నటి నీతూ కపూర్‌ చైల్డ్‌ ఆర్టిస్ట్‌గా, హీరోయిన్‌గా మెప్పించి ప్రేక్షకుల మన్నలను పొందిన బాలీవుడ్‌ సీనియర్‌ నటి. 70లలో ఆమె హావా మాములుగా ఉండేది కాదు. అయితే కెరీర్‌ పీక్‌ స్టేజ్‌లో ఉండగానే రిషికపూర్‌ని వివాహ మాడి సినిమాలకు గుడ్‌ బై చెప్పింది. ప్రస్తుతం ఆమెకు 66 ఏళ్లు. అయినా ఈ ఏజ్‌లో కూడా యువ హీరోయిన్ల మాదిరి ఫిట్‌గా భలే కనిపిస్తుంది. ఇటీవల ఇంటర్వ్యూలో కూడా తన ఫిట్‌నెస్‌ రహస్యం గురించి బయటపెట్టింది. ప్రోబయోటిక్‌ రెసిపీ గేమ్‌ ఛేంజర్‌ని ఫాలో అవుతానని తెలిపింది. అసలేంటి గేమ్‌ ఛేంజర్‌ అంటే..!.నీతూ కపూర్‌ సీక్రెట్‌ ప్రోబయోటిక్‌ రెసిపీ 'కంజి రైస్‌'. ఇది దక్షిణ భారత వంటకం. చాలా పుష్కలమైన ఆరోగ్య ప్రయోజనాల గల వంటకం. ప్రేగులలో ఉండే గూఫ్‌ బ్యాక్టీరియా పరిమాణాన్ని పెంచి జీర్ణవ్యవస్థను బలోపేతం చేస్తుందట. ఇది ఎలా చే​స్తారంటే..ఓ మట్టి పాత్రలో వండి అన్నం, చెంచా నువ్వులు వండిన అన్నం నీళ్లు లేదా గంజి వేసి రాత్రంతా పులియనివ్వండి. దీన్ని ఉదయమే భోజనంగా తీసుకోండి. ఇందులో పచ్చడి లాంటిది వేసుకుని తింటే ఆ రుచే వేరు అంటుంది నీతూ. మన ఆంధ్రలో అనే 'గంజి అన్నమే' ఈ 'కంజి రైస్‌'. ఇది బెస్ట్‌ ప్రోబయోటిక్‌ ఆహారం. అందువల్లే తాను అనారోగ్యంగా లేదా కడుపునొప్పి వచ్చినప్పుడూ దీన్ని ఇష్టంగా తింటానని చెప్పుకొచ్చింది నీతూ. ప్రయోజనాలు..తేలికగా జీర్ణమవుతుంది. కడుపుని శాంతపరుస్తుంది. ఇందులో వాటర్‌ కంటెంట్‌ పుష్కలంగా ఉంటుంది కాబట్టి హైడ్రేట్‌గా ఉంచడంలో ఉపకరిస్తుంది.అలాగే ఎలక్ట్రోలైట్‌ బ్యాలెన్స్‌ నిర్వహించడంలో సహాయపడుతుంది. మంచి ఎనర్జీ బూస్ట్‌. రోజంతా స్థిరమైన తక్షణ శక్తిని ఇస్తుంది. ప్రోబయోటిక్‌ రిచ్‌ ఫుడ్స్‌..పెరుగు: అత్యంత ప్రసిద్ధ ప్రోబయోటిక్ ఆహారం. ఇది గట్ ఆరోగ్యాన్ని పెంపొందించే లాక్టోబాసిల్లస్, బిఫిడోబాక్టీరియం వంటి మంచి బ్యాక్టీరియా ఉంటుంది. సౌర్‌క్రాట్: పులియబెట్టిన క్యాబేజీతో తయారు చేయబడిన సౌర్‌క్రాట్ అనేది మరో ప్రోబయోటిక్ పవర్‌హౌస్. ఇందులో ఫైబర్, విటమిన్లు, లాక్టోబాసిల్లస్ వంటి ప్రయోజనకరమైన బ్యాక్టీరియా అధికంగా ఉంటుంది.కిమ్చి: కొరియన్ వంటకాలలో ప్రధానమైనది, కిమ్చి అనేది మసాలా పులియబెట్టిన కూరగాయల వంటకం. సాధారణంగా క్యాబేజీ, ముల్లంగితో తయారు చేస్తారు.(చదవండి: ముప్పైలో హృదయం పదిలంగా ఉండాలంటే..!)

బాలీవుడ్ సీనియర్ నటి నీతూ కపూర్ ఖరీదైన ఇంటిని కొనుగోలు చేశారు. ముంబయిలోని బాంద్రా కుర్లా కాంప్లెక్స్‌లో విశాలమైన ఫోర్ బీహెచ్‌కే అపార్ట్‌మెంట్‌ను దాదాపు రూ.17.4 కోట్లు వెచ్చించి కొనుగోలు చేసినట్లు తెలుస్తోంది. మే 10న  రిజిస్టర్ చేసుకున్నారని సమాచారం. కేవలం రిజిస్ట్రేషన్‌కే దాదాపు రూ.1.04 కోట్ల స్టాంప్ డ్యూటీని చెల్లించారు. ప్రస్తుతం పాలి హిల్‌లోని కృష్ణ రాజ్ బంగ్లాలో నివసిస్తున్న నీతు కపూర్ రీసేల్ డీల్‌లో ఈ ఆస్తిని కొనుగోలు చేశారు.  (ఇది చదవండి: ఫస్ట్‌ డేట్‌లోనే శృంగారానికి ఓకే: స్టార్ హీరోయిన్) సూరజ్ సినిమాతో అరంగేట్రం చేసిన నీతూ కపూర్ స్టార్‌ హీరోయిన్‌గా పేరు సంపాదించింది. ఆ  తర్వాత దీవార్, ఖేల్ ఖేల్ మే, కభీ కభీ, అమర్ అక్బర్ ఆంథోనీ, ధరమ్ వీర్‌ చిత్రాల్లో నటించారు.  కాలా పత్తర్ చిత్రానికి గానూ ఉత్తమ సహాయ నటిగా ఫిల్మ్‌ఫేర్ అవార్డు దక్కింది. 1980లో ఆమె నటుడు రిషి కపూర్‌ను వివాహం చేసుకోగా.. రణబీర్ కపూర్‌, రిద్దిమా కపూర్ జన్మించారు.  (ఇది చదవండి: 'బంగారం' సినిమాలో చిన్నారి.. ఇంతలా మారిపోయిందేంటీ?)

బాలీవుడ్‌ క్యూట్‌ కపుల్‌ ఆలియా భట్‌--రణ్‌బీర్‌ కపూర్‌ ఇటీవలె పేరెంట్స్‌గా ప్రమోట్‌ అయిన సంగతి తెలిసిందే. రీసెంట్‌గా పండంటి ఆడబిడ్డకు జన్మనిచ్చిన ఆలియా తాజాగా తన కూతురి పేరును రివీల్‌ చేస్తూ ఇన్‌స్టాగ్రామ్‌లో ఓ పోస్ట్‌ను షేర్‌ చేసింది. ఇంతకీ ఆ పేరు ఎవరు పెట్టారు? దానివెనకున్న అర్థాలేంటో కూడా వివరించింది ఆలియా. కూతుర్ని ఎత్తుకున్న ఫోటోను షేర్‌ చేసిన ఆలియా తన బుజ్జాయికి రాహా అని పేరు పెట్టినట్లు చెప్పింది. ఈ పేరును రణ్‌బీర్‌ కపూర్‌ తల్లి, నీతూకపూర్‌ సూచించిందట. అయితే మా కూతురు రాహ పేరుకు ఎన్నో అర్థాలు ఉన్నాయని అనేక భాషల్లో అనేక అర్థాలు ఉన్నాయని వివరించింది.రాహా అంటే దైవ మార్గమని,  స్వాహిలి భాషలో ఆనందమని, సంస్కృతంలో వంశమని, బెంగాలీలో విశ్రాంతి, సౌకర్యం, ఉపశమనం, అరబిక్‌లో శాంతి, సంతోషం, స్వేచ్ఛ అని అనేక అర్థాలున్నట్లు తెలిపింది. ఇక రాహా రాకతో లైఫ్‌ ఇప్పుడే కొత్తగా ప్రారంభమైందని పేర్కొంది. ప్రస్తుతం ఆలియా షేర్‌ చేసిన ఈ పోస్ట్‌ నెట్టింట వైరల్‌ అవుతుంది. ఇది చూసిన పలువురు సెలబ్రిటీలు, నెటిజన్లు ఆలియా-రణ్‌బీర్‌క జంటకు శుభాకాంక్షలు తెలుపుతున్నారు. కాగా  ఆలియా-రణ్‌బీర్‌ దంపతులు ఈ ఏడాది  ఏప్రిల్ 14న వివాహం చేసుకున్న సంగతి తెలిసిందే.  View this post on Instagram A post shared by Alia Bhatt 💛 (@aliaabhatt)

బాలీవుడ్‌ కొత్త జంట ఆలియా భట్‌-రణ్‌బీర్‌ కపూర్‌లు త్వరలోనే తల్లిదండ్రులు కాబోతున్న సంగతి తెలిసిందే. త్వరలోనే ‘మా పాపాయి రాబోతుంది’ అంటూ సోమవారం(జూన్‌ 27) ఉదయం సోషల్‌ మీడియా వేదికగా గుడ్‌న్యూస్‌ చెప్పింది ఆలియా. దీంతో రణ్‌బీర్‌-ఆలియా దంపతులకు నెట్టింట శుభాకాంక్షలు వెల్లువెత్తున్నాయి. తాజాగా ఆలియా ప్రెగ్నెన్సీపై రణ్‌బీర్‌ తల్లి, నటి నీతూ కపూర్‌ స్పందించింది. మూవీ షూటింగ్‌లో ఉన్న నీతూ కపూర్‌కు మీడియా నానమ్మ(దాది) కాబోతున్నందుకు ధన్యవాదాలు తెలిపింది. చదవండి: అందులో దక్షిణాది నుంచి అల్లు అర్జున్‌, కాజల్‌ టాప్‌ దీనికి ఆమె ‘నేను నానమ్మ కాబోతున్నానని అప్పుడే ఇండియా మొత్తానికి తెలిసిపోయిందా?’ అని అంటుండగా.. ఆలియా ఇన్‌స్టాగ్రామ్‌లో పోస్ట్‌ చేసినట్లు మీడియా ఆమెతో చెప్పింది. ఇక ఈ విషయం తెలియని నీతూ కపూర్‌ కాస్తా ఆశ్చర్యం వ్యక్తం చేసింది. ఇందుకు సంబంధించిన వీడియో ప్రస్తుతం నెట్టింట వైరల్‌గా మారింది. కాగా ఐదేళ్లు ప్రేమలో మునిగితేలిన రణ్‌బీర్‌-ఆలియాలు ఈ ఏడాది ఏప్రిల్‌ 14న పెళ్లి బంధంతో ఒక్కటైన సంగతి తెలిసిందే. రణ్‌బీర్‌ కపూర్‌ ఇల్లు బాంద్రాలోని వాస్తులో కుటుంబసభ్యులు, అత్యంత సన్నిహితుల సమక్షంలో వీరిద్దరు వివాహం చేసుకున్నారు.  చదవండి: Alia Bhatt Ranbir Kapoor: తల్లిదండ్రులు కాబోతున్న అలియా భట్‌-రణ్‌బీర్‌ కపూర్‌ View this post on Instagram A post shared by SimplyAmina 🌴 (@simplyaminaofficial)

JugJugg Jeeyo Trailer: Varun Dhawan Kiara Advani Love Drama: బాలీవుడ్‌ యంగ్‌ హీరో వరుణ్‌ ధావన్‌, బ్యూటీఫుల్‌ హీరోయిన్‌ కియారా అద్వాణీ జంటగా కలిసి నటిస్తున్న తాజా చిత్రం 'జగ్‌ జగ్‌ జీయో'. రాజ్‌ మెహతా దర్శకత్వం వహించిన ఈ సినిమాలో దిగ్గజ నటులు అనిల్‌ కపూర్‌, నీతూ కపూర్‌ కీలక పాత్రలు పోషించారు. ఈ మూవీ జూన్‌ 24న ప్రేక్షకుల ముందుకు రానుంది. ఈ క్రమంలో సినిమా ప్రమోషన్‌లో భాగంగా ఆదివారం (మే 22) మూవీ ట్రైలర్‌ను విడుదల చేశారు.  ట్రైలర్‌లో అనిల్‌ కపూర్‌ యాక్టింగ్‌ చూస్తుంటే సినిమాకే హైలెట్‌ కానున్నట్లు తెలుస్తోంది. వరుణ్ ధావన్‌, కియరా, నీతూ కపూర్‌ తమదైన నటనతో ఆకట్టుకున్నారు. ట్రైలర్‌ చూస్తుంటే ఫుల్‌ లెంగ్త్‌ కామెడీ తరహాలో సినిమాను తెరకెక్కించినట్లు అర్థమవుతుంది. హీరోహీరోయిన్ల పెళ్లి, విడాకుల కథాంశంగా సినిమా రూపొందించారు. ఈ సినిమాను యశ్‌ జోహార్‌, కరణ్‌ జోహార్‌, అపూర్వ మెహతా సంయుక్తంగా నిర్మించారు. సినిమాలో ప్రతి పాత్ర, ప్రతి సన్నివేశం నవ్వు తెప్పించేలా ఉన్నట్లు తెలుస్తోంది. 

బాలీవుడ్‌ యంగ్‌ హీరో రణ్‌బీర్‌ కపూర్‌ తండ్రి, నటుడు రిషి కపూర్‌ మరణించి రెండేళ్లు కావొస్తుంది. సుమారు రెండేళ్లు క్యాన్సర్‌తో పోరాడిన ఆయన 2020 ఏప్రిల్‌లో చనిపోయారు. అయితే తన భర్త మరణం తర్వాత ఇన్‌స్టాగ్రామ్‌లో తనను ట్రోల్‌ చేస్తున్నారని రిషి కపూర్‌ భార్య నీతూ కపూర్‌ తెలిపారు. రిషి కపూర్‌ ఇక లేరన్న బాధలో నుంచి ఇప్పుడిప్పుడే కోలుకుంటున్న ఆమె కొన్ని నెలలుగా సోషల్ మీడియాలో యాక్టివ్‌గా ఉంటున్నారు. అయితే భర్త చనిపోయాడన్న బాధ లేకుండా ఇలా పోస్ట్‌లు పెట్టడంపై నెటిజన్స్‌ అసహనం వ్యక్తం చేస్తున్నారట.  దీంతో ఈ ట్రోలర్స్‌కు స్ట్రాంగ్‌గానే కౌంటర్ ఇచ్చింది నీతూ కపూర్‌. ఇన్‌స్టాగ్రామ్‌లో 1.8 మిలియన్ల మంది ఫాలోవర్లు ఉన్న నీతూ మాట్లాడుతూ 'నేను ఇలా ఉండటాన్ని ఇష్టపడుతున్నాను, ఆస్వాదిస్తున్నాను. నేను నా ఫాలోవర్స్‌ను ప్రేమిస్తున్నాను. నన్ను ట్రోల్‌ చేసేవారిని బ్లాక్‌ చేస్తున్నాను. ఎందుకంటే భర్త చనిపోయాక కూడా ఎంజాయ్‌ చేస్తుందని కొందరు అంటున్నారు. నేను ఏడుస్తూ, బాధపడుతూ, విధవలా ఉండటాన్ని చూడాలనుకుంటున్నవారిని నేను బ్లాక్ చేస్తాను. నేను ఇలాగే ఉండాలని అనుకుంటున్నాను. ఇలాగే ఉంటాను.' అని తెలిపారు.  ఇంకా 'ఇలా ఉండటం వల్ల బాధ నుంచి ఉపశమనం కలుగుతుంది. కొందరు ఏడుస్తూ, మరికొందరూ నవ్వుతూ బాధ నుంచి కోలుకుంటారు. నేను నా భర్తను మరచిపోలేను. అతను ఎప్పుడూ ఇక్కడ నాతో, నా పిల్లలతో జీవితాంతం ఉంటాడు. ఇప్పుడు కూడా నాతోనే ఉన్నాడు. భోజనానికి వచ్చి సగం సమయం అతని గురించే మాట్లాడుతున్నాం. రణ్‌బీర్‌ ఇప్పటికీ తన మొబైల్‌ స్క్రీన్‌సేవర్‌లో అతని ఫొటోనే ఉంది. అంటే మేము అతన్ని ఎంతగా మిస్‌ అవుతున్నామో అర్థం చేసుకోండి. కానీ మేము అతన్ని మిస్‌ అవుతున్నందుకు దిగులుగా లేదు. మేము అతన్ని మిస్ అవడాన్ని కూడా సంతోషంగా భావిస్తాం. అతను ఎంతో గొప్ప వ్యక్తి అని ఎప్పుడూ తలుచుకుంటూ ఉంటాం' అని పేర్కొన్నారు నీతూ కపూర్‌.  View this post on Instagram A post shared by neetu Kapoor. Fightingfyt (@neetu54)     var request = 'https://www.sakshi.com/knowwidget/kwstr_4331451957.json';        $.ajaxPrefilter( function (request) {            if (request.crossDomain && jQuery.support.cors) {              var http = (window.location.protocol === 'http:' ? 'http:' : 'https:');              request.url = http + '//cors-anywhere.herokuapp.com/' + request.url;  } });        $.get( request,function (response){            if(response  == ''){             $('#frameId').hide();             }else{             $('#frameId').show();            }        });

Neetu Kapoor Gifted Costly Flat To Ranbir-Alia: కొన్నేళ్లుగా రిలేషన్‌లో ఉన్న బాలీవుడ్‌ లవ్‌బర్డ్స్‌ అలియా భట్‌-రణ్‌బీర్‌ కపూర్‌లు ఏప్రిల్‌ 14న మూడు మూళ్ల బంధంతో ఒక్కటైన సంగతి తెలిసిందే. కేవలం కుటుంబ సభ్యలు, కొద్ది మంది సన్నిహితుల సమక్షంలో సీక్రెట్‌గా ఈజంట పెళ్లి చేసుకున్నారు. అయితే వీరి వివాహనికి బాలీవుడ్‌ ప్రముఖులెవరు హాజరు కాలేదని తెలుస్తోంది. అయినప్పటికీ ఈ కొత్త జంటకు శుభాకాంక్షలు తెలుపుతు దీపికా పదుకొనె, కత్రినా కైఫ్‌, సిద్దార్థ్‌ మల్హోత్రా, ఇతర స్టార్స్‌ ఖరీదైన బహుమతులు పంపించారట. చదవండి: అందుకే దక్షిణాది సినిమాలు హిట్‌ అవుతున్నాయి: బాలీవుడ్‌ నటి ఇదిలా ఉంటే రణ్‌బీర్‌ కపూర్‌ తల్లి నీతూ కపూర్‌ తన కొడుకు-కొడలికి ఖరీదైన ఫ్లాట్‌ను కానుకగా ఇచ్చినట్లు వార్తలు వినిపిస్తున్నాయి. ముంబైలోని ఓ విలాసవంతమైన అపార్టుమెంట్‌లో అలియా-రణ్‌బీర్‌ల కోసం 6 బెడ్‌రూం ప్లాట్‌ను బహుకరించినట్లు సమాచారం. దీని ఖరీదు దాదాపు 26 కోట్ల రూపాయలు ఉంటుందని బాలీవుడ్‌ సర్కిల్‌ టాక్‌.  అయితే రణ్‌బీర్‌ మాజీ ప్రేయసి, హీరోయిన్‌ కత్రినా కైఫ్‌ అలియాకు రూ. 14. 5 లక్షల విలువ చేసే ప్లాటినం బ్రాస్‌లెట్‌ను కానుకగా పంపించిందట. చదవండి: OTT: దక్షిణాది భాషల్లోకి ‘ది కశ్మీర్‌ ఫైల్స్‌’, స్ట్రీమింగ్‌ ఎప్పుడు.. ఎక్కడంటే అలాగే దీపికా తన సొంత బ్రాండ్‌ చోపార్డ్‌ నుంచి ఈ కొత్త జంటకు రూ. 15 లక్షలు విలువ చేసే కపుల్‌ వాచ్‌ ఇవ్వగా.. ప్రియాంక చోప్రా ఆలియాకు రూ.9 లక్షల విలువైన డైమండ్ నెక్లెస్‌ను బహుమతిగా ఇచ్చిందట. ఇక సిద్ధార్థ్‌ మల్హోత్రా అలియాకు రూ.3 లక్షలు వెరసి హ్యాండ్‌బ్యాగ్‌ను బహుమతిగా ఇచ్చాడు. వరుణ్ ధావన్ తన బెస్ట్ ఫ్రెండ్ అయిన అలియాకు రూ. 4 లక్షల గూచీ హై హీల్ చెప్పులను గిఫ్ట్‌గా ఇచ్చాడు. అలాగే అర్జున్ కపూర్ తన స్నేహితుడు రణబీర్ కపూర్‌కు గూచీ జిప్పర్ జాకెట్‌ను బహుమతిగా ఇచ్చాడు, దాని విలువ రూ. 1.5 లక్షలు. 

Finally Ranbir Mother Neetu Confirms Marriage Date, Place: బాలీవుడ్‌ లవ్‌బర్ట్స్‌ అలియా భట్‌-రణ్‌బీర్‌ కపూర్‌లు నేడు పెళ్లి పీటలు ఎక్కబోతున్నారు. ఏప్రిల్‌ 14న మధ్యాహ్నం 3 గంటలకు ఈ జంట మూడు మూళ్ల బంధంతో ఒక్కటి కాబోతున్నారు. కాగా గత కొద్ది రోజులుగా ఈ ప్రేమ జంట వివాహం బి-టౌన్‌లో హాట్‌టాపిక్‌గా మారింది. అయితే దీనిపై అధికారిక ప్రకటన లేదు. విక్కీ కౌశల్‌, కత్రీనా మాదిరిగా తమ పెళ్లి విషయంలో రణ్‌బీర్‌-అలియాలు గోప్యత పాటిస్తూ వస్తున్నారు. దీంతో వీరిద్దరి పెళ్లిపై సస్పెన్స్‌ నెలకొంది. ఈ క్రమంలో రణ్‌బీర్‌ సోదరి రిద్ధిమా, తల్లి నీతూ కపూర్‌లు వీరి పెళ్లిపై స్పష్టత ఇచ్చారు. ఈ రోజు వీరిద్దరి పెళ్లి జరనుగున్నట్లు మీడియాతో వారు వెల్లడించారు. చదవండి: కాబోయే భార్యకు రణ్‌బీర్‌ కాస్ట్‌లీ గిఫ్ట్‌! అదేంటో తెలుసా? ఇందుకు సంబంధించిన వీడియోను ప్రముఖ ఫొటోగ్రాఫర్‌ వరింధర్‌ చావ్లా షేర్‌ చేశాడు. ఈ వీడియోలో రిద్ధిమా, నీతూ కెమెరాలకు ఫోజులు ఇచ్చి కనిపించారు. అయితే వారిద్దరు సంప్రదాయ దుస్తుల్లో అలంకరించుకుని కనిపించారు. ఈ సందర్భంగా పెళ్లి ఎప్పుడంటూ మీడియా వారిని ప్రశ్నించగా సమాధానం ఇచ్చేందుకు సంకోచించారు. అయినప్పటికీ మీడియా వారిని రిక్వెస్ట్‌ చేయగా ఎట్టకేలకు ఈ రోజు పెళ్లి అని రిద్ధిమా చెప్పగా.. రణ్‌బీర్‌ నివాసం వాస్తులోనే ఈ వేడుక జరుగనుందని నీతూ కపూర్‌ నోరువిప్పారు. ఇలా చివరకు అలియా-రణ్‌బీర్‌ పెళ్లిపై సస్పెన్స్‌ వీడింది. ​కాగా పెళ్లి వేడుకల్లో భాగంగా బుధవారం ఉదయం రణ్‌బీర్‌–ఆలియా ముందుగా పితృపూజ చేశారట. చదవండి: జూ. ఎన్టీఆర్‌ తల్లి శాలినిపై యశ్‌ ఆసక్తికర వ్యాఖ్యలు ఆ తర్వాత మెహందీ ఫంక్షన్‌  మొదలుపెట్టారు.  బుధవారం రాత్రి సంగీత్‌ ఫంక్షన్‌  జరిగినట్లు విశ్వసనీయ వర్గాల నుంచి సమాచారం. ఇక నేడు(ఏప్రిల్‌ 14) దాదాపు 50 మంది ఇరు కుటుంబ సభ్యుల మధ్య వీరి వివాహం అంగరంగ వైభవంగా జరగనున్నట్లు తెలుస్తోంది. ఈ పెళ్లిలో భాగంగా రణ్‌బీర్‌ అలియాకు కాస్ట్‌లీ గిఫ్ట్‌ ఇచ్చినట్లు గుసగుసలు వినిపించాయి. వజ్రాల బ్యాండ్‌... ఆలియా కోసం రణబీర్‌ ప్రత్యేకంగా ఓ బహుమతి తయారు చేయించారట. 8 వజ్రాలు పొదిగిన ఖరీదైన వెడ్డింగ్‌ బ్యాండ్‌ అది. పెళ్లిలో ఆలియా తన చేతికి ఆ బ్యాండ్‌ ధరించనున్నారు. కాగా కపూర్‌ ఇంటి కుటుంబానికి 8 లక్కీ నంబర్‌ అట. అందుకే కాబోయే శ్రీమతికి ఎనిమిది వ్రజాలు పొదిగిన బ్యాండ్‌ని రణ్‌బీర్‌ బహూకరించనున్నాడని తెలుస్తోంది.  View this post on Instagram A post shared by Varinder Chawla (@varindertchawla)

బీ టౌన్‌లో ఇప్పుడు ఏ ఇద్దరు కలిసి మాట్లాడుకున్నా ఆ చర్చల్లో ఓ ప్రధానాంశం రణ్‌బీర్‌ కపూర్, ఆలియా భట్‌ల వివాహం గురించే. రణ్‌బీర్, ఆలియా పెళ్లి ఎప్పుడు? ఎలా? ఎక్కడ జరగనుందనే విశేషాలపై సినీ లవర్స్‌ ఆసక్తిగా ఉన్నారు. రణ్‌బీర్, ఆలియా ఇంట్లో పెళ్లి పనులు మొదలయ్యాయని తెలుస్తోంది. వేడుకలు ఎలా జరగనున్నాయి? పెళ్లి బట్టలు, నగలు వంటి విషయాలు ప్రచారంలోకొచ్చాయి. ఆ విశేషాలు తెలుసుకుందాం.  ► రణ్‌బీర్, ఆలియా ముందుగా రాజస్తాన్‌లోని ఉదయ్‌పూర్‌లో డెస్టినేషన్‌ వెడ్డింగ్‌ చేసుకోవాలనుకున్నారు. అయితే కపూర్‌ వంశానికి చెందిన పురాతన వారసత్వ నివాసం ఆర్కే హౌస్‌ (ముంబై)లో పెళ్లి చేయాలని కపూర్‌ కుటుంబ పెద్దలు నిర్ణయించారట. 1980లో రణ్‌బీర్‌ తల్లిదండ్రులు నీతూ కపూర్, రిషి కపూర్‌ల వివాహం ఆ ఇంట్లోనే వైభవంగా జరిగింది. రెండేళ్ల క్రితం రిషి కన్నుమూసిన విషయం తెలిసిందే. కపూర్‌ ఇంటి కోడలిగా ఆ ఇంటి సంప్రదాయాలను పాటించే క్రమంలోనే పెళ్లి వేదికగా ‘ఆర్కే హౌస్‌’ని నిర్ణయించారట నీతూ కపూర్‌.  ► పెళ్లికి హాజరయ్యే అతిథుల కోసం రణ్‌బీర్‌ కుటుంబం ముంబైలోని ఓ బాంక్వెట్‌ హాల్‌ను బుక్‌ చేశారట. ఒకేసారి దాదాపు 150 మంది ఈ హాల్‌లో ఉండే సదుపాయం ఉందట.  కానీ రణ్‌బీర్‌ మాత్రం అందర్నీ ఒకేసారి కాకుండా వేరు వేరు సమయాల్లో కలిసేలా ప్లాన్‌ చేశారట. ఈ హాల్‌ చుట్టు పక్కల ఉన్నవారు ఇబ్బంది పడకూడదనే రణ్‌బీర్‌ ఇలా ప్లాన్‌ చేశారన్నది బాలీవుడ్‌ టాక్‌. బ్యాచిలర్‌ పార్టీని కూడా రణ్‌బీర్‌ ఈ హాల్‌లోనే ప్లాన్‌ చేశారట.   ► రణ్‌బీర్, ఆలియా వివాహ వేడుకలు నాలుగు రోజులు జరుగుతాయని టాక్‌. ఏప్రిల్‌ 13న రణ్‌బీర్, ఆలియా పెళ్లి సందడి మొదలవుతుంది. ఆ రోజు మెహందీ ఫంక్షన్‌ జరుగుతుంది. 14న సంగీత్‌ ప్లాన్‌ చేశారు. 15 కూడా ఇదే సందడి కొనసాగుతుంది. ఏప్రిల్‌ 16న  అర్ధరాత్రి తర్వాత రెండు గంటల నుంచి తెల్లవారుజాము నాలుగు గంటల మధ్యలో రణ్‌బీర్, ఆలియా మెడలో మూడు మూడులు వేసి, ఏడడుగులు వేస్తారని బీ టౌన్‌ టాక్‌. ఈ వివాహం బంధువులు, సన్ని హితుల సమక్షంలోనే జరుగుతుంది.   ► పెళ్లికి ముందే కాబోయే కోడలు ఆలియాకు వారసత్వ నగలను ఇవ్వనున్నారు నీతూ కపూర్‌. ఈ నగలు కృష్ణ రాజ్‌ కపూర్‌ (ప్రముఖ నటుడు రాజ్‌ కపూర్‌ భార్య)కు వారసత్వంగా వచ్చినవి. కృష్ణ రాజ్‌ కపూర్‌ అంటే నీతూ కపూర్‌ అత్త, రిషి కపూర్‌ తల్లి. ఇక రణ్‌బీర్, ఆలియాల వెడ్డింగ్‌ డ్రెస్‌లను, నీతూ కపూర్‌ డ్రెస్‌ను బాలీవుడ్‌ ప్రముఖ డిజైనర్‌ మనీష్‌ మల్హోత్రా డిజైన్‌ చేశారు.   ► పెళ్లి వేడుకలకు సంబంధించిన ఫోటోలు బయటకు రాకుండా ప్రత్యేక జాగ్రత్తలు తీసుకుంటోందట ఈవెంట్‌ మేనేజ్‌ మెంట్‌. ఇది అగ్రిమెంట్‌లో భాగమట. ఇటీవల  వివాహం చేసుకున్న విక్కీ కౌశల్‌–కత్రినా కైఫ్, ఆదిత్యా థార్‌–యామీ గౌతమ్‌ల పెళ్లి ఫోటోలకు కూడా ఇలాంటి అగ్రిమెంట్సే జరిగాయని టాక్‌.   ► రణ్‌బీర్‌–ఆలియా హనీమూన్‌కి సింగపూర్‌ వెళతారని వార్తలు వచ్చాయి. అయితే సౌత్‌ ఆఫ్రికా వెళ్లాలనుకుంటున్నారన్నది తాజా టాక్‌. ఈ ఇద్దరి  న్యూ ఇయర్‌ సెలబ్రేషన్స్‌ కూడా అక్కడే జరిగాయి. హనీమూన్‌ నుంచి వచ్చాక ఏప్రిల్‌ నెలాఖర్లో ముంబైలో గ్రాండ్‌ రిసెప్షన్‌ ఏర్పాటు చేయాలను కుంటున్నారని తెలిసింది. లక్కీ 8 సంగీత్, మెహందీ తర్వాత 16న రణ్‌బీర్, ఆలియా వివాహం జరగనుందని టాక్‌. ఆ తేదీనే వివాహం చేసుకోవడానికి ఓ కారణం ఉందని బాలీవుడ్‌ అంటోంది. రిషి కపూర్, నీతూ కపూర్, రణ్‌బీర్‌ ‘8’ నెంబర్‌ను లక్కీగా భావిస్తారట. 16.04.2022ని కూడితే 2042. ఈ సంఖ్యను కూడితే రణ్‌బీర్‌ కపూర్‌ లక్కీగా భావించే ‘8’ వస్తుంది.

Neetu Kapoor and Rishi Kapoor Throwback: బాలీవుడ్‌ యంగ్‌ హీరో రణ్‌బీర్‌ కపూర్‌ తండ్రి, నటుడు రిషీ కపూర్‌ గతేడాది మరణించిన విషయం తెలిసిందే. దాదాపు రెండేళ్లు క్యాన్సర్‌తో పోరాడిన ఆ నటుడు 2020 ఏప్రిల్‌లో చనిపోయాడు. అయితే గతంలో కరణ్ జోహర్ హోస్ట్‌గా వ్యవహరించే కాఫీ విత్ కరణ్ షోలో పాల్గొన్నారు. ఆ షోలో తన భార్య నీతూ కపూర్‌తో ప్రేమ, పెళ్లి జీవితం గురించి మాట్లాడాడు. ఆ ఇంటర్వూ ఇ​ప్పుడు నెట్టింట హల్‌చల్‌ చేస్తోంది.  మీ ప్రేమ బంధం గురించి చెప్పమని షోలో కరణ్‌ రిషికపూర్‌ణి అడడగా ఆయన అందరూ షాక్‌ అయ్యే బదులు ఇచ్చాడు. ‘మా కెరీర్‌ ప్రారంభంలో మంచి స్నేహితులుగా ఉండేవాళ్లం. చాలా సమయం గడిపేవాళ్లం. అనంతరం డేటింగ్‌ చేశాం. కానీ నీతో సహజీవనం చేస్తాను. కానీ పెళ్లి చేసుకోను’ అని భార్య నీతూతో చెప్పినట్లు నటుడు తెలిపాడు. ఆయన చాలా టఫ్‌ వ్యక్తినని, ఆయన ఇచ్చిన షాక్‌లను ఆమె తట్టుకొని నిలబడం వల్లే వారు ఇంకా కలిసి ఉండగలిగారని చెప్పాడు.  అయితే ఈ విషయం గురించి మాట్లాడిన నీతూ..‘ రిషి చాలా మంచి భర్త. మంచి తండ్రి. కాబట్టి ఏమి జరిగినా ఆయనతో ఉండాలని నిర్ణయించుకన్నట్లు’ తెలపింది. అయితే  5ఏళ్లు సహజీవనం చేసిన అనంతరం వారిద్దరూ వివాహం చేసుకోగా, కూతురు రిద్ధిమా కపూర్ సాహ్ని, కొడుకు రణ్‌బీర్‌ కపూర్ పుట్టారు. రణ్‌బీర్‌ సైతం మంచి సినిమాలు చేస్తూ బాలీవుడ్‌లో స్టార్‌గా ఎదిగాడు. చదవండి: ‘రణ్‌బీర్‌ నా దుస్తులను తన గర్ల్‌ప్రెండ్స్‌కు గిఫ్ట్‌గా ఇచ్చేవాడు’

బాలీవుడ్‌ యంగ్‌ హీరో, లవర్‌ బాయ్‌ రణ్‌బీర్‌ కపూర్‌, సినిమాలతో ఎంత క్రేజ్‌ సంపాదించాడో, తన ప్రేమాయణాలతో అంతకంటే ఎక్కువ పాపులారిటీ సంపాదించుకున్నాడు. బాలీవుడ్‌ బ్యూటీఫుల్‌ హీరోయిన్స్‌లో కొందరితో లవ్‌ట్రాక్‌ నడిపించాడు ఈ ప్లే బాయ్‌. అయితే  గర్ల్‌ఫ్రెండ్స్‌ని ఇంప్రెస్‌ చేయడానికి తన సోదరి దుస్తులను వారికి గిఫ్ట్‌గా ఇచ్చేవాడట ఈ స్మార్ట్‌ హీరో. ఈ విషయాన్ని స్వయంగా తన సోదరి, జ్యువెలరీ డిజైనర్‌ రిద్దిమా కపూర్‌ సా​హ్నీ చెప్పింది. తాజాగా ఆమె  తన తల్లి, బాలీవుడ్‌ నటి నీతూ కపూర్‌తో కలిసి కపిల్‌ శర్మ షోలో పాల్గొంది. దీనికి సంబంధించిన ప్రోమోని సోనీ టీవీ సోషల్‌ మీడియాలో పోస్ట్‌ చేసింది. అందులో రిద్దిమా రణ్‌బీర్‌ ప్రేయాయణాల గురించి మాట్లాడుతూ కొన్ని సిక్రెట్స్‌ని చెప్పింది. "ఒక రోజు రణ్‌బీర్‌ గర్ల్‌ఫ్రెండ్‌ని ఇంటికి తీసుకొచ్చాడు. ఆమె వేసుకున్న టాప్‌ చూసిన తర్వాత అతను తనకి నా దుస్తులని గిఫ్ట్‌గా ఇచ్చాడని అర్థమైంది" అని రిద్దిమా పేర్కొన్నారు. కపిల్‌ శర్మ షోకి సంబంధించి సెట్స్‌లోని కొన్ని ఫోటోలని నీతూ కపూర్‌ సోషల్‌ మీడియా వేదికగా పంచుకున్నారు. "తన కూతురితో కలిసి పాల్గొన్న కపిల్‌ శర్మ షో ఎంతో సరాదాగా సాగిందని" వ్యాఖ్యని వాటికి జోడించారు. కాగా, నీతూ కపూర్‌ భర్త, బాలీవుడ్‌ నటుడు రిషి కపూర్‌ క్యాన్సర్‌తో ఈ ఏడాది ఏ​ప్రిల్‌ 30న మరణించిన విషయం తెలిసిందే. View this post on Instagram A post shared by Sony Entertainment Television (@sonytvofficial)

కోవిడ్‌ సెకండ్‌ వేవ్‌ కారణంగా హిందీ చిత్రం ‘జుగ్‌ జుగ్‌ జియో’ (కలకాలం జీవించు, ఆశీర్వాదం, దీవెన వంటి చాలా అర్థాలున్నాయి) చిత్రీకరణకు తాత్కాలికంగా బ్రేక్‌ పడింది. ‘‘కరోనా ఫస్ట్‌ వేవ్‌ తర్వాత మేం షూటింగ్‌ ఆరంభించాం. ఎన్ని జాగ్రత్తలు తీసుకున్నా మా సినిమా హీరో వరుణ్‌ ధావన్‌కు కరోనా సోకింది. వరుణ్‌తో పాటు మరికొందరు కరోనా బారిన పడ్డారు. ఎలాగోలా ఆ షెడ్యూల్‌ను పూర్తి చేశాం. కరోనా సెకండ్‌ వేవ్‌ను ఊహించని మేం మా సినిమా షూటింగ్‌ను ఈ నెలలో ముంబయ్‌లో ప్లాన్‌ చేశాం. ముందస్తుగా ఏర్పాట్లు కూడా చేసుకున్నాం. కానీ ఇప్పుడు షూటింగ్‌ జరపలేని పరిస్థితి. ఈసారి రిస్క్‌ తీసుకోవాలనుకోవడం లేదు. పరిస్థితులు చక్కబడిన తర్వాతే చిత్రీకరణ ఆరంభిస్తాం. ఇప్పటికి నలభై శాతం చిత్రీకరణ పూర్తయింది’’ అని ఈ చిత్రదర్శకుడు రాజ్‌ మెహతా పేర్కొన్నారు. కియారా అద్వానీ హీరోయిన్‌గా నటిస్తున్న ఈ చిత్రంలో నీతూ కపూర్, అనిల్‌ కపూర్‌ కీలక పాత్రధారులు.

ముంబై : బాలీవుడ్‌లో రణ్‌బీర్‌ కపూర్‌కు లవర్‌బాయ్‌ ఇమేజ్‌ ఉంది. గతంలో స్టార్‌ హీరోయిన్లు దీపికా పదుకొనె, కత్రినా కైఫ్‌లతో లవ్‌ట్రాక్‌ నడిపిన రణ్‌బీర్‌ ఇప్పుడు ఆలియాభట్‌తో రిలేషన్‌ కంటిన్యూ చేస్తున్నాడు. కరోనా కారణంగా వీరి పెళ్లికి బ్రేక్‌ పడిన సంగతి తెలిసిందే. అయితే తాజాగా రణ్‌బీర్‌ తల్లి నీతూ కపూర్‌ ఓ ఇంటర్వ్యూలో మాట్లాడుతూ తన కొడుకు ఫెయిల్యూర్‌ లవ్‌స్టోరీలపై స్పందించారు. రణ్‌బీర్‌తో డేటింగ్‌ చేసిన హీరోయిన్లు ఎవరూ తనకు సూట్‌ కారని, రిలేషన్‌ బ్రేకప్‌ కావడంలో తన కొడుకు తప్పేమీ లేదని పేర్కొంది. 'రణ్‌బీర్‌ చాలా సాఫ్ట్‌. ఎవరినీ హర్ట్‌ చేయడు. తను బంధానికి ఎంతో విలువిచ్చే మనిషి. నో చెప్పడం కూడా తెలియని అమాయకుడు. ఫస్ట్ టైమ్ రణ్‌‌బీర్ డేటింగ్‌లో ఉన్నప్పుడు.. ఆ అమ్మాయితో రిలేషన్‌ వద్దని వారించినా రణ్‌బీర్‌ వ్యతిరేకించాడు. దీంతో ఈ మ్యాటర్‌ను మరో రకంగా డీల్‌ చేస్తే మంచిదని భావించా. అందుకే అమ్మాయిల విషయంలో అంత త్వరగా నిర్ణయం తీసుకోవద్దని సలహా ఇచ్చా' అని నీతూకపూర్‌ వెల్లడించింది.  కాగా  రణ్‌బీర్‌తో గతంలో దీపికా పదుకొణె పీకల్లోతు ప్రేమలో మునిగి తేలిన సంగతి తెలిసిందే. అతని పేరుతో 'ఆర్‌కే' అనే టాటూని వీపుపై వేయించుకుంది. వీరిద్దరి పెళ్లి కూడా జరగనుందనే వార్తలు కూడా బీటౌన్‌లో చక్కర్లు కొట్టాయి. అయితే అనూహ్యంగా వీరి రిలేషన్‌ మధ్యలోనే ఆగిపోయింది. ఈ కారణంగానే దీపికా డిప్రెషన్‌కు గురైనట్లు బీటౌన్‌ టాక్‌. ఆ తర్వాత నటుడు రణవీర్‌ సింగ్‌తో దీపిక పెళ్లి జరిగింది. ఆ తర్వాత కత్రినా కైఫ్‌తో ఆరేళ్ల పాటు రణ్‌బీర్‌ డేటింగ్‌ చేశాడు. అంతేకాకుండా ఫ్యామిలీ ఫంక్షనకు సైతం కత్రినా అటెండ్‌ అ‍య్యేది. వీరి పెళ్లకి ఇరు కుటుంబ సభ్యులు అంగీకరించారనే ప్రచారం కూడా సాగింది. కానీ సడెన్‌గా వీరిద్దరు ఉంటున్న ఇళ్లు ఖాళీ చేసి ఎవరి దారి వారు చూసుకున్నారు. ఇక దీపికా- కత్రినాలతో రణ్‌బీర్‌ బ్రేకప్‌ జరగడానికి తల్లి నీతూ కపూర్‌ కూడా ఒక కారణమని అప్పట్లో రూమర్స్‌ వచ్చిన సంగతి తెలిసిందే.  చదవండి : తనే నా గర్ల్‌ ఫ్రెండ్‌, త్వరలోనే పెళ్లి : రణ్‌బీర్‌ ‘ర‌ణబీర్ ఓ రేపిస్ట్‌, దీపిక ఒక‌ సైకో’

పురుషుడు పని ఎప్పుడు చేస్తాడు? యుక్త వయసు నుంచి. స్త్రీ కూడా ఆ వయసు నుంచే చేయాలి కదా..ప్రతిభ, సామర్థ్యం, చదువు, పని చేయాలనే ఆసక్తి ఉన్నా ఆమెకు అది అంత సులువుగా వీలవదు. ఇంటి బాధ్యత, పిల్లల బాధ్యత, భర్త బాగోగులు...ఇవి ఒక కొలిక్కి వచ్చేసరికి ఆమెకు నలభైలో యాభైలో దాటిపోతాయి. ఇప్పుడిక ఏం చేస్తాంలే అని కొందరు అనుకుంటారు. ఇప్పుడు పని చేద్దాం అని మరికొందరు అనుకుంటారు. 62 సంవత్సరాల నటి నీతూ సింగ్‌, 52 సంవత్సరాల లోదుస్తుల మోడల్‌ గీత ఇద్దరూ ఇటీవలే పని మొదలెట్టారు.‘ఏజ్‌ ఈజ్‌ నాట్‌ కేజ్‌’ అంటున్నారు వీరు.  ‘నాకిప్పుడు పని చేయాలని ఉంది. నా పిల్లల సపోర్ట్‌ నాకు ఉన్నా ఒక ఒంటరితనం ఉంది. నన్ను నేను ఎంగేజ్‌ చేసుకోవాలని అనిపిస్తోంది. అందుకని నటించాలని ఉంది’ అన్నారు నీతూ సింగ్‌ కపూర్‌. 62 ఏళ్ల నీతూ సింగ్‌ గత రెండేళ్లుగా చాలా ఆటుపోట్లను చూశారు. భర్త రిషి కపూర్‌ కేన్సర్‌ బారిన పడటం, ఆ తర్వాత మరణించడం దాదాపు నలభై ఏళ్లుగా ఉన్న తోడు వీడిపోవడం ఆమెకు కూడదీసుకోవాల్సిన అవసరాన్ని ఇచ్చింది. ఇప్పుడు ఆమె కూడదీసుకుంది. ‘నన్ను నేను పరీక్షించుకోవడానికి అసలు నేను నలుగురి ముందు కాన్ఫిడెంట్‌గా ఉండగలనా లేదా చూసుకోవడానికి ఈ షోకు వచ్చాను’ అని రెండు రోజుల క్రితం ప్రసారం అయిన ‘ఇండియన్‌ ఐడెల్‌’ షోలో గెస్ట్‌గా పాల్గొన్నప్పుడు అన్నారు. ఈ సందర్భంగా ఆమె మనసులోని మాటలు ఎన్నో చెప్పారు. ఏడేళ్ల వయసులోనే వార్నింగ్‌ తెలుగులో హిట్‌ అయిన ‘లేత మనసులు’ హిందీ రీమేక్‌ ‘దో కలియా’తో బాలనటి గా స్టార్‌ అయ్యారు నీతూ సింగ్‌. ‘దో కలియాకు నేను ఆడిషన్స్‌కు వెళితే కృష్ణన్‌–పంజు (ఆ సినిమా దర్శక ద్వయం) గార్లు బనియన్లు కనిపించేలా చొక్కా బటన్లు తీసి కాళ్లు కుర్చీల పైన పెట్టి ఆడిషన్స్‌ తీసుకుంటున్నారు. నాకు ఏడేళ్లు. ముందు షర్టు బటన్లు పెట్టుకుని కాళ్లు కిందకు దించితే ఆడిషన్‌ ఇస్తానని చెప్పాను. వాళ్లు ఆ ఒక్క మాటకు దిమ్మెరపోయి నాకు వెంటనే సినిమా ఆఫర్‌ ఇచ్చారు’ అని నీతూ సింగ్‌ చెప్పారు. సినిమాలు... పెళ్లి.. పిల్లలు రిషి కపూర్‌ నటించిన ‘బాబీ’ సూపర్‌ హిట్‌ అయ్యాక అది రిలీజయ్యేలోపే డింపుల్‌ కపాడియా పెళ్లి చేసుకోవడంతో రిషి కపూర్‌కు హీరోయిన్‌గా కొత్త అమ్మాయి కావాల్సి వచ్చింది. దాంతో 14 ఏళ్లే ఉన్నా నీతూ సింగ్‌ ‘ఖేల్‌ ఖేల్‌ మే’లో హీరోయిన్‌ అయ్యింది. ఆ సినిమా హిట్‌ కావడంతో 22 ఏళ్లు వచ్చేసరికి దాదాపు 60-డెబ్బై సినిమాలు చేసి స్టార్‌ అయ్యింది. కాని రిషి కపూర్‌ పెళ్లి ప్రస్తావన తేవడంతో అతనితో ప్రేమలో ఉన్న నీతూ మొత్తం తన కెరీర్‌ను పక్కన పెట్టి, అడ్వాన్సులు వెనక్కు ఇచ్చి వివాహం చేసుకుంది. ఆ తర్వాత ఆమె నటన వైపు చూడనే లేదు.. ఎందరో అభిమానులు ఉన్నా. కూతురు రిథమ, కొడుకు రణ్‌బీర్‌ వీళ్ల పెంపకం, రిషి కపూర్‌ అబ్సెసివ్‌ బిహేవియర్‌ వల్ల అతన్ని అనుక్షణం కనిపెట్టుకోవాల్సి ఉండటం... వీటిలో పడి ఆమె తానొక నటి అన్న సంగతే మర్చిపోయారు. చాలా ఏళ్ల తర్వాత 2010లో భర్తతో కలిసి ‘దూ దూని చార్‌’ వంటి ఒకటి రెండు సినిమాల్లో నటించినా నటనకు ఆమెకు సమయం చిక్కలేదు. ఇప్పుడు పని చేయాలని ఉంది 2020 ఏప్రిల్‌లో రిషి కపూర్‌ మరణించాడు. దాదాపు సంవత్సరం ఆమె తనలో తాను తన కుటుంబంతో తాను ఉండిపోయింది. ‘ఇప్పుడు నాకు పని చేయాలని ఉంది. నేను పని చేస్తాను’ అని ఆమె అంది. పిల్లలు సెటిల్‌ అయ్యాకనో, భర్త మరణం లేదా భర్త ‘ఇన్‌సెక్యూరిటీస్‌’ తగ్గాకనో లేదా కుటుంబం ‘జాలి తలిచి అనుమతి’ ఇస్తేనో లేదా కుటుంబంతో పోరాడో లేటు వయసులో స్త్రీలు పనికి మొగ్గు చూపుతున్నారు. ‘అమ్మ ఆసక్తులు అమ్మను పూర్తి చేసుకోనిద్దాం’ అని మనస్ఫూర్తిగా అనే కుటుంబాలు కూడా ఉన్నాయి. కాని ఈ కుటుంబ బంధం స్త్రీకు ఉన్నంతగా పురుషుడికి లేదు. పురుషుడు సర్వకాలాల్లో కుటుంబం అనుమతి చూడకుండా తాను చేయవలసింది చేయగలడు. స్త్రీలకు కూడా ఈ అవకాశం ఉండాలి అంటారు స్త్రీలు, ఆలోచనాపరులు.  ‘ఏజ్‌ ఈజ్‌ నాట్‌ కేజ్‌’ 52 ఏళ్ల లోదుస్తుల మోడల్‌ గీత.జె వార్తల్లో ఉన్నారు. అందుకు కారణం ఆమె ‘ఏజ్‌ ఈజ్‌ నాట్‌ కేజ్‌’ పేరుతో లోదుస్తుల తయారీ సంస్థలకు ఒక ఆన్‌లైన్‌ పిటిషన్‌ ఉద్యమం మొదలెట్టడమే. ఇప్పటికే ఆ పిటిషన్‌ మీద దాదాపు 7 వేల మంది సంతకాలు చేశారు. ఇంతకీ గీత ఎందుకు వార్తల్లో ఉన్నారు? ఆమె  మోడల్‌ కాదలుచుకున్నారు. అది కూడా లోదుస్తులకు. కాని తయారీ సంస్థలు ఈ వయసులో మీరు కాలేరండీ అంటూ తిరస్కరించాయి. నిన్న మొన్నటి వరకూ ముంబైలో టీచర్‌గా పని చేసిన గీత ఏమంటున్నారో చూడండి. అదే నాలో కాన్ఫిడెన్స్‌ను పెంచింది ‘ప్రతి స్త్రీకి తన భవిష్యత్తు గురించి కలలు ఉంటాయి. కాని వాటిని నెరవేర్చుకోవడానికి సమయం ఉండదు కుటుంబం వల్ల. ఒక దశలో ఇప్పుడైనా మన కలల్ని నెరవేర్చుకుందాం కుటుంబం కోసం చేయాల్సింది చేశాం కదా అనిపిస్తుంది. నాకు మోడల్‌ కావాలని ఉండేది. వీలవలేదు. యాభై ఏళ్లు వచ్చాక ‘సీనియర్‌ మహిళల అందాల పోటీలో’ పాల్గొని రన్నర్‌ అప్‌గా నిలిచాను. అది నా కాన్ఫిడెన్స్‌ను పెంచింది. ఆ సమయంలోనే నేను లోదుస్తుల కొనుగోలుకు ఆన్‌లైన్‌ షాపింగ్‌ సైట్స్‌ సెర్చ్‌ చేశాను. నా వయసు వారి లోదుస్తులకు కూడా యంగ్‌ మోడల్సే ఉన్నారు. ఎందుకు నా వయసు వారి లోదుస్తులకు నా వయసు వారే మోడల్స్‌గా ఎందుకు ఉండకూడదు అనుకున్నాను. ఈ వయసులో ఈ పని అవసరమా అన్నారు అప్పుడే బ్రెజిల్‌కు చెందిన హెలెనా సేజల్‌ గురించి తెలుసుకున్నాను. ఆమె డెబ్బై ఏళ్ల వయసులో లోదుస్తుల మోడల్‌గా మారి గొప్ప స్ఫూర్తినింపారు. ఆ స్ఫూర్తితోనే నేను లోదుస్తుల మోడల్‌గా మారి ఫొటోషూట్‌ చేసుకున్నాను. సోషల్‌ మీడియాలో ఆ ఫోటోలు పోస్ట్‌ చేశాక నా కుటుంబం, స్నేహితులు, తెలియనివారు చాలామంది అప్రిసియేట్‌ చేశారు. ‘ఈ వయసులో ఈ పని అవసరమా’ అన్నవారు ఉన్నారు. స్త్రీలు ఏ వయసులో ఏం చేయాలో ఎందుకు చెప్తారు. అది పర్సనల్‌ చాయిస్‌. ఏ దుస్తులు ధరించాలో కూడా పర్సనల్‌ చాయిస్‌. మా మీద లక్ష్మణరేఖ ఉంటుంది. అది దాటితే ఏదో ఒక లోపం, వంక, విమర్శ ఎదురవుతాయి. వయసు రావడం అనేది ఒక సహజ శారీరక ప్రక్రియ. మనం దానిని ఆపలేం. కాని ఆ వయసును మన కలలకు అడ్డంగా రానివ్వకుండా మనం చేసుకోగలం. నేను చెప్పాలనుకుంటున్నది అదే’ అంటారు గీత. ఆమె స్త్రీల వ్యక్తీకరణలు, ఆకాంక్షలు, కలలు, అభిలాషల పట్ల సగటు సమాజానికి ఉన్న పడికట్టు దృష్టిని మాత్రం చెదరగొడుతున్నారు.నీతూ సింగ్, గీత ఇద్దరూ కూడా స్త్రీలకు సంబంధించి ఏదో చెబుతున్నారు. మనం చేయవలసిందల్లా ఆ చెబుతున్నది సరిగ్గా విని అర్థం చేసుకుని అందుకు బాసటగా నిలవడమే. – సాక్షి ఫ్యామిలీ

సాక్షి,ముంబై: ఒకవైపు దేశంలో కరోనా వైరస్‌ వ్యాక్సినేషన్‌ కార్యక్రమం కొనసాగుతోంది. మరోవైపు కరోనా వైరస్ ‌మళ్లీ పంజా విసురుతోంది. దేశవ్యాప్తంగా పలు రాష్ట్రాల్లో మహమ్మారి మళ్లీ కోరలు  చాస్తోంది. ముఖ్యంగా మహారాష్ట్రలో కోవిడ్‌-19కేసులు పెరుగుతున్నాయి.  తాజాగా బాలీవుడ్‌ యంగ్‌ హీరో రణబీర్ కపూర్  కరోనా బారిన పడ్డారు. దీనిపై ఆర్‌కే తల్లి, నటి నీతూ కపూర్‌  తన ఇన్‌స్టాలో రణబీర్‌ ఆరోగ్యంపై  అప్‌డేట్ ఇచ్చారు. ఈ సందర్భంగా  తన కుమారుడి ఆరోగ్యంపై ఆందోళన వ్యక్తం చేసిన అందరికీ ధన్యవాదాలు తెలిపిన ఆమె ప్రస్తుతం రణబీర్‌ కోలుకుంటున్నాడనీ, అన్ని జాగ్రత్తలు పాటిస్తున్నట్టు చెప్పారు. దీంతో కార్యక్రమాలకు  బ్రేక్‌  చెప్పి రణబీర్‌ స్వీయ నిర్బంధంలో ఉన్నాడు. మరోవైపు ముంబైలో, గత నెలతో పోల్చితే కోవిడ్-19 రోగుల సంఖ్య దాదాపు 89 శాతం పెరిగింది. అంధేరి (వెస్ట్), చెంబూర్, గోవాండితో సహా ఎనిమిది వార్డుల్లో కేసుల నమోదు  భారీగా పెరిగింది. దీంతో మహారాష్ట్రలోని థానేలో మార్చి 13 నుంచి - 31 వరకు 11 హాట్‌స్పాట్లలో లాక్‌డౌన్‌ ప్రకటించారు. కాగా రణబీర్‌, అలియా భట్ జంటగా, అయాన్ ముఖర్జీ దర్శకత్వంలో రూపొందుతున్న బ్రహ్మాస్త్ర చిత్రం ఈ ఏడాది విడుదలకు సిద్ధమవుతోంది. జగ్ జగ్ జీయో షూటింగ్ సందర్భంగా నీతూకపూర్‌, నటుడు వరుణ్‌ధావన్‌ కూడా కరోనా బారిన పడిన సంగతి తెలిసిందే.  View this post on Instagram A post shared by neetu Kapoor. Fightingfyt (@neetu54)

బాలీవుడ్‌ సీనియర్‌ నటి నీతు కపూర్‌ కరోనా బారిన పడ్డారు. ఈ విషయాన్ని ఆమె స్వయంగా ఇన్‌స్టాగ్రామ్‌ వేదికగా వెల్లడించారు. ‘షూటింగ్‌ ముగించుకుని ముంబై వచ్చాను. ఈ వారం ప్రారంభంలో నాకు కోవిడ్‌-19 సోకింది. అన్ని జాగ్రత్తలు తీసుకుంటున్నాను. విషయం తెలిసి వెంటనే స్పందించి సాయం చేసిన వారందరికి ధన్యవాదాలు. ప్రస్తుతం నేను హోం క్వారంటైన్‌లో ఉన్నాను. డాక్టర్లు సూచించిన మందులు వాడుతున్నాను. ప్రస్తుతం నాకు బాగానే ఉంది. మీ ప్రేమ, మద్దతుకు ధన్యవాదాలు. జాగ్రత్తగా ఉండండి.. మాస్క్‌ ధరించండి.. సామాజిక దూరం పాటించండి’ అంటూ ఇన్‌స్టాగ్రామ్‌లో పోస్ట్‌ చేశారు నీతు కపూర్‌. (కరోనా పాజిటివ్‌: రూమర్స్‌పై స్పందించిన హీరో ) View this post on Instagram A post shared by neetu Kapoor. Fightingfyt (@neetu54) అయితే పోయిన వారం నీతు కపూర్‌.. అనిల్‌ కపూర్‌, వరుణ్‌ ధావన్‌లతో కలిసి చండీగఢ్‌లో ‘జగ్‌ జగ్‌ జీయో’ షూటింగ్‌లో పాల్గొన్నారు. ఈ క్రమంలో వరుణ్‌ ధావన్‌, దర్శకుడు రాజ్ మెహతాలకు  కోవిడ్‌-19 పాజిటివ్‌ నిర్ధారణ అయింది. దాంతో షూటింగ్‌కి బ్రేక్‌ పడిన సంగతి తెలిసిందే. ఇక ఇప్పటికే ‘పుకార్లకు అవకాశం ఇవ్వకూడదనే ఉద్దేశంతో.. నేనే స్వయంగా ప్రకటిస్తున్నాను. నాకు కోవిడ్‌ నెగిటివ్‌ వచ్చింది. మీ అందరి ప్రేమ, ఆశీస్సులకు ధన్యవాదాలు’ అంటూ అనిల్‌ కపూర్‌ ట్వీట్‌ చేశారు. 

కరోనా లాక్‌డౌన్‌ తర్వాత సినిమాల చిత్రీకరణలు ప్రారంభమైన సంగతి తెలిసిందే. అయితే చిత్రీకరణ సమయంలో కొందరు కరోనా బారిన పడుతుండటంతో కొన్ని చిత్రాల షూటింగ్‌కి బ్రేకులు పడుతున్నాయి. తాజాగా బాలీవుడ్‌ మూవీ ‘జగ్‌ జగ్‌ జీయో’ షూటింగ్‌ కూడా కరోనా వల్ల ఆగిపోయింది. వరుణ్‌ ధావన్, కియారా అద్వానీ జంటగా రాజ్‌ మెహతా దర్శకత్వంలో తెరకెక్కుతోన్న చిత్రం ‘జగ్‌ జగ్‌ జీయో’. అనిల్‌ కపూర్, నీతూ కపూర్‌ ఇతర ముఖ్య పాత్రల్లో నటిస్తున్నారు. కరణ్‌ జోహార్‌ నిర్మిస్తున్న ఈ సినిమాకి సంబంధించిన ఓ షెడ్యూల్‌ను చండీగఢ్‌లో ఆరంభించారు. అయితే వరుణ్‌ ధావన్, నీతూ కపూర్‌తో పాటు దర్శకుడు రాజ్‌ మెహతా కరోనా బారిన పడటంతో చిత్రీకరణకు బ్రేక్‌ ఇచ్చారు. అనిల్‌ కపూర్, కియారా అద్వానీకి మాత్రం నెగటివ్‌ అని నిర్ధారణ అయింది.

ముంబై: బాలీవుడ్‌ ‘జగ్‌ జగ్‌ జీయో’ మూవీ టీంకు కరోనా సెగ అంటుకున్న విషయం తెలిసిందే. హీరో వరుణ్‌ ధావన్‌, నటీ నీతూ కపూర్‌, దర్శకుడు రాజ్‌ మెహితాలకు కోవిడ్‌ పాజిటివ్‌గా తేలింది. దీంతో ఈ సినిమా షూటింగ్‌ను నిలిపివేశారు. అయితే ఇందులో నటిస్తున్న మరో నటుడు, సినీయర్‌ హీరో అనిల్‌ కపూర్‌కు మాత్రం కరోనా నెగిటివ్‌ వచ్చినప్పటికీ ఆయనకు కరోనా సోకిందంటూ సోషల్‌ మీడియాలో వార్తలు హల్‌చల్‌ చేస్తున్నాయి. ఈ నేపథ్యంలో తాజాగా తన ఆరోగ్యంపై వస్తున్న పుకార్లపై ఆయన స్పందించారు. ఈ మేరకు శుక్రవారం ఆయన తన ఇన్‌స్టాగగ్రామ్‌ స్టోరీని షేర్‌ చేశారు. ‘నా ఆరోగ్యంపై వస్తున్న రూమర్‌లకు పుల్‌స్టాప్‌ పెట్టాలనుకంటున్న. (చదవండి: హీరోకి, దర్శకుడికి కరోనా : నిలిచిపోయిన షూటింగ్‌) ఇటీవల చేయించుకున్న కోవిడ్‌ పరీక్షల్లో నాకు నెగిటివ్‌ వచ్చింది. నా ఆరోగ్యంపై ఆందోళన చెందుతూ.. త్వరగా కోలుకోవాలని నా కోసం ప్రార్థించిన ప్రతి ఒక్కరికి ధన్యవాదాలు’ అని పేర్కొన్నారు. కాగా వరుణ్‌ ధావన్,‌ కియారా అద్వానీ జంటగా నటిస్తున్న ‘జగ్‌ జగ్‌ జీయో’లో నీతూ కపూర్‌, హీరో అనిల్‌ కపూర్‌లు‌ కీలక పాత్రలు పోషిస్తున్నారు. గత నెలలో సెట్స్‌పైకి వచ్చిన ఈ సినిమా షూటింగ్‌ నేపథ్యంలో ఇటీవల ఛండిఘర్‌ వెళ్లింది. ఈ క్రమంలో ఈ సినిమా హీరో వరుణ్‌, నటి నీతూ కపూర్‌, దర్శకుడు రాజ్‌ మెహతాలు కరోనా బారిన పడ్డారు. అయితే ఇప్పటి వరకు దీనిపై వీరెవరూ కూడా స్పందించకపోవడం గమనార్హం.

సాక్షి, ముంబై : బాలీవుడ్‌ హీరో వరుణ్ ధావన్, కియారా అద్వానీ జంటగా నటిస్తున్న జగ్ జగ్ జీయో మూవీ  బృందానికి కరోనా షాక్‌ తగిలింది.  తాజా నివేదికల ప్రకారం, వరుణ్ ధావన్, నీతూకపూర్, దర్శకుడు రాజ్ మెహతాలకు  కోవిడ్‌-19 పాజిటివ్‌ నిర్ధారణ అయింది.  చండీగఢ్‌లో షూటింగ్‌లో ఉండగా వీరికి సోకినట్టు సమాచారం.  అయితే కరోనా నిర్ధారిత పరీక్షల్లో సీనియర్‌ హీరో అనిల్‌ కపూర్‌కు నెగిటివ్‌ వచ్చినట్టు తెలుస్తోంది. దీంతో షూట్ ఆగిపోయిందని ఫిలింఫేర్ ఒక నివేదికలో పేర్కొంది. వరుణ్, నీతు, దర్శకుడు రాజ్ కోలుకునేం‍తవరకు గత నెలలో ప్రారంభమైన షూటింగ్‌ను ప్రస్తుతానికి నిలిపివేసినట్టు తెలిపింది. అయితే  సినిమా ముచ్చట్లను ఎప్పటికపుడు ఫ్యాన్స్‌తో పంచుకుంటున్న  చిత్రయూనిట్‌గానీ, నీతూ, వరుణ్‌, అనిల్‌ కపూర్‌గానీ ఈ వార్తలపై ఇంకా స్పందించ లేదు. కాగా దివంగత బాలీవుడ్‌ సీనియర్‌ హీరో రిషి కపూర్‌  మరణం తరువాత నీతు కపూర్ మళ్లీ నటిస్తున్నారు. ఈ విషయాన్ని నీతూ ఇన్‌స్టాలో షేర్‌ చేశారు. అంతకు ముందు  మహమ్మారి సమయంలో తొలిసారి విమానం ఎక్కుతున్నా..కొంచెం టెన్షన్‌గా ఉందంటూ పోస్ట్‌ చేశారు. ఈ సందర్బంగా ‘‘ కపూర్‌ సార్‌ నా చేయి పట్టుకుని ధైర్యం చెప్పడానికి మీరిక్కిడ లేరు...అయినా నిత్యం నాతోనే ’’ అంటూ  నీతూ తన భర్త రిషీకపూర్‌ను గుర్తు చేసుకున్నారు. అలాగే నీతూ కపూర్‌ కరోనా టెస్టులు చేయించుకున్న వీడియో వైరల్‌ అయింది. కాగా 2021లో ప్రేక్షకుల ముందుకు రానున్న ఈ చిత్రంలో మనీష్ పాల్ ప్రజక్త కోలి కూడా నటిస్తున్నారు. కరణ్ జోహార్‌ ధర్మ ప్రొడక్షన్స్ నిర్మిస్తున్న ఈ చిత్రం ఫస్ట్‌లుక్‌ గత నెలలో విడుదలైన సంగతి తెలిసిందే. (చదవండి : వ్యాక్సిన్‌: ఒబామా, బుష్‌, క్లింటన్‌ సంచలన నిర్ణయం) View this post on Instagram A post shared by neetu Kapoor. Fightingfyt (@neetu54) View this post on Instagram A post shared by neetu Kapoor. Fightingfyt (@neetu54)

ముంబై: బాలీవుడ్‌లో క‌రోనా క‌ల‌క‌లం సృష్టిస్తోంది. ఇప్ప‌టికే బచ్చ‌న్ కుటుంబంలో న‌లుగురికి క‌రోనా పాజిటివ్‌గా నిర్దార‌ణ అయ్యింది. అంతేకాకుండా ప్ర‌ముఖ న‌టుడు అనుప‌మ్ ఖేర్ మిన‌హా మిగ‌తా కుటుంబ‌స‌భ్యుల‌కు కూడా క‌రోనా సోకిన‌ట్లు ఆయ‌నే స్వ‌యంగా వెల్ల‌డించారు. ఈ నేప‌ధ్యంలో ముంబైలోని ప‌లువురు ప్ర‌ముఖుల‌కు క‌రోనా సోకిన‌ట్లు ప‌లు వ‌దంతులు సోష‌ల్ మీడియాలో చ‌క్క‌ర్లు కొడుతున్నాయి. ఈ నేప‌థ్యంలో క‌పూర్ ఫ్యామిలీకి కూడా క‌రోనా సోకింద‌ని, ఇప్ప‌టికే నీతూ క‌పూర్, ర‌న్‌బీర్ క‌పూర్‌ల‌కు కోవిడ్ నిర్ధార‌ణ అయిన‌ట్లు వ‌స్తోన్న వార్త‌లపై రిద్ధిమ క‌పూర్ స్పందించారు. తామంతా ఫిట్‌గా ఉన్నామ‌ని ఇలాంటి అస‌త్య వార్త‌ల‌ను ప్ర‌చారం చేయోద్ద‌ని కోరింది. అటెన్షన్ కోసం ఇలాంటి వార్త‌లు రాస్తారా అంటూ రిద్ధిమ ఫైర్ అయ్యారు. రిద్ధిమ ఏర్పాటు చేసిన పుట్టిన‌రోజు పార్టీకి అమితాబ్ మ‌నువ‌డు అగ‌స్థ్య నందా  వెళ్లార‌ని, ఆయ‌న ద్వారానే బ‌చ్చ‌న్ కుటుంబ‌ సభ్యుల‌కు క‌రోనా వ‌చ్చిందంటూ సోష‌ల్ మీడియాలో వార్త‌లు హ‌ల్‌చ‌ల్ చేశాయి.  (వారి ఆరోగ్యం మెరుగ్గా ఉంది: వైద్యులు) View this post on Instagram Attention seeking ??? Least verify/ clarify ! We are fit We are good ! Stop spreading rumours ! #lunatics #fakenews A post shared by Riddhima Kapoor Sahni (RKS) (@riddhimakapoorsahniofficial) on Jul 11, 2020 at 12:31pm PDT మ‌రోవైపు ప్రముఖ న‌టి, బీజేపీ ఎంపీ హేమ‌మాలిని ఆసుప‌త్రిలో చేరిన‌ట్లు వ‌దంతులు వ‌చ్చాయి. దీంతో తాను ఆరోగ్యంగానే ఉన్నానంటూ ఆమె ట్విటర్ ద్వారా వీడియోను పోస్ట్ చేశారు. (ఆరోగ్యంపై పుకార్లు.. స్పందించిన సీనియర్‌ నటి)  కొన్ని రోజల క్రితం నీతూ క‌పూర్ 62వ పుట్టినరోజు సంద‌ర్భంగా రిద్ధిమ క‌పూర్ పార్టీ నిర్వ‌హించారు. ఈ వేడుక‌లో క‌పూర్ ఫ్యామిలీ స‌హా అగ‌స్థ్య నందా, నితాషా నంద, క‌ర‌ణ్ జోహార్ స‌హా ప‌లువురు పాల్గొన్నారు. View this post on Instagram The richest are the ones with good relationships!!! We all need love ,support strength from our loved ones always 💕💕💕💕I feel the richest today 🤗🤩 A post shared by neetu Kapoor. Fightingfyt (@neetu54) on Jul 8, 2020 at 11:59am PDT  

బాలీవుడ్‌ నటుడు సుశాంత్‌ సింగ్ రాజ్‌పుత్‌‌ ఆత్మహత్య చేసుకుని మరణించిన ఘటనలో ప్రముఖ నిర్మాత కరణ్‌ జోహార్‌ తీవ్ర విమర్శలు ఎదుర్కొన్న సంగతి తెలిసిందే. ఈ చర్యలతో కరణ్‌ తీవ్రంగా కలత చెందాడని.. ఏడుస్తూనే ఉన్నాడని అతడి సన్నిహితుడు ఒకరు మీడియాకు వెల్లడించారు. అయితే ఈ వ్యాఖ్యలపై కూడా నెటిజనులు ఆగ్రహం వ్యక్తం చేస్తున్నారు. ఇంత జరిగినా ఇంకా చీప్‌ పబ్లిసిటీ స్టంట్‌లు మానరా అంటూ ట్రోల్‌ చేస్తున్నారు. అభిమానులు ఇంతలా మండిపడటానికి కారణం ఉంది. ఏంటంటే బుధవారం నీతూ కపూర్‌ పుట్టినరోజు. ఈ సందర్భంగా నిర్వహించిన వేడుకలకు కరణ్‌ జోహార్‌ హాజరయ్యాడు. ఇందుకు సంబంధించిన ఫోటోలు సోషల్‌ మీడియాలో షేర్‌ చేశారు. అవి కాస్త కరణ్‌జోహార్‌ స్నేహితుడి వ్యాఖ్యల తర్వాత పబ్లిష్‌ అయ్యాయి. దాంతో అడ్డంగా బుక్కయ్యి విమర్శల పాలవుతున్నాడు కరణ్‌ జోహార్‌. (సల్మాన్‌, కరణ్‌లపై పిటిషన్‌ కొట్టివేత) ఈ ఫోటోలు చూసిన నెటిజనులు ‘ఓ పాపం కరణ్‌ జోహార్‌ మాట్లాడే పరిస్థితుల్లో లేడు. అతడి స్నేహితుడు కాల్‌ చేసిన ప్రతిసారి అతడు ఏడుస్తూనే ఉన్నాడు. అదే నిజమయితే.. నీతూ కపూర్‌ పుట్టినరోజు వేడుకలకు హాజరై.. నవ్వుతూ ఎంజాయ్‌ చేసిన వ్యక్తి ఎవరు. మళ్లీ చీప్‌ ప్లబ్లిసిటీ స్టంట్‌ ప్లే చేశారు. బాలీవుడ్‌ సిగ్గుపడు’ అంటూ అభిమానులు ఆగ్రహం వ్యక్తం చేస్తున్నారు.    Oh really! 🤣🤣 Karan is not in a condition to speak ? He cries everytime his friends call him! Then who is this person smiling and celebrating Neetu Kapoor's Birthday! Again cheap PR Stunts!! Shame on you bollywood!#SCOrderCBIForSSR #WhyDelayInCBIForSSR pic.twitter.com/c5BOQBJsYY — Soha Patel (@patelsoha18) July 9, 2020 సుశాంత్‌ ఆత్మహత్య తర్వాత బాలీవుడ్‌లో పాతుకుపోయిన బంధుప్రీతి గురించి మరోసారి చర్చకు వచ్చింది. ఈ క్రమంలో నెటిజనులు కరణ్‌ జోహార్‌, ఆలియా భట్‌,  సోనాక్షి సిన్హా, సోనమ్ కపూర్, సల్మాన్ ఖాన్‌లను తీవ్రంగా ట్రోల్‌ చేసిన సంగతి తెలిసిందే.

'డిప్రెషన్‌’ గురించి ఇప్పుడు చర్చ ఎక్కువగా నడుస్తోంది. మనసులోకి వెలితి ఎప్పుడు అడుగు పెడుతుందో తెలియదు. ముఖ్యంగా అయినవారిని కోల్పోయినప్పుడు. రిషి కపూర్‌ మరణంతో నీతూ కపూర్‌ కచ్చితంగా ఒక ఖాళీని అనుభూతి చెందుతూ ఉంటుంది. అందుకే కుమార్తె రిథిమ కపూర్‌ తండ్రి మరణించినప్పటి నుంచి తన అత్తవారిల్లు ఢిల్లీని వదిలి ఆమెతోనే ఉంటోంది. అంతే కాదు ఇప్పుడు తల్లికి ఒక కుక్కపిల్లను బహూకరించింది. నీతూసింగ్‌ ఆ కుక్క పిల్లను తన కుటుంబ సభ్యునిగా సంతోషంగా స్వీకరించింది. అంతేకాదు, దానికి ‘డూడుల్‌ కపూర్‌’ అని పేరు కూడా పెట్టుకుంది. దేనికీ ఏదీ ప్రత్యామ్నాయం కాదు. కాని మనసును దారి మళ్లించడానికి ప్రతిదీ ఉపయోగపడుతుంది. డిప్రెషన్‌లో ఉన్నవారిని పూలతోట పెంచమని అంటూ ఉంటారు. కుక్కపిల్లలను పెంచుకోవడం కూడా యాంటీ డిప్రెసెంటే. నీతూకు ఈ కుక్కపిల్ల మంచి ఓదార్పు కానుంది.(ఐ వాన్న అన్‌ఫాలో యు)

ముంబై: ‘నేను.. రణ్‌బీర్‌ కలిస్తే ఇప్పటికీ చిన్న చిన్న గొడవలు పడుతూ.. అల్లరి చేస్తాం’ అంటూ ఆయన సోదరి రిధిమా కపూర్‌ సాహ్ని తెలిపారు. మంగళవారం తన ఇన్‌స్టాగ్రామ్‌లో నిర్వహించిన లైవ్‌ చాట్‌లో రిద్దిమాను ఓ నెటిజన్‌ మీరు రణ్‌బీర్‌ ఈ వయసులో కూడా కొట్టుకుంటుంటారా? అని అడగ్గా.. ‘‘అవును.. ఎప్పటికీ’’ అంటూ ఆమె సరదాగా సమాధానం ఇచ్చారు. (తండ్రి మరణంపై రిధిమా భావోద్వేగం..) అదే విధంగా ఫిట్‌నెస్‌ పట్ల ఆసక్తి చూపే రిధిమాను... ఓ నెటిజన్‌ మీకు ప్రత్యేకంగా న్యూట్రిషియన్‌ ఉన్నారా అని అడిగిన ప్రశ్నకు ‘అవును.. మా అమ్మే నా న్యూట్రిషియన్’‌ అని సమాధానం ఇచ్చారు. ఇటీవల రిషి కపూర్‌ క్యాన్సర్‌తో మరణించిన విషయం తెలిసిందే.. ఈ నేపథ్యంలో తన తల్లి నీతూ కపూర్‌ ఏలా ఉన్నారని అడగ్గా.. ‘మేము ఒకరికొకరం అన్ని విషయాల్లో సపోర్టుగా ఉంటాం. ప్రస్తుతం మేమంతా బాగానే ఉన్నాం’’ అంటూ రిద్దిమా నెటిజన్లు అడిగిన ప్రశ్నలకు తనదైన శైలిలో సమాధానాలు ఇచ్చారు. 

పారిశ్రామిక దిగ్గజం, రిలయన్స్‌ అధినేత ముఖేశ్‌ అంబానీ కుటుంబానికి దివంగత నటుడు రిషి కపూర్‌ భార్య నీతూ కపూర్‌ కృతజ్ఞతలు తెలిపారు. ఈ మేరకు ఇన్‌స్టాగ్రామ్‌లో ముఖేష్‌ అంబానీ దంపతులతో కలిసి దిగిన ఫోటోను పోస్ట్‌ చేశారు. ఈ సందర్భంగా అంబానీ కుటుంబం తమకందించిన సహాయాన్ని గుర్తుచేసుకుంటూ నీతూ భావోద్వేగానికి లోనయ్యారు. అలాగే రెండేళ్లుగా లుకేమియాతో పోరాడుతున్న రిషి కపూర్‌కు అండగా నిలిచిన ప్రతి ఒక్కరికి ఆమె కృతజ్ఞతలు తెలిపారు. ‘‘గత రెండేళ్లు మాకు, కుటుంబానికి  చాలా పెద్ద జర్నీ. ఎన్నో మధుర క్షణాలు, కొన్ని కష్టతరమైన రోజులు కూడా ఉన్నాయి. ఇది భావోద్వేగంతో కూడుకొని ఉన్న సమయం. కష్ట సమయంలో అంబానీ కుటుంబం చూపించిన అమితమైన ప్రేమ వెలకట్టలేనిది. మమ్మల్ని అనేక విధాలుగా జాగ్రత్తగా చూసుకున్నారు. అంబానీ కుటుంబం నుంచి ఎంతో మద్దతు లభించింది. కష్ట కాలంలో ఆ కుటుంబం మాకెంతో సహకరించింది. (మీరందరూ సూపర్‌ హీరోలే: అనిల్‌ కపూర్‌) ‘‘గత ఏడు నెలలుగా రిషి అరోగ్యం బాగోలేదు. ఆ సమయంలో అంబానీ కుటుంబమంతా ఆయన్ను అన్ని విధాలుగా జాగ్రత్తగా చూసుకున్నారు. తన ఆరోగ్యంపై శ్రద్ధ చూపిస్తూ.. రిషి బాధను పొగొట్టడానికి ప్రయత్నించారు. రిషి ఆస్పత్రిలో ఉన్నప్పుడు కుటుంబమంతా వచ్చి పలకరించారు. రిషిపై, మా కుటుంబంపై ఎంతో ప్రేమను కురిపించారు. రిషి వెంటిలేటర్‌పై ఉండి మేము భయపడుతున్న సందర్భంలో మమ్మల్ని ఓదార్చారు. మీపై ఉన్న అభిమానాన్ని మాటల్లో చెప్పలేం. మీరు చూపించిన నిస్వార్థ ప్రేమకు, అంతులేని ఆప్యాయతకు కృతజ్ఞతలు. మీలాంటి వారు మాకు తోడుగా ఉన్నందుకు మేము అదృష్టంగా భావిస్తున్నాం. రిధిమ, రణబీర్‌ కపూర్‌.. మొత్తం కపూర్‌ కుటుంబం తరుఫున అంబానీ కుటుంబానికి మనస్పూర్తిగా ధన్యవాదాలు తెలుపుతున్నాం’’ అంటూ తన మనుసులోని మాటను నీతూ కపూర్‌ చెప్పుకొచ్చారు. (‘నా ప్రేయసితో బ్రేకప్‌ అయినపుడు నీతూ సాయం చేసింది’)

బాలీవుడ్‌ నటుడు రిషీ కపూర్ క్యాన్సర్‌తో రేండేళ్లుగా పోరాటం చేసి చివరకు గురువారం ఉదయం మృతి చెందారు. కాగా ఆయన భార్య నితూ కపూర్‌ ఆయనకు వీడ్కోలు చెబుతూ భావోద్వేగ పోస్టును శనివారం సోషల్‌ మీడియాలో షేర్‌ చేశారు. మందు గ్లాసు పట్టుకుని.. చిరునవ్వు చిందిస్తున్న రిషీ కపూర్‌ ఫొటోకు ‘మన కథ ముగిసింది’ అంటూ ఆమె భావోద్వేగానికి లోనయ్యారు. ఇక ఆమె పోస్టు చూసిన నెటిజన్లు రిషీ కపూర్‌కు సోషల్‌ మీడియాలో నివాళులు అర్పిస్తున్నారు. కాగా రిషీ‌, నీతూ కపూర్‌లు కలిసి నటించిన 1974 చిత్రం ‘జరీలా ఇన్సాన్‌’ సెట్స్‌లో వారికి పరిచయం ఏర్పడింది. ఆ తర్వాత ప్రేమలో పడిన వీరిద్దరూ 1980లో వివాహం చేసుకున్నారు. (చింటూ అంకుల్‌.. మిమ్నల్ని మిస్సవుతున్నా) View this post on Instagram End of our story ❤️❤️ A post shared by neetu Kapoor. Fightingfyt (@neetu54) on May 1, 2020 at 11:20pm PDT రిషీ కపూర్‌, నీతూ కపూర్‌లు కలిసి ‘ఖేల్‌ ఖేల్‌ మేన్‌’, ‘రఫో చక్కర్‌’, ‘కబీ కబీ’, ‘అమర్‌ అక్బర్‌ ఆంటోని’, ‘దునియా మేరీ జబ్‌ మేన్‌’, ‘జిందా దిల్’‌ వంటి ఎన్నో సినిమాల్లో నటించారు. ఇక వివాహం ఆనంతరం ‘లవ్‌ ఆజ్‌ కల్’‌, ‘దో ధూనీ చార్‌’, ‘జబ్‌ తక్‌ హై జాన్‌’ ‘బేషరం’ వంటి సినిమాలు చేశారు. ఇక బాలీవుడ్‌ బ్యూటీ క్వీన్‌ దీపికా పదుకోనే రాబోయే రీమేక్‌ ‘అన్నే హాత్‌వే’ చిత్రంతో పాటు పలు సినిమాలకు ఆయన సంతకాలు చేసినట్లు సమాచారం. కాగా ‘నన్ను తలచుకుంటే ముఖంపై చిరునవ్వు రావాలి తప్ప కన్నీరు రావద్దు’ అన్న రిషీ కపూర్‌ చివరి కోరికను వెల్లడిస్తూ కుటుంబ సభ్యులు లేఖను విడుదల చేసిన విషయం తెలిసిందే. రేండేళ్లుగా బ్లడ్‌ క్యాన్సర్‌ వ్యాధితో బాధపడుతూ రిషీ కపూర్..‌ సంవత్సరం పాటు అమెరికాలో క్యాన్సర్‌కు‌ చికిత్స చేయించుకుని తిరిగి గతేడాది సెప్టెంబర్‌లో ఇండియాకు వచ్చారు. ఈ క్రమంలో ఆయన గురువారం(ఏప్రిల్‌ 30)న తుదిశ్వాస విడిచారు. అదే రోజు కుటుంబ సభ్యులు, కొద్ది మంది సన్నిహితుల మధ్య ఆయన అంత్యక్రియలు ముగిశాయి. (తండ్రి మరణంపై రిధిమా భావోద్వేగం..) ‘నా ప్రేయసితో బ్రేకప్.. నీతూ సాయం కోరాను’

‘‘నా గర్ల్‌ఫ్రెండ్‌తో ఓరోజు గొడవపడ్డాను. అప్పుడు నా హృదయం ముక్కలైపోయింది. అయితే నేను మళ్లీ ఆమెను తిరిగి నా జీవితంలోకి తీసుకువచ్చేందుకు నీతూ సహాయం కోరాను. నా ప్రేయసికి ఉత్తరాలు రాయడంలో తను నాకెంతగానో సాయం చేసింది. జరీలా ఇన్సాన్‌ సినిమా షూటింగ్‌ సమయంలో ఇది జరిగింది. రోజులు గడిచే కొద్దీ నాకో విషయం అర్థమైంది. నీతూ మిస్సవుతున్నా అనిపించింది. యూరప్‌లో షూటింగ్ చేస్తున్నపుడు తనకు ఒక టెలిగ్రాం ఇచ్చాను. నేను తన గురించి ఆలోచిస్తున్నా అని చెప్పాను. అప్పుడు తను కశ్మీర్‌లో ఉంది‌’’ అంటూ బాలీవుడ్‌ చాకొలెట్‌ బాయ్‌ రిషి కపూర్‌ నీతూ సింగ్‌తో ప్రేమలో పడిన విషయాన్ని గతంలో ఓ ఇంటర్వ్యూలో పంచుకున్నారు.(హిందీ తెరకు రొమాంటిక్ హీరో..) అయితే ఆ సమయంలో అక్కడే ఉన్న నీతూ మాత్రం రిషి చెప్పినట్టు తమ ప్రయాణం సాఫీగా మొదలుకాలేదని... షూటింగ్‌ తొలినాళ్లలో రిషి తనను బాగా ఏడిపించారని చెప్పుకొచ్చారు. తన మేకప్‌, దుస్తులపై కామెంట్లు చేసేవారని.. దాంతో ఆయనపై కోపంగా ఉండేదాన్నని చెప్పారు. రిషి ఒక తుంటరి, ఆకతాయి అని.. అందరినీ ఇలాగే ఆటపట్టించేవారని మధుర జ్ఞాపకాలను గుర్తు చేసుకున్నారు. ఆ తర్వాత కాలంలో తనకు తెలియకుండానే ఆయన ప్రేమలో పడిపోయానని.. సైన్‌ చేసిన చిత్రాల షూటింగ్‌ ముగిసిన తర్వాత పెళ్లి చేసుకున్నామని తెలిపారు. బాలీవుడ్‌ జంటల్లో అన్యోన్యమైన జంటగా పేరొందారు నీతూ- రిషి కపూర్‌. (అదే రిషి క‌పూర్ చివ‌రి కోరిక‌..) రఫూ చక్కర్‌, దో దూని చార్‌, అమర్‌ అక్బర్‌ ఆంటోని, దూస్రా ఆద్మీ, అంజానే మే. ధన్‌ దౌలత్‌, ఖేల్‌ ఖేల్‌ మే, జిందా దిల్‌, జరీలా ఇన్సాన్‌ వంటి అనేక సినిమాల్లో జోడీగా కనిపించిన వీరు 1980లో వివాహ బంధంతో ఒక్కటయ్యారు. వీరికి కుమార్తె రిధిమా కపూర్‌ సాహ్ని, కుమారుడు రణ్‌బీర్‌ కపూర్‌ ఉన్నారు. ఇక 40 ఏళ్ల దాంపత్య జీవితంలో వారి మధ్య చిన్న చిన్న అలకలే తప్ప పెద్దగా గొడవపడిన సంఘటనలు లేవంటారు రిషీ- నీతూ సన్నిహితులు. వీరిరువురు సోషల్‌ మీడియాలో షేర్‌ చేసే ఫొటోలు చూస్తే అది నిజమే అనిపిస్తుంది. లుకేమియాతో తాను ఆస్పత్రిలో చేరిన సమయంలో భార్య నీతూ తనలో ధైర్యం నింపిందని... తన కుటుంబం వల్లే కాన్సర్‌ను జయించగలిగే నమ్మకం వచ్చిందని రిషి అనేక మార్లు చెప్పారు. (లాక్‌డౌన్‌.. తండ్రి చివరిచూపుకు రిథిమాకు అనుమతి) అదే విధంగా నీతూ సైతం ప్రతీ సందర్భంలోనూ భర్త వెంటే ఉండేవారు. కుటుంబం కోసం చాలా కాలం నటనకు దూరమైన నీతూ.. బేషరమ్‌, లవ్‌ ఆజ్‌ కల్‌ వంటి చిత్రాల్లో భర్తతో కలిసి తెరపై తళుక్కుమన్నారు. ప్రస్తుతం ఆయన శాశ్వత నిద్రలోకి జారుకోవడంతో నీతూ శోక సంద్రంలో మునిగిపోయారు. కాగా న్యూయార్క్‌లో కాన్సర్‌ చికిత్స పొందిన రిషి కపూర్‌ కొన్ని రోజుల క్రితం స్వదేశానికి తిరిగి వచ్చిన విషయం తెలిసిందే. ఈ క్రమంలో శ్వాసకోశ సంబంధిత వ్యాధితో గురువారం ముంబై ఆస్పత్రిలో ఆయన కన్నుమూశారు. దీంతో చిత్ర పరిశ్రమతో పాటు రాజకీయ ప్రముఖులు, అభిమానులు రిషీ కపూర్‌కు నివాళులు అర్పిస్తున్నారు. 

క్యాన్సర్‌ చికిత్స కోసం గత ఏడాది సెప్టెంబరులో న్యూయార్క్‌ వెళ్లిన బాలీవుడ్‌ పూర్వపు తరాల ఆరాధ్య కథానాయకుడు రిషి కపూర్‌ ఈ వినాయక చవితికి (సెప్టెంబరు 2) ముంబైలో ఉండేలా ప్రయాణ ఏర్పాట్లు చేసుకుంటున్నారు. ‘చికిత్స జరుగుతున్నంత కాలం నా భార్య నీతూ నాకు పెద్ద ఆలంబనగా నిలిచారు. కుటుంబ బాధ్యతలన్నీ మీద వేసుకుని అందరికీ అండగా నిలబడ్డారు. ఇండియా వెళ్లాక నాకెంతో ఇష్టమైన చేపల వేపుడు, మృదువైన చపాతీలను నీతూ చేత చేయించుకుని తింటాను. గణేశ్‌ పూజ కోసం, నా అభిమానులను చూడ్డం కోసం నా మనసు త్వరపడుతోంది’’ అని రిషి కపూర్‌ అమెరికాలోని ఇండియన్‌ మీడియాకు ఇచ్చిన ఇంటర్వ్యూలో తెలిపారు.

న్యూయార్క్‌ : ట్రీట్‌మెంట్‌లో భాగంగా తాను భారీగా బరువు తగ్గినట్లు బాలీవుడ్‌ నటుడు రిషి కపూర్‌ తెలిపాడు. గతేడాది క్యాన్సర్‌ బారిన పడిన రిషి కపూర్‌ ప్రస్తుతం న్యూయార్క్‌లో చికిత్స పొందుతున్న సంగతి తెలిసిందే. ఈ క్రమంలో తన ఆరోగ్యానికి సంబంధించిన విషయాలను ఎప్పటికప్పుడు సోషల్‌ మీడియాలో అభిమానులతో పంచుకుంటున్నాడు. తాజాగా ఓ వెబ్‌సైట్‌తో మాట్లాడుతూ..‘ తొమ్మిది నెలల క్రితం ఢిల్లీలో షూటింగ్‌ చేస్తున్నపుడు జట్టుకు రంగు వేసుకుంటున్న సమయంలో అస్వస్థతకు గురయ్యాను. దీంతో మూవీ యూనిట్‌ అప్పటికప్పుడు నన్ను దగ్గర్లో ఉన్న ఆస్పత్రికి తరలించారు. క్యాన్సర్‌ సోకినట్లు నిర్ధారణ అయ్యింది. ప్రాథమిక చికిత్స అనంతరం న్యూయార్క్‌ వచ్చాను. ట్రీట్‌మెంట్‌లో భాగంగా నాలుగు నెలలు దాదాపుగా పస్తులు ఉండాల్సి వచ్చింది. అలా 26 కిలోల బరువు తగ్గాను. ఇప్పుడు ఆరోగ్యం పూర్తిగా కుదుటపడింది. మళ్లీ 8 కిలోలు పెరిగాను. పూర్తిగా బక్కచిక్కి ఉండటం నాకు ఇష్టం ఉండదు. త్వరలోనే పూర్వపు  రూపానికి వస్తాను’ అని ఆశాభావం వ్యక్తం చేశాడు. ఇక కష్టకాలంలో తన భార్య నీతూ కపూర్‌, పిల్లలు రణ్‌బీర్‌, రిధిమ తనకు అండగా నిలిచారని రిషి కపూర్‌ పేర్కొన్నాడు. తాను ఇంత త్వరగా కోలుకోవడానికి కారణం వాళ్లేనన్నాడు. అయితే ఇంటిని విడిచి ఇంతకాలం విదేశంలో ఉండటం తనకు బాధగా ఉందని, ఇండియాను మిస్సవుతున్నట్లు తెలిపాడు. ఆగస్టు నాటికి పూర్తి స్థాయిలో కోలుకుని ముంబైకి వచ్చేస్తానని పేర్కొన్నాడు. కాగా రిషి కపూర్‌ నటించిన జూతా కహీ కా సినిమా విడుదలకు సిద్ధంగా ఉంది.

ఒకప్పుడు ప్రేమికులుగా ఉన్న బాలీవుడ్‌ రీల్‌ కపుల్‌ రణ్‌బీర్ కపూర్‌‌- దీపికా పదుకొనే ప్రస్తుతం స్నేహితులుగా కొనసాగుతున్న సంగతి తెలిసిందే. దీపికతో పాటు ఆమె భర్త రణ్‌వీర్‌ సింగ్‌ కూడా రణ్‌బీర్‌ ఇంటికి కూడా వెళ్లడం ద్వారా.. కపూర్‌ ఫ్యామిలితో అనుబంధం ఏర్పరచుకున్నాడు. కాగా రణ్‌బీర్‌ తండ్రి రిషి కపూర్‌ క్యాన్సర్‌తో బాధ పడుతున్న సంగతి తెలిసిందే. ప్రస్తుతం అతడు న్యూయార్క్‌లో చికిత్స పొందుతున్నాడు. ఈ క్రమంలో దీపికా రిషి కపూర్‌ను పరామర్శించింది. కపూర్‌ దంపతులను కలిసి కాసేపు వారితో ముచ్చటించింది. ఈ సందర్భంగా దీపికాకు బ్రేస్‌లెట్‌ గిఫ్ట్‌గా ఇచ్చిన రణ్‌బీర్‌ తల్లి నీతూ కపూర్‌.. ఆమెతో దిగిన ఫొటోలను ఇన్‌స్టాగ్రామ్‌లో షేర్‌ చేశారు. ‘దీపిక రాకతో మా సాయంత్రం ఎంతో ఆత్మీయంగా మారింది. మాపై ఎంతో ప్రేమను కురిపించింది’ అంటూ ఆమెపై ప్రశంసలు కురిపించారు. కాగా నీతూ పోస్ట్‌పై స్పందించిన దీపిక అభిమానులు.. ‘ కపూర్‌ ఫ్యామిలి సమయానికి తగ్గట్టుగా భలే నాటకాలు ఆడుతున్నారు. రణ్‌బీర్‌తో దీపిక ప్రేమలో ఉన్న సమయంలో ఆమెను ఎంతగా బాధపెట్టారో అందరికీ తెలుసు. కానీ ఇప్పుడు మాత్రం ఇలా ఎలా చేయగలుగుతున్నారు నీతూ కపూర్‌’ అంటూ ప్రశ్నిస్తున్నారు. అంతేగాక ‘దీపిక అందమైన మనస్సు ఉన్నది కాబట్టే తనను బాధ పెట్టిన వారిని కూడా పెద్ద మనస్సుతో క్షమించగలదు. దటీజ్‌ దీపికా’ అంటూ పద్మావత్‌పై ప్రశంసలు కురిపిస్తున్నారు. ఇక దీపికాకు బ్రేకప్‌ చెప్పిన తర్వాత కత్రినాతో ప్రేమలో పడ్డ రణ్‌బీర్‌ ఆమెతో కూడా తెగదెంపులు చేసుకుని.. ప్రస్తుతం అలియా భట్‌తో డేటింగ్‌ చేస్తున్న సంగతి తెలిసిందే. దీపికా కూడా తన సోల్‌మేట్‌ రణ్‌వీర్‌ సింగ్‌ను పెళ్లాడి వివాహ బంధంలోకి అడుగుపెట్టింది. ప్రస్తుతం ఈ మాజీ ప్రేమజంట ఓ సినిమాలో కలిసి నటిస్తున్నారు కూడా. View this post on Instagram Such a fun evening with adorable @deepikapadukone .. gave lot of love n warmth 😍🥰 A post shared by neetu Kapoor. Fightingfyt (@neetu54) on May 11, 2019 at 10:15pm PDT

బాలీవుడ్‌లో రణ్‌బీర్‌ కపూర్‌, అలియా భట్‌ల మధ్య  ప్రేమాయణం హాట్‌ టాఫిక్‌గా మారింది.  గత కొంతకాలంగా వీరిద్దరి బంధానికి సంబంధించి అనేక వార్తలు ప్రచారంలో ఉన్నాయి. ప్రస్తుతం రణ్‌బీర్‌ కుటుంబం అలియాను తమ కుటుంబంలో ఒకరిగా భావిస్తున్నట్టు తెలుస్తోంది. రణ్‌బీర్‌ తల్లి నీతూ కపూర్‌, సోదరి రిదిమాలతో అలియాకు సత్సబంధాలే ఉన్నాయి. తాజాగా శనివారం సాయంత్రం రణబీర్‌ కుటుంబంతో కలసి అలియా డిన్నర్‌కు వెళ్లింది. అలియా, రణబీర్‌లతో పాటు నీతూ కపూర్‌, రిదిమా, సమర(రిదిమా కూతురు) కూడా ఉన్నారు. ముంబైలోని సెయింట్‌ రెగిస్‌ హోటల్‌లో వీరు డిన్నర్‌కు హాజరైన ఫొటోలు ప్రస్తుతం సోషల్‌ మీడియాలో హల్‌చల్‌ చేస్తున్నాయి. ఇందులో అలియా సమరతో ముందు నడుస్తుండగా.. రణబీర్‌, నీతూ, రిదిమా వారి వెనుక ఉన్నారు.  కాగా.. రణ్‌బీర్‌ కపూర్‌ వీరి బంధాన్ని అంగీకరించిన సంగతి తెలిసిందే. తాము రిలేషన్‌షిప్‌లో ఉన్నాం.. ఇప్పుడు ఈ విషయం గురించి ఎక్కువగా మాట్లాడలనుకోవడం లేదని తెలిపారు. అలియా మాత్రం తన బిగ్గెస్ట్‌ క్రష్‌ రణ్‌బీర్‌ అని చెప్పినప్పటికీ నేరుగా తమ బంధం గురించి మాత్రం ఎటువంటి కామెంట్లు చేయలేదు. వీరిద్దరి మధ్య ప్రేమాయణం సీరియస్‌గానే సాగుతుందని బాలీవుడ్‌ వర్గాల సమాచారం. వీరిద్దరు తొలిసారి ‘బ్రహాస్త్ర’ చిత్రంలో కలసి నటిస్తున్నారు. ప్రస్తుతం ఈ చిత్రం మొదటి షెడ్యూల్‌ పూర్తి చేసుకుంది. ఈ సినిమా ప్రారంభం నుంచి వీరు ఎక్కడికెళ్లిన అదో వార్తగా మారుతోంది. దీంతో ప్రస్తుతం వీరి పెళ్లిపై అభిమానుల్లో జోరుగా చర్చ జరుగుతోంది. 

ముంబై : ఇన్నిరోజుల అభిమానుల ఎదురుచూపులకు సమాధానమిచ్చాడు రణ్‌బీర్‌ కపూర్‌..‘అవును నేను, అలియా ఇద్దరం రిలేషన్‌షిప్‌లో ఉన్నాం’అంటూ నిర్ధారించాడు. అయితే రణ్‌బీర్‌ కంటే ముందే రణ్‌బీర్‌ తల్లి నీతూ కపూర్‌ వీరద్దరి బంధం గురించి క్లూలు ఇస్తూనే ఉన్నారు. ఒకసారి అలియా భట్‌ ఇన్‌స్టాగ్రామ్‌ను చూస్తే ఈ విషయం అర్ధమవుతుంది. ఈ రోజు(గురువారం) అలియా తన ఇన్‌స్టాగ్రామ్‌లో ఒక ఫోటోను పోస్టు చేసింది. అలియా తన పిల్లితో ఆడుకుంటున్న ఈ ఫోటోకు నీతూ కపూర్‌ వావ్‌ అంటూ ‘హార్ట్‌ ఎమోజి’ని పోస్టు చేశారు. అందుకు అలియా ‘హాలో, ఘోస్ట్‌ ఎమోజీస్‌’ పోస్టు చేసింది. వీరిద్దరి సంభాషణ చూసిన ఒక అభిమాని ‘పెళ్లి కుదిరిందా’ అంటూ కామెంట్‌ చేశాడు. ఈ రోజనే కాదు మదర్స్‌ డే రోజున అలియా తన తల్లిని ఉద్ధేశిస్తూ చేసిన మెసేజ్‌కు కూడా నీతూ కపూర్‌ ఇలానే ‘హార్ట్‌ ఎమోజీ’ని పోస్టు చేస్తే అందుకు బదులుగా అలియా ‘కిస్సింగ్‌ ఎమోజీ’ని పోస్టు చేసింది. వీటన్నింటిని చూస్తే రణ్‌బీర్‌ కంటే ముందే నీతూ కపూర్‌ వీరి బంధం గురించి అభిమానులకు క్లూ ఇస్తూనే ఉన్నారని అర్ధమవుతుంది కదా. అలియా, రణ్‌బీర్‌ల బంధం గురించి చాలా రోజులుగా బీ టౌన్‌లో గుసగుసలు వినిపిస్తున్న నేపథ్యంలో స్వయంగా రణబీర్‌ కపూరే ‘మేమిద్దరం రిలేషన్‌లో ఉన్నాం’ అని ప్రకటించాడు. ఒక ప్రముఖ పత్రికకు ఇచ్చిన ఇంటర్వ్యూలో రణ్‌బీర్‌ ‘అవును మేమిద్దరం రిలేషన్‌లో ఉన్నాం...కానీ ఈ విషయం గురించి ఎక్కువగా మాట్లాడలనుకోవడం లేదు’ అన్నారు రణ్‌బీర్‌. అలియా గురించి అడగ్గా ‘మనిషిగా, నటిగా ఏది సరైనదో దాన్నే నిక్కచ్చిగా పాటించే వ్యక్తి అలియా. ప్రతి విషయంలో ఆమె నాకు ఆదర్శంగా నిలుస్తుంది’అన్నారు. ‘మా ప్రయాణం ఇప్పుడే ప్రారంభమైంది. మరికొంత దూరం కలిసి ప్రయాణిస్తే మా బంధం మరింత బలపడుతుంది’ అని చెప్పారు. ప్రేమలో పడటం ఎప్పడు ఆసక్తిగానే ఉంటుంది. కొత్త మనిషి.. కొత్త ఆలోచనలు.. పాత విషయాలనే మరోసారి కొత్తగా చేస్తుంటామని అన్నారు. అలానే ఇప్పుడు తాను చాలా మారానని, బంధాలకు చాలా విలువ ఇస్తానని అన్నారు. ప్రస్తుతం వీరిద్దరూ అయన్‌ ముఖర్జీ దర్శకత్వంలో వస్తున్న ‘బ్రహ్మస్త్ర’ చిత్రంలో జంటగా నటిస్తున్నారు.


 ముద్దొచ్చే బొద్దు బుగ్గలతో.. ఫొటో పోజివ్వడం కన్నా చేతిలోనే లడ్డూపైనే మక్కువ చూపిస్తున్న ఈ బుజ్జాయి ఎవరో తెలుసా? బాలం పిచికారీ.. తునే ముజే మారీ.. అంటూ 'హే జవానీ హై దివానీ' సినిమాలో హోలీ పాటతో అలరించిన రణ్‌బీర్‌ కపూర్‌ తెలుసు కదా. అతనే ఈ బుజ్జాయి. హోలీ సందర్భంగా అతని చిన్నప్పుడు తీసిన ఫొటో ఇది.
 
 మరోసారి దేశమంతా రంగుల్లో తడిసి ముద్దవుతున్న నేపథ్యంలో ఈ అరుదైన హోలీ ఫొటోను రణ్‌బీర్‌ తల్లి నీతూ కపూర్‌ తాజాగా ఇన్‌స్టాగ్రామ్‌లో షేర్‌ చేసింది. రణ్‌బీర్‌ అభిమానులను ఈ ఫొటో ఆకట్టుకుంటూ ఆన్‌లైన్‌లో హల్‌చల్‌ చేస్తోంది.
 
 
 
  
 
 
 Happy n SAFE Holi !!!
 


 రిలేషణం  - మదర్స్ డే స్పెషల్
  
  ఓ తల్లి ప్రేమించినంతగా ఏ వ్యక్తీ మనల్ని ప్రేమించరు. తల్లి మాదిరిగా తన జీవితాన్ని మనకోసం ఎవరూ అంకితం చేయరు. తల్లిలాగా ఎవరూ త్యాగాలు చేయరు. అందుకే అమ్మ స్థానం ఎప్పుడూ అమ్మదే. అటువంటి అమ్మ కోసం ఏం చేయడానికైనా సిద్ధం అంటాడు రణబీర్ కపూర్. కొడుకు తోడిదే ప్రపంచం అంటారు రణబీర్ తల్లి నీతూ కపూర్. ఈ తల్లీకొడుకుల అనురాగ మధురిమలు... మదర్స్‌డే సందర్భంగా...
  
  చాలామంది నన్నడుగుతూ ఉంటారు... మీ అమ్మ చాలా స్ట్రిక్ట్‌గా ఉంటారట కదా అని. అది అడగాల్సినంత పెద్ద విషయమా? పిల్లల మంచి కోసం కొన్నిసార్లు తల్లిదండ్రులు స్ట్రిక్ట్‌గానే ఉంటారు. అలానే అమ్మ కూడా. కానీ వాళ్లంతా అనుకునేంత మాత్రం కాదు. తను అలా కనిపిస్తుంది కానీ చాలా కూల్‌గా ఉంటుంది. సరదాగా ఉంటుంది. కబుర్లు చెబుతుంది. నవ్వుతుంది, నవ్విస్తుంది. నాతో షికార్లకు వస్తుంది. అన్నీ చేస్తుంది. అలా ఉండు ఇలా ఉండు అని చెబుతుందే తప్ప తన అభిప్రాయాలను నామీద రుద్దదు. అది తెలియక తను ప్రతిక్షణం నా చేయిపట్టుకుని నడిపిస్తుందని, రూల్స్ పెడుతుందని అనుకుంటూ ఉంటారు.
  
  అమ్మను మించిన ఇంపార్టెంట్ వ్యక్తి ఎవ్వరూ నా జీవితంలో లేరు. తనకే నా మొదటి ప్రాధాన్యత. రేపు నా భార్యకి కూడా అదే చెప్తాను. అలా అంటే అమ్మ నవ్వుతూ ఉంటుంది. తనకి ఓపికి చాలా ఎక్కువ. చిన్నప్పుడు చాలా విసిగించేవాడినట. కానీ తను పెద్దగా ఎప్పుడూ కొట్టిన జ్ఞాపకం లేదు నాకు. మరీ అల్లరి చేస్తే తప్ప దెబ్బ వేసేది కాదు. సీరియస్‌గా చూసేది. క్షణాల్లో కూల్ అయిపోయి నవ్వేసేది. ఇప్పటికీ తనలో అదే ఓపిక. నా గురించి ఎవరైనా నెగిటివ్‌గా మాట్లాడినా చాలా నిబ్బరంగా సమాధానం చెబుతుంది.
  
  నాకు ఏ అమ్మాయితో లింకుపెట్టి మాట్లాడినా, వార్తలు రాసినా నేనయినా కాస్త రియాక్టవుతాను గానీ తను పెద్ద పట్టించుకోదు. ఎవరైనా నిలదీసి అడిగినా కూడా నా కొడుకు గురించి నాకు తెలుసు అంటుంది తప్ప ఇలా ఎందుకు రాశారు అని ఎదురు ప్రశ్నించదు. అలా ఉండటం ఎలా సాధ్యమవుతుందో అర్థం కాదు.
  అమ్మలో నాకు అన్నిటికంటే నచ్చేది... అవతలి వారికి ఏం కావాలో వాళ్లు అడక్కుండానే అర్థం చేసుకోవడం. మనం ఏదైనా అడుగుదామనుకుంటే తనకి ఎలా తెలిసిపోతుందో ఏమో, ముందే అది రెడీ చేసేస్తుంది. ఎంతసేపూ నాన్న, అక్క, నేనే ప్రపంచం అన్నట్టు ఉంటుంది. ఒకప్పుడు తాను హీరోయిన్‌ని అన్న విషయం తను మర్చిపోయిందేమో అనిపిస్తుంది నాకు. తన సినిమాలు చూసి నేను ఏదైనా కామెంట్ చేస్తే నవ్వేస్తూ ఉంటుంది. దేన్ని ఎలా తీసుకోవాలో తనకి బాగా తెలుసు. రాగద్వేషాలకు అతీతంగా ఉంటుంది తను. అందుకే... మా అమ్మ స్పెషల్. మా అమ్మ గ్రేట్. నా వరకూ మా అమ్మ ఈ ప్రపంచంలోనే బెస్ట్ అమ్మ!
  
  
  
  తనకి స్వార్థమెక్కువ - నీతూకపూర్
 
  రణబీర్ నా విషయంలో చాలా స్వార్థంగా ఉంటాడు. నా ప్రేమ తనకొక్కడికే సొంతం కావాలి అన్నట్టుగా ప్రవర్తిస్తుంటాడు. చిన్నప్పుడయితే... ‘నీకు నేనంటే ఇష్టమా, అక్కంటే ఇష్టమా’ అని అడిగేవాడు. తనని ఏడిపించడానికి ‘అక్కంటేనే ఎక్కువ ఇష్టం’ అనేదాన్ని. నువ్వంటేనే ఇష్టం అని చెప్పేవరకూ వదిలేవాడు కాదు. చాలా అల్లరోడు. వాళ్ల టీచర్లు బోలెడన్ని కంప్లయింట్లు ఇచ్చేవారు. ఓసారి పాఠం వినట్లేదని క్లాసు నుంచి బయటకు పంపేశారు. క్లాసయ్యాక వీడు కనిపించలేదట.
  
  కంగారుపడి వెతికితే... ఒకచోట పిల్లితో ఆడుకుంటూ కనిపించాడట. అమెరికా వెళ్లినప్పుడుఏం జరుగుతుందో చూద్దామని ఫైర్ అలారం మోగించాడు. పోలీసులు వచ్చి ఫుల్లుగా క్లాస్ తీసుకున్నారు. ఓసారి పని మనిషిని స్విమ్మింగ్ పూల్లోకి తోసేశాడు. ఎందుకలా చేశావని అడిగితే... ‘ఈత రాదు కదా, ఎలా బయటకు వస్తుందో చూద్దామని’ అన్నాడు కూల్‌గా. మేం సమయానికి చూశాం కాబట్టి సరిపోయింది. ఇప్పుడు చాలా సెలైంట్‌గా ఉంటున్నాడు. నా దగ్గర మాత్రం బాగా మారాం చేస్తాడు. అప్పుడు చిన్న పిల్లాడిలా కనిపిస్తాడు. అయినా... బిడ్డ ఎంత ఎదిగినా తల్లికి చంటిపిల్లాడేగా!


 'నేను ఎవ్వరికి భయపడను' అని బాలీవుడ్ నటుడు రణబీర్ కపూర్ అన్నాడు. ఒకవేళ భయపడాల్సి వస్తే తన తండ్రికి తప్ప ఎవరికి భయపడను అని అన్నాడు. అంతేకాక ఎవరైనా టాప్ డైరెక్టర్లు తనతో పనిచేయమంటే భయం కలుగుతుంది అని అన్నాడు. భవిష్యత్ లో ఇంతియాజ్ ఆలీ, అనురాగ్ బసు లాంటి డైరెక్టర్లు పనిచేయనంటే భయం కలుగుతుంది అని అన్నాడు. ఇటీవల వార్తా ఏజెన్సీకిచ్చిన ఇంటర్వ్యూలో మాట్లాడుతూ.. ఎప్పడు విజయాన్ని తలకు ఎక్కించుకోను అని అన్నాడు. ఇప్పటికి తాను తన తండ్రి కళ్లలోకి చూసి మాట్లాడలేను అని.. తన తండ్రి అంటే భయంతోపాటు భక్తికూడా ఉందని.. బేషరమ్ చిత్రంలో తన తల్లితండ్రులు రిషి కపూర్, నీతూ కపూర్ లతో కలిసి నటిస్తున్నాడు. తన తండ్రితో కలిసి పనిచేయడం ఓ పక్క ఆనందంగా, భయంగాను ఉందన్నాడు. యే జవానీ హై దివానీ చిత్రంతో హిట్ సాధించిన రణబీర్ బేషరమ్ చిత్రంతో మరోసారి అక్టోబర్ 2న ప్రేక్షకుల ముందుకు వస్తున్నాడు.