చంద్రబాబుపై కేసులు కొట్టివేత ఫైనల్‌ ఆర్డర్‌ ప్రతులు అందజేత

విజయవాడ లీగల్‌: ముఖ్యమంత్రి చంద్రబాబుపై నమోదైన ఇన్నర్‌ రింగ్‌ రోడ్డు, స్కిల్‌ డెవలప్‌మెంట్, ఫైబర్‌ నెట్, మద్యం, ఇసుక, అసైన్డ్‌ ల్యాండ్‌.. కేసులకు సంబంధించిన ఫైనల్‌ ఆర్డర్‌ రిపోర్టులను విజయవాడ ఏసీబీ కోర్టు పాత్రికేయుడు తిలక్‌కు అందజేసింది. 2014–2019 మధ్య చంద్రబాబు ముఖ్య­మంత్రిగా ఉన్న సమయంలో ప్రజా ప్రయో­జ­నా­లను విస్మరించి, అధికార దుర్వినియోగానికి పాల్పడ్డారన్న ఆరోపణలపై ఈ కేసులు నమోద­య్యాయి.

అనంతరం ఈ కేసులను ఏసీబీ న్యాయస్ధానం కొట్టివేసింది. ఆ తీర్పులకు సంబంధించి ఫైనల్‌ ఆర్డర్‌ రిపోర్టులు ఇవ్వాలని కోరుతూ పాత్రికేయుడు బాలగంగాధర్‌ తిలక్‌ తరఫున న్యాయ­వాది యక్కంటి పుల్లారెడ్డి ఏసీబీ న్యాయ­స్ధానంలో పిటీషన్‌ దాఖలు చేశారు. దానిపై విచారణ జరిపిన న్యాయమూర్తి ఎల్‌.తేజోవతి ఫైనల్‌ ఆర్డర్‌ రిపోర్టులను పిటిషనర్‌కు అందజేయాలని ఆదేశించారు. ఈ క్రమంలో బుధవారం ఆ కాపీల ప్రతులను పిటిషనర్‌కు అందజేశారు.