TV
క్యాబ్‌ను సీజ్‌ చేస్తున్న ట్రాఫిక్‌ పోలీసులు
గచ్చిబౌలి: 104 చలానాలు పెండింగ్‌ ఉన్న ఓ క్యాబ్‌నుగచ్చిబౌలి ట్రాఫిక్‌ పోలీసులు సీజ్‌ చేశారు. ఎస్‌ఐ రఘు కుమార్‌ మంగళవారం ఉదయం గచ్చిబౌలి ఓఆర్‌ఆర్‌పై నో పార్కింగ్‌లో పార్క్‌ చేసిన క్యాబ్‌(టీఎస్‌07యుఎ0202)కు రూ. 200 చలాన్‌ విధించారు. ఈ సందర్భంగా ట్యాబ్‌లో పరిశీలించగా సదరు వాహనపై 104 చలానాలు ఉన్నట్లు తేలింది. రూ. 17,805 చెల్లించాల్సి ఉన్నట్లు గుర్తించిన ఎస్‌ఐ క్యాబ్‌ను సీజ్‌ చేశారు. చలానాలు చెల్లించిన తరువాత కారు విడుదల చేస్తామని డ్రైవర్‌ రమేష్‌ గౌడ్‌కు సూచించారు.
