వరసిద్ధి సన్నిధికి డిజిటల్‌ పోటు?

Sep 18 2026 1:09 AM | Updated on Sep 18 2026 1:09 AM

● యూపీఐ ద్వారా భక్తులు జరిపే చెల్లింపుల్లో ఎక్కు వ రూ.2 వేలలోపువే. కాణిపాకంలో స్వామివారి ప్రత్యేక గణపతి హోమానికి రూ.1000, రూ.2 వేలు, వివిధ రకాల ప్రత్యేక దర్శనాలు, సేవల టికెట్ల రేట్లు రూ.1,000 పైగా ఉన్నాయి. తాజాగా యూపీఐ నిబంధనల ప్రకారం వీటిపై 0.4 శాతం ఎండీఆర్‌ చెల్లించాల్సి ఉంటుంది. ● ఆలయంలోని కొన్ని సత్రాల్లో సూట్‌ రూములు, అద్దెలకు కలిపి రూ.600 నుంచి రూ.1800 వరకు ఉన్నాయి. ఈ అద్దె మీద భక్తులు జీఎస్‌టీ చెల్లిస్తున్నారు. తాజాగా యూపీఐ పేమెంట్‌ చేస్తే అదనంగా రూ.10 వరకు ఎండీఆర్‌ చెల్లించాలి. ● విరాళాలకు కూడా యూపీఐ ద్వారా చెల్లిస్తే ఎండీఆర్‌ చెల్లింపు తప్పనిసరి అవుతుంది. ● సామూహిక వివాహానికి జీఎస్టీతో కలిపి రూ.810, మ్యారేజీ హాళ్ల అద్దె రూ.16,500 వరకు ఉంది. వీటిపై ఇప్పటికే 5 శాతం జీఎస్‌టీ అమలవుతోంది. వీటికి కూడా ఎండీఆర్‌ పడక తప్పదు. ● నిబంధనల ప్రకారం ఎండీఆర్‌ను ఆలయం భరిస్తుందా లేక భక్తుల పైనే మోపుతుందా అనే అంశం ప్రభుత్వం తీసుకునే నిర్ణయంపై ఆధారపడి ఉంటుందని అధికారులు తెలిపారు.

కాణిపాకంలో 90 శాతం యూపీఐ చెల్లింపులే ఆన్‌లైన్‌ పేమెంట్ల ద్వారా ప్రతినెలా రూ.3 కోట్లకు పైగా రాబడి భారం.. దేవస్థానం పైనా.. భక్తుల పైనా?

కాణిపాకం: యూపీఐ చెల్లింపులపై విధించే ఎండీఆర్‌ చార్జీలు కాణిపాక శ్రీ వరసిద్ధి వినాయక స్వామి దేవస్థానంపై కూడా ఉండనుందనే వార్తలు వినిపిస్తున్నా యి. కేంద్ర ఆర్థిక శాఖ చెప్పినట్లు ఆ అదనపు ఛార్జీ దేవస్థానం పడుతుందా లేక భక్తుల పైనా అనే అంశంపై స్పష్టత రావడం లేదు. రూ.వెయ్యికి మించిన గదుల అద్దె వంటి వాటికి భక్తులు ఇప్పటికే 5 శాతం జీఎస్‌టీ చెల్లిస్తున్నారు. జీఎస్‌టీలో మినహాయింపు లేదు కాబ ట్టి యూపీఐ చెల్లింపులపై కూడా ఆలయం ఎండీఆర్‌ చెల్లించాల్సి ఉంటుందనే వివరాలు తెలుస్తున్నాయి. ప్రస్తుతం స్వామివారి వ్రతాలు, ప్రత్యేక పూజల టిక్కె ట్లు, ప్రసాదం, వసతి గదుల రిజర్వేషన్‌ నుంచి దర్శనం వరకూ ఆన్‌లైన్‌లోనే చెల్లింపులు జరుగుతున్నాయి. సాధారణ రోజుల్లో రూ.10 లక్షల వరకూ ఉంటే, సంకటహర చతుర్ది, ఆదివారాలు, పర్వదినాల్లో రూ.12 లక్షల వరకూ ఉంటున్నాయి. ప్రతి నెలా రూ.2 కోట్ల వరకు ఆన్‌లైన్‌ పేమెంట్లు జరుగుతున్నాయి.

వీటిపై ఎండీఆర్‌ వడ్డన