కంది పంటకు సీడీ వ్యాధి

కంది పంటకు సీడీ వ్యాధి

హొసపేటె: గత 15 రోజులుగా కురుస్తున్న భారీ వర్షాల కారణంగా వర్షాకాలంలో విత్తిన జొన్న, పొద్దుతిరుగుడు, నువ్వులు, వేరుశనగ సహా వివిధ పంటలు దెబ్బతిన్నాయి. అయితే గ్రామ లెక్కాధికారి, వ్యవసాయ అధికారులు నష్టాన్ని చూసి పట్టించుకోకపోవడం, దెబ్బతిన్న పంటలను పరిశీలించక పోవడం రైతులను ఆగ్రహానికి గురి చేస్తోంది. ఈ సంవత్సరం విజయనగర జిల్లాలో కూడ్లిగి, హగరి బొమ్మనహళ్లి, హరపనహళ్లి, హడగలి తాలూకాల పరిధిలోని వివిధ గ్రామాల్లో వర్షాకాలంలో విత్తిన పంటలు నీటితో నిండిపోయాయి. దీని వల్ల జొన్న, పొద్దుతిరుగుడు, వేరుశెనగ సహా వివిధ పంటలు దెబ్బతిన్నాయని రైతులు ఆందోళన చెందుతున్నారు. వర్షాల కారణంగా కుళ్లిపోతున్న, మార్కెట్లో మంచి ధర లభించని జొన్న, పొద్దుతిరుగుడు పంటల పరిస్థితి తక్కువగా ఉండటంతో రైతులు బాధపడుతున్నారు. వివిధ పంటల గురించి రైతులు సోమలింగప్ప, కాళిదాసు, సిద్దయ్య తదితరులు మాట్లాడుతూ మేం అప్పులు చేసి బీన్స్‌, జొన్న, పొద్దుతిరుగుడు పువ్వులు, నువ్వులు, వేరుశెనగ మొదలైన వివిధ పంటలను విత్తాం. విత్తిన తర్వాత పంటలు బాగా పెరిగాయి. అయితే నిరంతర వర్షాల కారణంగా పంట నష్టం ఆందోళనకు గురి చేస్తోంది. దెబ్బతిన్న పంటలను పరిశీలించి న్యాయం చేయాలని వివిధ గ్రామాల రైతులు సంబంధిత గ్రామ అకౌంటెంట్లు, వ్యవసాయ అధికారులకు విజ్ఞప్తి చేశారు.

చేతికి వచ్చిన పంటకు దెబ్బ

తీవ్ర కష్టనష్టాల్లో అన్నదాత