Lhuan-Dre Pretorius

టీమిండియా చిచ్చరపిడుగు వైభవ్‌ సూర్యవంశీ​కి షాక్‌ తగిలింది. ఐసీసీ తాజాగా విడుదల చేసిన టీ20 ర్యాంకింగ్స్‌లో అతడు రెండు స్థానాలు కోల్పోయి 49వ స్థానానికి పడిపోయాడు. ఇదే సమయంలో అతడి ఐపీఎల్‌ జట్టు (రాజస్థాన్‌ రాయల్స్‌) సహచరుడు, దక్షిణాఫ్రికా యువ ఓపెనర్ లుహాన్ డ్రి ప్రిటోరియస్ ఏకంగా 61 స్థానాలు మెరుగుపర్చుకొని 44 స్థానానికి ఎగబాకాడు.ఇటీవల ముగిసిన నమీబియా ట్రై-సిరీస్‌లో ప్రిటోరియస్ ఆకాశమే హద్దుగా చెలరేగాడు. నాలుగు మ్యాచ్‌ల్లో 56.50 సగటుతో, 179.37 స్ట్రైక్‌రేట్‌తో 226 పరుగులు చేశాడు. ఇందులో ఓ సెంచరీ కూడా ఉంది. ప్రిటోరియస్‌ మెరుపుల కారణంగా సౌతాఫ్రికా ట్రోఫీని కైవసం చేసుకుంది.భారీ జంప్‌ కొట్టిన మరో సౌతాఫ్రికన్‌ప్రిటోరియస్‌తో పాటు నమీబియా ట్రై సిరీస్‌లో చెలరేగిన మరో దక్షిణాఫ్రికా ఆటగాడు కానర్‌ ఎస్టర్‌హుయిజన్ కూడా ర్యాంకింగ్స్‌లో భారీ జంప్‌ కొట్టాడు. ఈ సిరీస్‌లో 126 పరుగులు చేసిన అతడు, ఏకంగా 65 స్థానాలు ఎగబాకి 25వ ర్యాంక్‌కు చేరుకున్నాడు. అతని కెరీర్‌లో ఇదే అత్యుత్తమ ర్యాంక్.కాగా, టీమిండియా పాకెట్‌ డైనమైట్‌ ఇషాన్‌ కిషన్‌ తన టీ20 టాప్‌ ర్యాంక్‌ను నిలబెట్టుకున్నాడు. పాక్‌ ఆటగాడు సాహిబ్‌జాదా ఫర్హాన్‌, టీమిండియా విధ్వంసకర ఓపెనర్‌ అభిషేక్‌ శర్మ కూడా తమ రెండు, మూడు స్థానాలను కాపాడుకున్నారు. మరో టీమిండియా ప్లేయర్‌ తిలక్‌ వర్మ ఏడో స్థానంలో కొనసాగుతున్నాడు.బౌలర్ల విభాగంలో రషీద్‌ ఖాన్‌ టాప్‌ ప్లేస్‌లో కొనసాగుతుండగా.. భారత్‌ తరఫున వరుణ్‌ చక్రవర్తి అత్యుత్తమంగా ఏడో స్థానంలో కొనసాగుతున్నాడు. ఆల్‌రౌండర్ల విభాగంలో జింబాబ్వే ఆటగాడు సికందర్‌ రజా టాప్‌ ప్లేస్‌ను నిలబెట్టుకున్నాడు. చదవండి: 300 పరుగులు పూర్తి చేసిన ఇషాన్‌ కిషన్‌

నమీబియాతో మూడు మ్యాచ్‌ల వన్డే సిరీస్‌కు ముందు సౌతాఫ్రికా జట్టుకు గట్టి ఎదురుదెబ్బ తగిలింది. యువ ఆటగాళ్లు లుహాన్ డ్రి ప్రిటోరియస్, ఆండిలే సిమెలేన్ గాయాల కారణంగా సిరీస్‌ మొత్తానికి దూరమయ్యారు. దీంతో క్రికెట్ సౌతాఫ్రికా వీరికి ప్రత్యామ్నాయాలను ప్రకటించింది.ప్రిటోరియస్ స్థానంలో కార్బిన్ బోష్, సిమెలేన్ స్థానంలో మ్యాథ్యూ బ్రీట్జ్‌కే జట్టులోకి వచ్చారు. నమీబియా, దక్షిణాఫ్రికా మధ్య మూడు వన్డేల సిరీస్ సెప్టెంబర్ 9 నుంచి విండ్‌హోక్‌లో (నమీబియా) ప్రారంభం కానుంది.చిచ్చరపిడుగు ఔట్నమీబియా సిరీస్‌కు ప్రిటోరియస్‌ లాంటి చిచ్చరపిడుగు దూరం కావడం సౌతాఫ్రికాకు భారీ ఎదురుదెబ్బగా భావిస్తున్నారు. తాజాగా నమీబియాలోనే జరిగిన టీ20 ట్రై-సిరీస్‌లో అతను అద్భుతంగా రాణించాడు. 179.37 స్ట్రైక్‌రేట్‌తో 226 పరుగులు చేసి టోర్నీలో లీడింగ్‌ రన్‌ స్కోరర్‌గా నిలిచాడు. నమీబియాపై అతడు ఓ సెంచరీ కూడా సాధించాడు.కాగా, రెగ్యులర్ కెప్టెన్లు ఎయిడెన్ మార్క్రమ్, టెంబా బవుమా నమీబియా సిరీస్‌కు అందుబాటులో లేకపోవడంతో బ్జోర్న్ ఫోర్టుయిన్ జట్టుకు నాయకత్వం వహించనున్నాడు.సిరీస్ షెడ్యూల్సెప్టెంబర్ 9: తొలి వన్డేసెప్టెంబర్ 11: రెండో వన్డేసెప్టెంబర్ 13: మూడో వన్డేచదవండి: ఆ ఒక్కటి జింబాబ్వే కొంపముంచింది; ట్రై సిరీస్ విజేత సౌతాఫ్రికా

స్వదేశంలో జరుగుతున్న ముక్కోణపు టీ20 సిరీస్‌లో నమీబియా అద్భుత ప్రదర్శనలతో అలరించింది. ఈ టోర్నీ తొలి మ్యాచ్‌లో పటిష్టమైన సౌతాఫ్రికాకు ఊహించని షాకిచ్చిన ఆ జట్టు.. ఇవాళ జరిగిన తమ చివరి మ్యాచ్‌లో ప్రొటీస్‌ను మరోసారి ఓడించినంత పని చేసింది.ఆ జట్టు నిర్దేశించిన 229 పరుగుల భారీ లక్ష్య ఛేదనలో నమీబియా బ్యాటర్లు వీరోచితంగా పోరాడారు. లక్ష్యానికి అతి సమీపంగా వచ్చి, తృటిలో (11 పరుగుల తేడాతో) ఓటమిపాలయ్యారు. నిర్ణీత ఓవర్లలో ఆ జట్టు కేవలం మూడే వికెట్లు కోల్పోయి 217 పరుగులు చేసింది. ఓ దశలో సౌతాఫ్రికాకు మరో పరాభవం తప్పదని అంతా భావించారు.నమీబియా బ్యాటర్లు చేయాల్సిందంతా చేసినప్పటికీ, లక్ష్యం మరీ పెద్దది కావడంతో ఛేదించలేకపోయారు. ఓపెనర్లు స్టీన్‌కంప్‌ (61 రిటైర్డ్‌ హర్ట్‌), జాన్‌ ఫ్రైలింక్‌ (72) మెరుపు అర్ద సెంచరీలతో అలరించినప్పటికీ.. ప్రయోజనం లేకుండా పోయింది. కెప్టెన్‌ ఎరాస్మస్‌ (30 నాటౌట్‌), ట్రంపల్‌మన్‌ (21) ఓటమి ఖాయమైనా చివరి వరకు పోరాడారు.ఈ ఓటమితో నమీబియా టోర్నీ నుంచి నిష్క్రమించగా.. సౌతాఫ్రికాతో పాటు జింబాబ్వే ఫైనల్‌కు అర్హత సాధించాయి. సెప్టెంబర్‌ 6న జరిగే తుది పోరులో ఈ రెండు జట్లు అమీతుమీ తేల్చుకుంటాయి.ప్రిటోరియస్ విధ్వంసక‌ర సెంచ‌రీఅంతకుముందు ప్రిటోరియస్‌ విధ్వంసకర సెంచరీతో (53 బంతుల్లో 101; 5 ఫోర్లు, 8 సిక్సర్లు) విరుచుకుపడటంతో సౌతాఫ్రికా భారీ స్కోర్‌ చేసింది. ప్రిటోరియస్‌కు మరో ఓపెనర్‌ కానర్ ఎస్టర్‌హుయిజెన్(40 బంతుల్లో 6 ఫోర్లు, 8 సిక్స్‌లతో 88) తోడయ్యాడు. బ్రెవిస్‌ (3) నిరాశపర్చగా.. రూబిన్‌ హెర్మన్‌ 26 పరుగులతో పర్వాలేదనిపించాడు.చదవండి: సౌతాఫ్రికా ఓపెనర్‌ విధ్వంసకర సెంచరీ.. 5 ఫోర్లు, 8 సిక్స్‌లతో

ట్రై సిరీస్‌లో భాగంగా సౌతాఫ్రికా వ‌రుస విజ‌యాలతో దూకుడు ప్ర‌ద‌ర్శిస్తోంది. తాజాగా విండ్‌హ‌క్ వేదిక‌గా మంగ‌ళ‌వారం జింబాబ్వేతో జరిగిన టీ20 మ్యాచ్‌లో ద‌క్షిణాఫ్రికా 43 ప‌రుగుల తేడాతో విజ‌యాన్ని అందుకుంది. తొలుత బ్యాటింగ్ చేసిన సౌతాఫ్రికా 20 ఓవ‌ర్ల‌లో 7 వికెట్ల న‌ష్టానికి 185 ప‌రుగులు చేసింది. ఓపెన‌ర్ లుహాన్ ప్రిటోరియ‌స్ (51 బంతుల్లో 94; 12 ఫోర్లు, 3 సిక్స‌ర్లు) విధ్వంసం సృష్టించగా, డెవాల్డ్ బ్రెవిస్ (41) మూడో మ్యాచ్‌లోనూ అద‌ర‌గొట్టాడు. జోర్డాన్ హెర్మ‌న్ (28) ప‌ర్వాలేద‌నిపించాడు. జింబాబ్వే బౌల‌ర్ల‌లో వెస్లే మ‌ధ‌వెరె 3 వికెట్లు తీయ‌గా, బ్రాడ్ ఎవ‌న్స్ రెండు వికెట్లు ప‌డ‌గొట్టాడు. అనంత‌రం బ్యాటింగ్ చేసిన జింబాబ్వే 17.4 ఓవ‌ర్ల‌లో 142 ప‌రుగుల‌కు ఆలౌటైంది. కెప్టెన్ సికంద‌ర్ ర‌జా (45) టాప్ స్కోర‌ర్‌గా నిల‌వ‌గా, ఇన్నోసెంట్ కాయా (18), నైమూరి (27) ప‌ర్వాలేద‌నిపించారు. సౌతాఫ్రికా బౌల‌ర్ల‌లో జోర్న్ ఫోర్టున్ 4 వికెట్లు తీయ‌గా, డాన్ జాస‌న్ 3 వికెట్లు ప‌డ‌గొట్టాడు. సౌతాఫ్రికా ఆడిన మూడు మ్యాచ్‌ల్లో రెండింట గెలిచి ప‌ట్టిక‌లో టాప్‌లో ఉండ‌గా, జింబాబ్వే మూడింటిలో రెండు ఓడి మూడో స్థానంలో ఉంది. ఇక న‌మీబియా 2 మ్యాచ్‌ల్లో ఒక గెలుపు, ఒక ఓట‌మితో రెండో స్థానంలో ఉంది.South Africa make it two wins over Zimbabwe in three days, cruising to a 43-run win in Windhoek.Lhuan-dre Pretorius smashed a career-best 94 👏 pic.twitter.com/lxcsc2Idpb— Cricbuzz (@cricbuzz) September 1, 2026Read: మెస్సీ ‍కంటతడి బాధ కలిగించింది: క్రిస్టియానో రొనాల్డో

మేజర్ లీగ్ క్రికెట్ (ఎంఎల్‌సీ) 2026లో సౌతాఫ్రికా చిచ్చరపిడుగు, శాన్‌ఫ్రాన్సిస్కో యూనికార్న్స్ ఓపెనర్ లుహాన్-డ్రే ప్రిటోరియస్ అద్భుత సెంచరీతో ఇరగదీశాడు. ఎంఐ న్యూయార్క్‌తో జరిగిన మ్యాచ్‌లో అరువు తీసుకున్న బ్యాట్‌తో బరిలోకి దిగి, కేవలం 52 బంతుల్లో 10 ఫోర్లు, 5 సిక్సర్ల సాయంతో అజేయమైన 102 పరుగులు చేసి తన కెరీర్‌లో తొలి టీ20 శతకాన్ని నమోదు చేశాడు. అతడి మెరుపు ఇన్నింగ్స్‌తో యూనికార్న్స్ 9 వికెట్ల తేడాతో సునాయాస విజయాన్ని అందుకుంది.ముందుగా బ్యాటింగ్ చేసిన ఎంఐ న్యూయార్క్ 20 ఓవర్లలో 9 వికెట్లకు 143 పరుగులు చేసింది. ఓపెనర్ ర్యాన్ రికెల్టన్ 21 బంతుల్లో 35 పరుగులతో టాప్ స్కోరర్‌గా నిలిచాడు. సన్నీ పటేల్ 32 పరుగులతో పోరాడాడు. మ్యాట్ షార్ట్ తన ఆఫ్‌స్పిన్‌తో ప్రత్యర్థి టాపార్డర్‌ను దెబ్బతీశాడు. అతడు 3 వికెట్లు పడగొట్టగా, ఆరోన్ హార్డీ రెండు వికెట్లు తీశాడు. 144 పరుగుల లక్ష్యంతో బరిలోకి దిగిన యూనికార్న్స్‌కు ప్రిటోరియస్ మెరుపు ఆరంభం ఇచ్చాడు. ట్రెంట్ బౌల్ట్ బౌలింగ్‌లో తొలి ఓవర్‌లోనే రెండు ఫోర్లు, ఒక సిక్సర్‌తో ఎదురుదాడి ప్రారంభించాడు. అనంతరం మరోసారి బౌల్ట్‌పై వరుసగా మూడు ఫోర్లు బాదుతూ తన ఆధిపత్యాన్ని కొనసాగించాడు.ప్రిటోరియస్ ఇన్నింగ్స్‌లో మరో విశేషం కూడా ఉంది. మ్యాచ్ అనంతరం అతడు మాట్లాడుతూ, తన ఓపెనింగ్ భాగస్వామి ఫిన్ అలెన్ బ్యాట్‌ను అరువు తీసుకుని ఆడినట్లు వెల్లడించాడు. అదే బ్యాట్‌తో తన తొలి టీ20 సెంచరీ సాధించడం విశేషంగా మారింది.ప్రిటోరియస్ అద్భుత బ్యాటింగ్‌తో శాన్‌ఫ్రాన్సిస్కో యూనికార్న్స్ కేవలం ఒక వికెట్ మాత్రమే కోల్పోయి, ఇంకా 26 బంతులు మిగిలి ఉండగానే 9 వికెట్ల తేడాతో ఘన విజయం సాధించింది.ఈ సెంచరీతో ప్రిటోరియస్ ఎంఎల్‌సీ 2026లో తన అద్భుత ఫామ్‌ను మరోసారి చాటుకున్నాడు. టోర్నీ మొత్తం మీద నిలకడైన ప్రదర్శన కనబరుస్తూ లీడింగ్‌ రన్‌ స్కోరర్‌గా అవతరించాడు. ఈ టోర్నీలో అతడు ఇప్పటివరకు ఆడిన 8 మ్యాచ్‌ల్లో 182.02 స్ట్రయిక్‌రేట్‌తో ఓ సెంచరీ, 4 అర్ద సెంచరీల సాయంతో 415 పరుగులు చేశాడు.

మేజర్‌ లీగ్‌ క్రికెట్‌లో సౌతాఫ్రికా విధ్వంసకర వికెట్‌ కీపర్‌ బ్యాటర్‌ లువాన్‌ డ్రే ప్రిటోరియస్‌ చెలరేగిపోతున్నాడు. వరుసగా రెండో మ్యాచ్‌లో విధ్వంసం సృష్టించి తన జట్టును (శాన్‌ ఫ్రాన్సిస్కో యూనికార్న్స్‌) గెలిపించాడు. ఓక్‌లాండ్‌ వేదికగా వాషింగ్టన్‌ ఫ్రీడంతో జరిగిన మ్యాచ్‌లో ఆకాశమే హద్దుగా చెలరేగాడు.కేవలం 26 బంతుల్లో 3 ఫోర్లు, 7 సిక్సర్ల సాయంతో 66 పరుగులు చేశాడు. ఫలితంగా 191 పరుగుల భారీ లక్ష్యాన్ని యూనికార్న్స్‌ మరో 29 బంతులు మిగిలుండగానే ఛేదించింది. ప్రిటోరియస్‌కు జతగా మరో ఓపెనర్‌ ఫిన్‌ అలెన్‌ (18 బంతుల్లో 45; 4 ఫోర్లు, 4 సిక్సర్లు), మాథ్యూ షార్ట్‌ (34 నాటౌట్‌), ఆరోన్‌ హార్డీ (42 నాటౌట్‌) కూడా చెలరేగారు. ఫ్రీడం బౌలర్లలో నిఖిల్‌ చౌదరి (4-0-29-1) మినహా అందరూ ధారాళంగా పరుగులు సమర్పించుకున్నారు.అంతకుముందు ఫ్రీడం జట్టు నిర్ణీత 20 ఓవర్లలో 4 వికెట్ల నష్టానికి 190 పరుగులు చేసింది. ఆండ్రియస్‌ గౌస్‌ (83 నాటౌట్‌) అజేయ అర్ద సెంచరతో విరుచుకుపడ్డాడు. మిచెల్‌ ఓవెన్‌ (39), నిఖిల్‌ చౌదరి (32 నాటౌట్‌) విధ్వంసకర ఇన్నింగ్స్‌లతో పర్వాలేదనిపించారు. స్టీవ్‌ స్మిత్‌ (3), చాప్‌మన్‌ (17) నిరాశపరిచారు. యూనికార్న్స్‌ బౌలర్లలో షార్ట్‌, బ్రాడీ కౌచ్‌,, హరీస్‌ రౌఫ్‌, గులామ్‌ ముద్దస్సర్‌ తలో వికెట్‌ తీశారు.ఓర్కాస్‌పైనా విధ్వంసంప్రిటోరియస్‌ సియాటిల్‌ ఓర్కాస్‌తో జరిగిన గత మ్యాచ్‌లోనూ ఇదే తరహా విధ్వంసం సృష్టించాడు. 39 బంతుల్లో 9 ఫోర్లు, 6 సిక్సర్ల సాయంతో 87 పరుగులు చేసి సెంచరీ మిస్‌ చేసుకున్నాడు. ఆ మ్యాచ్‌లోనూ ప్రిటోరియస్‌ మెరుపు ఇన్నింగ్స్‌ కారణంగానే యూనికార్న్స్‌ భారీ లక్ష్యాన్ని పెద్దగా కష్టపడకుండానే ఊదేసింది.

రాజ్‌కోట్‌ వేదికగా సౌతాఫ్రికా-ఏతో ఇవాళ (నవంబర్‌ 19) జరిగిన మూడో వన్డేలో భారత-ఏ జట్టుకు భంగపాటు ఎదురైంది. ఈ మ్యాచ్‌లో భారత యువ జట్టు బౌలింగ్‌, బ్యాటింగ్‌ విభాగాల్లో దారుణంగా విఫలమైంది. ఫలితంగా పర్యాటకుల చేతిలో 73 పరుగుల తేడాతో పరాజయంపాలైంది. ఇది వరకే సిరీస్‌ కోల్పోయిన సౌతాఫ్రికాకు ఇది కంటితుడుపు విజయం. మూడు మ్యాచ్‌ల ఈ సిరీస్‌లో భారత్‌ తొలి రెండు వన్డేలు గెలిచి సిరీస్‌ను కైవసం చేసుకుంది.ఓపెనర్ల శతకాలుటాస్‌ ఓడి భారత్‌ ఆహ్వానం మేరకు తొలుత బ్యాటింగ్‌ చేసిన సౌతాఫ్రికా భారీ స్కోర్‌ (325/6) చేసింది. ఓపెనర్లు లూహాన్‌ డ్రి ప్రిటోరియస్‌ (123), రివాల్లో మూన్‌సామి (107) అద్బుత శతకాలు సాధించారు. వీరిద్దరు ఔటయ్యాక సౌతాఫ్రికా స్కోర్‌ నెమ్మదించింది. ఆతర్వాత వచ్చిన రుబిన్‌ హెర్మన్‌ (11), క్వెషైల్‌ (1), కెప్టెన్‌ ఆకెర్‌మన్‌ (16), డియాన్‌ ఫార్రెస్టర్‌ (20) తక్కువ స్కోర్లకే ఔటయ్యారు. వీరంతా కూడా రాణించి ఉంటే సౌతాఫ్రికా ఇంకాస్త భారీ స్కోర్‌ చేసేది. ఆఖర్లో డెలానో పాట్‌గెటర్‌ (30 నాటౌట్‌) సుడిగాలి ఇన్నింగ్స్‌ ఆడి సౌతాఫ్రికా స్కోర్‌ను 300 మార్కు దాటించాడు. ఈ మ్యాచ్‌లో భారత బౌలర్లు ధారాళంగా పరుగులు సమర్పించుకున్నారు. ముఖ్యంగా ఖలీల్‌ అహ్మద్‌ 10 ఓవర్లలో 82 పరుగులిచ్చాడు (2 వికెట్లు). హర్షిత్‌ రాణా (10-1-47-2), ప్రసిద్ద్‌ కృష్ణ (10-0-52-2) సౌతాఫ్రికా బ్యాటర్లను కాస్త నిలువరించగలిగారు.టాపార్డర్‌ వైఫల్యం326 పరుగుల భారీ లక్ష్య ఛేదనకు దిగిన భారత్‌ ఆది నుంచే క్రమం తప్పకుండా వికెట్లు కోల్పోయింది. ఇన్‌ ఫామ్‌ బ్యాటర్‌ రుతురాజ్‌ గైక్వాడ్‌ (25) సహా టాపార్డర్‌ అంతా దారుణంగా విఫలమైంది. విధ్వంసకర బ్యాటర్‌ అభిషేక్‌ శర్మ, కెప్టెన్‌ తిలక్‌ వర్మ తలో 11, రియాన్‌ పరాగ్‌ 17 పరుగులు చేసి ఔటయ్యారు. ఆతర్వాత ఇషాన్‌ కిషన్‌ (53), ఆయుశ్‌ బదోని (66) కాసేపు పోరాడారు. అయితే అప్పటికే భారత ఓటమి ఖరారైపోయింది. నకాబా పీటర్‌ (10-0-48-4), మొరేకి (9.1-0-58-3), ఫోర్టుయిన్‌ (10-0-48-2) అద్భుతంగా బౌలింగ్‌ చేసి భారత్‌ను 252 పరుగులకే కట్టడి చేశారు. చదవండి: 'మరో' చరిత్రకు అడుగు దూరంలో బంగ్లాదేశ్‌ దిగ్గజం

జింబాబ్వేతో తొలి టెస్టు (ZIM vs SA 1st Test)లో సౌతాఫ్రికా ఘన విజయం సాధించింది. ఆతిథ్య జట్టును ఏకంగా 328 పరుగుల భారీ తేడాతో ఓడించి జయభేరి మోగించింది. కీలక ఆటగాళ్లు జట్టుతో లేకపోయినా ప్రొటిస్‌ జట్టు ఆద్యంత ఆధిపత్యం కనబరిచి రెండు మ్యాచ్‌ల సిరీస్‌లో 1-0తో ముందంజ వేసింది.అరంగేట్రంలోనే సత్తా చాటిన చిచ్చరపిడుగులుప్రపంచ టెస్టు చాంపియన్‌షిప్‌ (WTC)-2025 ఫైనల్‌ గెలిచిన తర్వాత సౌతాఫ్రికా.. తొలుత జింబాబ్వే పర్యటనకు వెళ్లింది. ఆతిథ్య జట్టుతో రెండు టెస్టులు ఆడనుంది. రెగ్యులర్‌ కెప్టెన్‌ టెంబా బవుమా (Temba Bavuma)తో పాటు ఐడెన్‌ మార్క్రమ్‌ వంటి కీలక ఆటగాళ్లు ఈ టూర్‌కు దూరం కాగా.. కేశవ్‌ మహరాజ్‌ సారథ్యంలో లువాన్‌-డ్రి ప్రిటోరియస్‌, డెవాల్డ్‌ బ్రెవిస్‌ టెస్టులలో అరంగేట్రం చేశారు.ఇక బులవాయో వేదికగా జూన్‌ 28న మొదలైన తొలి టెస్టులో టాస్‌ గెలిచిన పర్యాటక సౌతాఫ్రికా తొలుత బ్యాటింగ్‌ చేసింది. టాపార్డర్‌ విఫలమైనప్పటికీ టీనేజర్లు లువాన్‌-డ్రి ప్రిటోరియస్‌, డెవాల్డ్‌ బ్రెవిస్‌ అదరొట్టారు. ప్రిటోరియస్‌ భారీ శతకం (153) బాదగా.. బ్రెవిస్‌ (41 బంతుల్లో 51) మెరుపు హాఫ్‌ సెంచరీ చేశాడు.వీరిద్దరికి తోడు పేస్‌ బౌలింగ్‌ ఆల్‌రౌండర్‌ కార్బిన్‌ బాష్‌ శతకం (100 నాటౌట్‌)తో చెలరేగాడు. ఈ క్రమంలో తొలి ఇన్నింగ్స్‌లో తొమ్మిది వికెట్ల నష్టానికి 418 పరుగుల వద్ద ప్రొటిస్‌ జట్టు తమ మొదటి ఇన్నింగ్స్‌ డిక్లేర్‌ చేసింది. జింబాబ్వే బౌలర్లలో టనకా చివాంగ నాలుగు వికెట్లు తీయగా.. ముజర్‌బానీ రెండు, మసకజ్ద, మసేకెస ఒక్కో వికెట్‌ దక్కించుకున్నారు. 251 పరుగులకే ఆలౌట్‌ ఇక తొలి ఇన్నింగ్స్‌లో జింబాబ్వే 251 పరుగులకే ఆలౌట్‌ అయింది. సీన్‌ విలియమ్స్‌ (137) శతక్కొట్టగా.. మిగతా వారి నుంచి అతడికి సహకారం అందలేదు. ప్రొటిస్‌ బౌలర్లలో వియాన్‌ ముల్డర్‌ నాలుగు వికెట్లతో చెలరేగగా.. కెప్టెన్‌ కేశవ్‌ మహరాజ్‌, కోడి యూసఫ్‌ చెరో మూడు వికెట్లు తీశారు.ఈ క్రమంలో 167 పరుగుల భారీ ఆధిక్యంతో రెండో ఇన్నింగ్స్‌ మొదలుపెట్టిన సౌతాఫ్రికా.. 369 పరుగులు చేసి ఆలౌట్‌ అయింది. ఈసారి వియాన్‌ ముల్డర్‌ (147) శతకంతో ఆకట్టుకోగా.. కేశవ్‌ మహరాజ్‌ హాఫ్‌ సెంచరీ (51) చేశాడు.జింబాబ్వే బౌలర్లలో ఈసారి మసకజ్ద నాలుగు, చివాంగ, మసెకెస రెండేసి వికెట్లు తీయగా.. ముజర్‌బానీ, మెధెవెరె చెరో వికెట్‌ పడగొట్టారు. భారీ లక్ష్య ఛేదనలో తడబడిఈ క్రమంలో తొలి ఇన్నింగ్స్‌ ఆధిక్యం కలుపుకుని సౌతాఫ్రికా జింబాబ్వేకు 537 పరుగుల లక్ష్యం విధించింది. అయితే, మంగళవారం నాటి నాలుగో రోజు ఆటలో భాగంగా 208 పరుగులకే జింబాబ్వే ఆలౌట్‌ కాగా.. సౌతాఫ్రికా భారీ గెలుపు దక్కించుకుంది.మరోవైపు.. టెస్టుల్లో జింబాబ్వేకు ఇదే అతిపెద్ద పరాజయం. ఇదిలా ఉంటే.. జింబాబ్వే రెండో ఇన్నింగ్స్‌లో కార్బిన్‌ బాష్‌ ఐదు వికెట్లతో చెలరేగగా.. యూసఫ్‌ మూడు, కేశవ్‌ మహరాజ్‌, డెవాల్డ్‌ బ్రెవిస్‌ ఒక్కో వికెట్‌ తమ ఖాతాలో వేసుకున్నారు. అరంగేట్రంలోనే శతక్కొట్టిన సౌతాఫ్రికా 19 ఏళ్ల చిచ్చరపిడుగు ప్రిటోరియస్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.జింబాబ్వే వర్సెస్‌ సౌతాఫ్రికా తొలి టెస్టు సంక్షిప్త స్కోర్లుసౌతాఫ్రికా: 418/9 d & 369జింబాబ్వే: 251 & 208.చదవండి: IPL 2026: సీఎస్‌కేలోకి సంజూ.. బదులుగా రాజస్తాన్‌కు రుతురాజ్‌?!