బుల్లితెర నటి చవీ మిట్టల్‌ (Chhavi Mittal) ఒకప్పుడు క్యాన్సర్‌ను జయించింది. ఆరోగ్యంగా ఉండేందుకు తను ప్రయత్నిస్తుంటే ఓ వ్యక్తి ఎగతాళి చేస్తూ మాట్లాడాడు. అది చూసిన చవీ మిట్టల్‌కు ఒళ్లు మండిపోయింది. సోషల్‌ మీడియా వేదికగా సదరు నెటిజన్‌కు గట్టి కౌంటర్‌ ఇచ్చింది. ఇటీవల ఆమె సరదాగా ఓ వీడియో షేర్‌ చేసింది. అందులో తను స్వీట్‌ పొటాటోస్‌ తింటోంది. అవతలి వ్యక్తి ఫ్రై చేసిన స్నాక్స్‌ ఇస్తుంటే వద్దని తిరస్కరించింది. అయినా క్యాన్సర్‌ వచ్చిందిగా!ఈ వీడియో కింద ఓ వ్యక్తి.. నువ్వు ఆరోగ్యానికి మంచివైనవాటిని ఏరికోరి ఎంచుకుని తింటున్నా సరే క్యాన్సర్‌ (Cancer) వచ్చింది. నీ మీద నువ్వే జోక్‌ వేసుకున్నట్లు ఉంది. ఆరోగ్యకరమైన ఫుడ్‌ తీసుకో, కానీ షో ఆఫ్‌ చేయకు. ఎవరినీ ఎగతాళి చేయకు. హెల్తీ ఫుడ్‌ తింటావో, తినవో అది నీ ఇష్టం. కొంచెం అన్‌హెల్తీ ఫుడ్‌ తినమని ఎవరైనా అడిగినప్పుడు దాన్ని మరీ సీరియస్‌గా తీసుకోనక్కర్లేదు.క్యాన్సర్‌ అంటే జోకా?సలహాలు అసలే ఇవ్వనక్కర్లేదు అని కామెంట్‌ చేశాడు. దానిపై చవీ తీవ్రంగా స్పందించింది. క్యాన్సర్‌ అంటే జోక్‌ కాదు అని మండిపడింది. మంచి ఆహారపు అలవాట్లు పాటించినప్పటికీ అనారోగ్యంతో బాధపడుతున్నవారికి, క్యాన్సర్‌ వారియర్స్‌కు ఈ నెగెటివ్‌ కామెంట్‌ పెట్టిన వ్యక్తి తరపున నేను క్షమాపణలు చెప్తున్నా.. ఇలాంటి నెగెటివ్‌ మనుషుల వల్ల మీ ఆలోచనలు, పద్ధతులు మార్చుకోకండి. నష్టపోతే వదిలేస్తామా?అనారోగ్యం, క్యాన్సర్‌ అనేవి ఎవరి చేతుల్లోనూ ఉండదు. మనం చేయాల్సిందల్లా మన జాగ్రత్తలో మనం ఉండటం! వ్యాపారంలో కూడా కొన్నిసార్లు నష్టపోతాం, అలా అని దాన్ని వదులుకోం కదా! ఇదీ అంతే! ఆరోగ్యంగా ఉండేందుకు మనం ప్రయత్నిస్తూనే ఉండాలి. కొన్నిసార్లు విజయం సాధించలేకపోయినంత మాత్రాన వెనకడుగు వేయకూడదు అని రాసుకొచ్చింది. క్యాన్సర్‌ను జయించిన నటిచవీ మిట్టల్‌.. 2022 ఏప్రిల్‌లో రొమ్ము క్యాన్సర్‌ బారిన పడింది. ప్రారంభదశలోనే మహమ్మారిని గుర్తించి వెంటనే చికిత్స మొదలుపెట్టింది. ఆపరేషన్‌ కూడా చేయించుకుంది. తర్వాత క్యాన్సర్‌ను జయించినట్లు ప్రకటించింది. మరుసటి ఏడాది కాస్టోకోన్‌డ్రైటిస్‌ వ్యాధి బారిన పడింది. ఈమె ఏక్‌ వివాహ్‌.. ఐసా భీ, పల్‌ పల్‌ దిల్‌కే సాత్‌ వంటి చిత్రాల్లో నటించింది. సీరియల్స్‌బుల్లితెరపై ఘర్‌కీ లక్ష్మి బేటియా, నాగిన్‌, బందిని, ఏక్‌ చుట్కీ ఆస్మన్‌, లాల్‌ ఇష్‌క్‌ వంటి సీరియల్స్‌లో యాక్ట్‌ చేసింది. రచయిత, నిర్మాతగానూ గుర్తింపు పొందింది. డైరెక్టర్‌ మోహిత్‌ హుస్సేన్‌ను 2004లో పెళ్లి చేసుకుంది. వీరికి కూతురు అరీజా, కుమారుడు అర్హం సంతానం. View this post on Instagram A post shared by Chhavi Mittal (@chhavihussein) చదవండి: పాడె మోసిన అల్లు అర్జున్‌, రామ్‌చరణ్‌.. వీడియో

మానవత్వం చచ్చిపోయిందంటోంది బుల్లితెర నటి చవీ మిట్టల్‌ (Chhavi Mittal). క్యాన్సర్‌ చికిత్స వల్ల జుట్టు కోల్పోతున్న తనపై విమర్శలు గుప్పిస్తున్నారని ఆవేదన వ్యక్తం చేసింది. తన పరిస్థితిని అర్థం చేసుకోకుండా ట్రోల్‌ చేయడం బాధగా ఉందని పేర్కొంది. తనపై వచ్చిన అసభ్య కామెంట్‌కు సంబంధించిన స్క్రీన్‌షాట్‌ను ఇన్‌స్టాగ్రామ్‌ వేదికగా షేర్‌ చేసింది.మానవత్వం చచ్చిపోయిందిమానవత్వం చచ్చిపోతే ఎలా ఉంటుందో ఈ రోజు మరోసారి చూశాను. క్యాన్సర్‌ చికిత్స వల్ల నేను జుట్టు కోల్పోతుంటే మీరేమో ట్రోల్‌ చేస్తున్నారు. 2022 నుంచి రొమ్ము క్యాన్సర్‌తో పోరాడుతున్నాను. దీనికి పదేళ్లపాటు ట్రీట్‌మెంట్‌ తీసుకోవాల్సి ఉంటుంది. ఈ ఏడాది ఏప్రిల్‌తో నా హార్మోన్‌ చికిత్సకు మూడేళ్లవుతాయి. ఈ ట్రీట్‌మెంట్‌ వల్ల ఎన్నో దుష్ప్రభావాలున్నాయి. చర్మం పొడిబారడం, డీహైడ్రేషన్‌, బరువు సరిగా లేకపోవడం, మూడ్‌ స్వింగ్స్‌, తిమ్మిర్లు.. ఇలా వీటన్నింటితోపాటు జుట్టు కూడా ఊడిపోతుంది. ట్రోల్‌ చేయడానికే ఫాలో అవుతున్నారుఅమ్మాయిలకు జుట్టు అంటే ఎంతిష్టమో నేను మాటల్లో చెప్పలేను. మొదటగా అమ్మతనానికి అవసరమైన రొమ్ము నిలుపుకోవడానికి పోరాడాను. ఇప్పుడు జుట్టు కోసం! ఇలాంటి సమయంలో మీరు చేసే నెగెటివ్‌ కామెంట్లు నన్ను మరింత కుంగదీస్తున్నాయి. ఇప్పుడీ పోస్ట్‌ పెట్టడానికి ప్రధాన కారణం.. కొందరు నన్ను ఇష్టపడి నా అకౌంట్‌ ఫాలో అవడం లేదు. కేవలం ట్రోల్‌ చేయడానికే ఫాలో అవుతున్నారు. జుట్టు రాలిపోతున్న క్యాన్సర్‌ వారియర్‌ను ట్రోల్‌ చేయడానికి మీ మనసెలా అంగీకరించిందో అర్థం కావట్లేదు.నా ఆత్మస్థైర్యాన్ని చూడుమీకు తలనిండా వెంట్రుకలు, క్యాన్సర్‌ లేని జీవితం, నీచమైన విమర్శలు లేని జీవితం ఉండాలని ఆశిస్తున్నాను. అలాగే నేను నా ఆత్మస్థైర్యాన్ని కోల్పోకుండా, కష్టపడి నా శరీరాన్ని ఫిట్‌గా ఎలా ఉంచుకున్నానో చూడు అని రాసుకొచ్చింది. కాగా చవీ మిట్టల్‌.. తుమ్హారీ దిశ, ట్వింకిల్‌ బ్యూటీ పార్లర్‌, ఘర్‌ కీ లక్ష్మీ బేటియాన్‌, నాగిన్‌, బందిని, ఏక్‌ చుట్కి ఆస్మాన్‌, కృష్ణదాసి వంటి సీరియల్స్‌లో మెరిసింది. ఏక్‌ వివాహ్‌.. ఐసా భీ, పాల్‌ పాల్‌ దిల్‌కే సాత్‌ చిత్రాలు చేసింది. View this post on Instagram A post shared by Chhavi Mittal (@chhavihussein) చదవండి: అక్కాచెల్లెళ్ల మధ్య దూరం..? శిల్ప శిరోద్కర్‌ పోస్ట్‌తో క్లారిటీ..

కష్టాలు ముగిసిపోయాయనుకోలేపే బుల్లితెర నటి చవీ మిట్టల్‌కు మరో పెద్ద కష్టం వచ్చిపడింది. ప్రాణాంతక మహమ్మారి క్యాన్సర్‌ను జయించిన ఆమె ప్రస్తుతం కాస్టోక్రాన్‌టిడిస్‌ (పక్కటెముకలను, రొమ్మును కలుపే మృదులాస్థికి వాపు రావడం) అనే వ్యాధితో పోరాడుతోంది. తాజాగా తన సమస్యను ఇన్‌స్టాగ్రామ్‌లో అభిమానులతో పంచుకుంది. 'రొమ్ము క్యాన్సర్‌తో పోరాడి ఇటీవలే దాని నుంచి బయటపడ్డాను. కానీ అప్పటినుంచి నాకు ఏదో ఒక సమస్య వస్తూనే ఉంది. బహుశా క్యాన్సర్‌ కోసం తీసుకున్న చికిత్స వల్ల సైడ్‌ ఎఫెక్స్ట్‌ అనుకుంటా.. మొన్న కాలు ఫ్రాక్చర్‌ అయింది. స్కానింగ్‌లో ఎముకలో ఉండాల్సిన పదార్థాల సాంద్రత (బోన్‌ మినరల్‌ డెన్సిటీ) తక్కువగా ఉందని చెప్పారు. అదే కొనసాగితే ఓస్టియోపేనియా వస్తుందని, దీనివల్ల రక్తంలో కాల్షియం తగ్గిపోతుందన్నారు. దానికి ఓ ఇంజక్షన్‌ తీసుకున్నాను. అప్పటి నుంచి నా పరిస్థితి మరింత అధ్వాన్నంగా తయారైంది. ఛాతీలో నొప్పి మొదలైంది. అది భుజం వరకు పాకింది. నా శరీరం అంతా బిగుసుకుపోయినట్లుగా విపరీతమైన నొప్పి వచ్చింది. నొప్పి తగ్గడానికి టాబ్లెట్లు వాడాను. కానీ ఛాతీలో ఏదో అడ్డుపడినట్లుగా ఉండి ఊపిరి తీసుకోవడానికి కూడా ఇబ్బంది పడుతున్నాను. ఎడమ చేయి కూడా సరిగా ఆడించలేకపోతున్నాను. బాటిల్‌లో నీళ్లు నింపుతుంటే కూడా ఎంతో నొప్పి వస్తోంది. చిన్నచిన్న పనుల్లో నా కూతురు నాకు కొంత సాయం చేస్తోంది. నా కొడుకు కూడా సాయం చేసేందుకు ప్రయత్నిస్తున్నాడు. కానీ ప్రతీది వివరంగా చెప్పి చేయించుకోవడం  నాకే కష్టమవుతోంది. ఈ నొప్పి వల్ల అతడిని ఎత్తుకోలేకపోతున్నాను కూడా! అలా అని పూర్తిగా నేను ఎవరిపైనా ఆధారపడలేదు. క్యాన్సర్‌ చికిత్స తీసుకున్న వెంటనే నా పనులు నేను చేసుకున్నాను. ఇంతలోనే ఈ కొత్త అనారోగ్య సమస్య వచ్చిపడింది.. నాకు చాలా కష్టంగా ఉంది' అని చెప్పుకొచ్చింది.​ కాగా చవీ మిట్టల్‌ 'ష్‌.. ఫిర్‌ కోయ్‌ హయ్‌', 'ఘర్‌ కీ లక్ష్మి బేటియా', 'బాందిని', 'నాగిన్‌', 'కృష్ణదాసి' వంటి సీరియల్స్‌లో నటించింది. View this post on Instagram A post shared by Chhavi Mittal (@chhavihussein) చదవండి: థూ.. నా బతుకు అంటూ బేబీ డైరెక్టర్‌ ట్వీట్‌  భర్త అనుమానం వల్ల నటి 'సుజాత' ఇన్ని ఇబ్బందులు పడిందా..?