వెళ్లు.. ప్రపంచాన్ని జయించు: సచిన్‌ భావోద్వేగం

ముంబై: కూతురు సారా గ్రాడ్యుయేషన్‌ పట్టాను అందుకున్న క్షణాన క్రికెట్‌ దిగ్గజం సచిన్‌ టెండూల్కర్‌ భావోద్వేగానికి గురయ్యాడు. క్రికెట్‌ తరువాత కుటుంబానికి అత్యంత ప్రాధాన్యం ఇచ్చే సచిన్‌.. శుక్రవారం లండన్‌లో సారా పట్టాను అందుకున్న తరుణంలో ట్విటర్‌లో తన అనుభూతిని పంచుకున్నాడు. ‘నిన్నమొన్ననే నీవు ఇంటినుంచి వెళ్లినట్టుంది. గ్రాడ్యుయేషన్‌ పూర్తి చేసినందుకు మాకు గర్వంగా ఉంది. వెళ్లు...ప్రపంచాన్ని జయించు’ అని సచిన్‌ ట్వీట్‌ చేశాడు.

సారా స్నాతకోత్సవ కార్యక్రమానికి సచిన్‌ భార్య అంజలితో హాజరయ్యాడు. ముంబై ధీరుభాయ్‌ అంబాని ఇంటర్నేషనల్‌ స్కూల్‌లో విద్యనభ్యసించిన సారా లండన్‌ యూనివర్సిటీ కళాశాలలో మెడిసన్‌ పూర్తిచేసుకుంది.
 

It feels like just yesterday when you left home for @ucl, and now you are a Graduate. Anjali and I are so proud of you! May you go out and conquer the 🌎 Sara. pic.twitter.com/y9d8bpNzs3

— Sachin Tendulkar (@sachin_rt) 7 September 2018