ఆర్‌ఆర్‌ఆర్‌ అప్‌డేట్‌: షూటింగ్‌ ప్రాంతానికి అజయ్‌ దేవ్‌గన్‌

RRR Movie: Ajay Devgn Joins The Shooting - Sakshi

మల్టీస్టారర్‌ సినిమాలకు ఉండే క్రేజే వేరు. పైగా ఇద్దరు లేదా అంతకుమించిన స్టార్‌ హీరోలు ఒకే ఫ్రేములో కనిపిస్తున్నారంటే వారి అభిమానులకు పండగే. యంగ్‌టైగర్‌ ఎన్టీఆర్‌, మెగా పవర్‌ స్టార్‌ రామ్‌చరణ్‌ హీరోలుగా దర్శకధీరుడు రాజమౌళి తెరకెక్కిస్తున్న పీరియాడికల్‌ చిత్రం ఆర్‌ఆర్‌ఆర్‌. ఈ సినిమా గురించి ప్రేక్షకులు గతేడాది నుంచి పడిగాపులు కాస్తున్నారు. అయితే ఈ మూవీ విడుదల ఆలస్యం కానుందనే వార్త అందరినీ నిరాశకు గురి చేసింది. కానీ వీలైనంత త్వరగానే ఈ చిత్రాన్ని ప్రేక్షకుల ముందుకు తేవాలని జక్కన్న ప్లాన్‌ చేస్తున్నాడు.

అందుకు తగ్గట్టుగానే సినిమాలోని కీలక సన్నివేశాల్ని శరవేగంగా చిత్రీకరణ జరుపుతున్నారు. ఇక ఈ సినిమాలో కీలకపాత్ర పోషిస్తున్న బాలీవుడ్‌ ప్రముఖ హీరో అజయ్‌ దేవ్‌గన్‌ మంగళవారం షూటింగ్‌ జరిగే ప్రదేశానికి చేరుకున్నారు. ఈ మేరకు జక్కన్నతో కలిసి దిగిన ఫొటోను చిత్రబృందం సోషల్‌ మీడియాలో షేర్‌ చేసింది. నేటి నుంచి అజయ్‌పై చిత్రీకరణ జరపనున్నట్లు చిత్రబృందం తెలిపింది. ఈ సినిమాలో ఎన్టీఆర్‌ సరసన హాలీవుడ్‌ నటి ఒలీవియా మోరిస్, రామ్‌చరణ్‌ సరసన బాలీవుడ్‌ నటి ఆలియా భట్‌ నటిస్తున్న విషయం తెలిసిందే.

చదవండి:

ఆర్‌ఆర్‌ఆర్‌ విడుదల తేదీ మారిందా?

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Back to Top