మెటా సెర్చ్‌ ఇంజిన్‌ వెబ్‌సైట్‌ టొరంట్జ్‌.ఈయూ తన సేవలను చాలించుకుంది. రోజూ లక్షలమంది  నెటిజన్లు సందర్శించే ఈ వెబ్‌సైట్‌ తాజాగా వీడ్కోలు పలికింది. 'టోరంట్జ్‌ మిమ్మల్నెప్పుడూ ప్రేమిస్తూ ఉంటుంది. వీడ్కోలు' అంటూ వెబ్‌సైట్‌ హోమ్‌పేజీలో ఓ సందేశాన్ని ఉంచింది.
 కిక్‌ఆస్‌ టొరంట్స్‌ స్థాపకుడిగా భావిస్తున్న అర్టెం వౌలిన్‌ను పోలాండ్‌లో అరెస్టుచేసిన నేపథ్యంలో ఆ వెబ్‌సైట్‌ మూతపడిన సంగతి తెలిసిందే. కిక్‌ఆస్‌ దారిలోనే సాగుతూ టొరంట్జ్‌ కూడా మూతపడింది.
 
 2003లో ఏర్పడిన టొరంట్జ్‌ అనతికాలంలోనే టొరంట్స్‌ సైట్లలో అత్యధికమంది వీక్షించే వెబ్‌సైట్‌గా ఖ్యాతి గడిచింది. సినిమా డౌన్‌లోడ్‌లు, ఫైల్స్‌ షేరింగ్‌ వంటి పైరసీ లింకులకు అడ్డగా నిలిచిన టోరంట్జ్‌ 13ఏళ్లపాటు సేవలందించింది. టోరంట్జ్‌ హోమ్‌పేజీ ఇప్పటికీ యాక్టివ్‌గా ఉన్నప్పటికీ.. సెర్చ్‌ ఫాంక్షనాలిటీని పూర్తిగా తొలగించారు. అలాగే టొరంట్స్‌ లింకులన్నింటినీ తీసివేశారు. డజన్లకొద్దీ సెర్చ్‌ ఇంజిన్ల సేవలన్నింటినీ కలుపుకొని ఒకవేదికగాపై కావాల్సిన లింక్స్‌ అందించే శక్తిమంతమైన మెటా సెర్చ్ ఇంజిన్‌గా టొరంట్జ్‌ ఇన్నాళ్లు ఉచిత సేవలు అందించినట్టు నిర్వాహకులు తాజాగా తెలిపి.. వీడ్కోలు సందేశాన్ని ఉంచారు.