బంగాళాఖాతంలో అల్పపీడనం

సాక్షి, అమరావతి/సాక్షి, విశాఖపట్నం: ఉత్త­రాంధ్ర, దక్షిణ ఒడిశా తీరం వెంబడి బంగాళాఖాతంలో శుక్రవారం అల్ప­పీడనం ఏర్పడిందని వా­తావరణ శాఖ తెలిపింది. ఇది రెండు రోజుల్లో ఉత్తరాంధ్ర, దక్షిణ ఒడిశా, దక్షిణ ఛత్తీస్‌గఢ్‌ మీదుగా పశ్చిమ–వాయవ్య దిశగా కదిలే అవకాశం ఉందని పేర్కొంది. దీనికితోడు రుతుపవన ద్రోణు­ల ప్రభావంతో వచ్చే మూడు రోజు­లు రాష్ట్రంలో వర్షాలు కురుస్తాయని తెలిపింది.  

ఉత్తరాంధ్ర, కోస్తా జిల్లాల్లో పలు­చోట్ల భారీ వర్షాలు కురుస్తాయని వెల్లడించింది. రాయలసీమ జిల్లాల్లోనూ తేలికపాటి వర్షం కురుస్తుందని పేర్కొంది. కాగా, శుక్రవారం ఉత్తరాంధ్ర­లోని పలు ప్రాంతాల్లో వర్షం కురిసింది. పార్వతీపురం మన్యం జిల్లా నవగంలో అత్యధికంగా 7.3 సెంటీమీటర్ల వర్ష­పాతం నమోదైంది.