల్ని జరపాలని నిర్ణయించింది. హంపీ ఉత్సవాలకు సంబంధించి డిప్యూటీ కమిషనర్‌ కవితా ఎస్‌.మన్నికేరి అధ్యక్షతన హంపీ ఉత్సవాల నిర్వహణపై ప్రాథమిక సమావేశం జరిగింది. అవసరమైన సన్నాహాలు చేయాలని జిల్లాధికారి అధికారులను ఆదేశించారు.