పాఠశాల నుంచి తప్పిపోయిన చిన్నారులు

పాఠశాల నుంచి తప్పిపోయిన చిన్నారులు కారంచేడు: పాఠశాలకు వెళ్లిన ఇద్దరు చిన్నారులు బయటకు వచ్చి కనిపించకుండా పోయారు. ఈ ఘటన మండలంలోని స్వర్ణ గ్రామంలో మంగళవారం జరిగింది. ప్రాథమిక పాఠశాలకు చెందిన ఉపాధ్యాయులు, తోటి విద్యార్థులు వెతికినా తప్పిపోయిన చిన్నారులు కనిపించలేదు. దీంతో వారు కారంచేడు విద్యాశాఖ అఽధికారి గోపతోటి శ్యాంసన్‌కు విషయం తెలియజేశారు. ఆయన స్థానిక పోలీస్‌లకు ఫిర్యాదు చేయడంతో వెంటనే రంగంలోకి దిగారు. విచారణలో పిల్లలు మధ్యాహ్న భోజన విరామ సమయంలో బయటకు వెళ్లి గ్రామ పొలిమేరలో ఆటలాడుకుంటూ ఉండగా గుర్తించారు. పోలీస్‌లు వారిని ఉపాధ్యాయులకు, తల్లిదండ్రులకు అప్పగించారు. మణిపాల్‌లో అవయవదానం తాడేపల్లి రూరల్‌ : తాడేపల్లి మణిపాల్‌ హాస్పిటల్‌లో చికిత్స పొందుతూ బ్రెయిన్‌ డెడ్‌ అయిన వ్యక్తి అవయవాలను దానం చేయడానికి కుటుంబ సభ్యులు ముందుకు వచ్చారు. ఈ మేరకు హాస్పిటల్‌ డైరెక్టర్‌ రామాంజనేయరెడ్డి వివరాలు వెల్లడించారు. బాపట్ల జిల్లా అడవుల దీవి, నిజాంపట్నంకు చెందిన అవ్వారు లక్ష్మీ కనకదుర్గ (53) ఇంటివద్ద అకస్మాత్తుగా స్పృహ కోల్పోవడంతో మణిపాల్‌ ఆసుపత్రిలో ఈ నెల 26వ తేదీన చికిత్స నిమిత్తం చేర్పించారు. వైద్యం అందించినా ఆమె ఆరోగ్యపరిస్థితిలో మార్పు కనిపించలేదు. జూలై 27వ తేదీన వైద్యులు బ్రెయిన్‌డెడ్‌గా నిర్ధారించారు. లక్ష్మీ కనకదుర్గ భర్త వెంకట చంద్రశేఖరరావు, కుటుంబ సభ్యుల అంగీకారం మేరకు ఆంధ్రప్రదేశ్‌ జీవన్‌దాన్‌ చైర్మన్‌ కె. రాంబాబు ఆధ్వర్యంలో ఆమె అవయవాలను దానం చేశారు. కాలేయం, ఒక కిడ్నీని మణిపాల్‌ హాస్పిటల్‌లో అవసరమైన వారికి మార్పిడి చేయగా, మరొక కిడ్నీని వేదాంత హాస్పిటల్‌కు తరలించారు. అవయవదాన కార్యక్రమానికి ముందుకు వచ్చిన దాత కుటుంబానికి మణిపాల్‌ హాస్పిటల్‌ కృతజ్ఞతలు తెలియజేసింది. నకిలీ చలాన్లపై చర్యలకు సిద్ధం