TV
కూకట్ పల్లిలో విద్యార్థిని ఆత్మహత్యాయత్నం
కూకట్ పల్లిలోని ఓ సీఏ కోచింగ్ సెంటర్ పై నుంచి శ్రావణి అనే యువతి కిందకి దూకి ఆత్మహత్యాయత్నానికి పాల్పడింది.
హైదరాబాద్ : కూకట్పల్లిలోని ఓ సీఏ కోచింగ్ సెంటర్పై నుంచి శ్రావణి అనే యువతి కిందకి దూకి ఆత్మహత్యాయత్నానికి పాల్పడింది. కోచింగ్ సెంటర్ యాజమాన్యం వెంటనే స్పందించి... సమీపంలోని ఆసుపత్రికి తరలించారు. అయితే తీవ్ర గాయాలు కావడంతో ఆమె పరిస్థితి విషమంగా ఉందని వైద్యులు వెల్లడించినట్లు పోలీసులు చెప్పారు. శ్రావణి స్వస్థలం కరీంనగర్.
ఆమె తల్లిదండ్రులకు పోలీసులు సమాచారం అందించారు. దీంతో వారు హుటాహుటిన హైదరాబాద్ చేరుకున్నారు. ఈ ఘటనపై పోలీసులు కేసు నమోదు చేశారు. కాగా ప్రేమ వ్యవహారమే శ్రావణి ఆత్మహత్యాయత్నానికి కారణమని పోలీసులు చెబుతున్నారు. మరింత సమాచారం అందవలసి ఉంది.
