కరోనా కుట్రలో కనపడని కోణం

Another Angle on coronavirus conspiracy theory! - Sakshi

విశ్లేషణ

కరోనా వైరస్‌ ఎలా పుట్టుకొచ్చింది, ఎలా విస్తరించింది, దానిపట్ల పలు దేశాలు చేసిన, చేస్తున్న తప్పులేమిటి అనే అంశాలను ప్రపంచం తెలుసుకోవలసిన అవసరం ఎంతైనా ఉంది. కానీ ఏమీ తేలకుండానే ముందస్తుగా చైనాను నేరస్తురాలిగా ప్రకటించడం ద్వారా ట్రంప్, అమెరికాలోని ఇతర నేతలు దీనిపై ప్రపంచ స్థాయి విచారణ అవసరమే లేదని తేల్చేస్తున్నారు. అంతకుమించి చైనాను బోనులో నిలబెట్టడానికి ప్రయత్నించడం అనేది స్వీయ సమర్ధన తప్ప మరేమీ కాదు. ప్రపంచ మానవాళి ముందడుగు వేయాలంటే వైరస్‌లకు వ్యతిరేకంగా అంతర్జాతీయ సహకారం అత్యవసరం. అంతే తప్ప చైనాపై ఆరోపించి స్వీయ పరాజయం కోసం ప్రయత్నించడం వల్ల ఎలాంటి ఉపయోగం లేదు. ప్రత్యేకించి చైనా సహకారం లేనిదే ఈ వైరస్‌ నిరోధం అసాధ్యమవుతున్న పరిస్థితుల్లో రాజకీయ ఎత్తులు అసలు పనికిరావు. (కరోనా వైరస్: మరో నమ్మలేని నిజంj)

ఏప్రిల్‌ 30న,  అమెరికా జాతీయ నిఘా సంస్థ డైరెక్టర్‌ కార్యాలయం వూహాన్‌లో చెలరేగిన వైరస్‌ పూర్వాపరాలపై దర్యాప్తు చేస్తున్నట్లు ప్రకటించింది. ఈ వైరస్‌ జంతువుల నుంచి మనుషులకు సోకడం ద్వారా వ్యాప్తి చెందిందా లేక వూహాన్‌ లేబొరేటరీలో ప్రమాదవశాత్తూ లీక్‌ కావడం ద్వారా విస్తరించిందా అనే విషయంపై దర్యాప్తు చేస్తున్నట్లు ఆ సంస్థ తెలిపింది. అలాగే శాస్త్రజ్ఞుల విస్తృత ఆమోదం ప్రకారం చూస్తే కోవిడ్‌–19 వైరస్‌ మానవ నిర్మితమైంది కాదని లేక జన్యుపరంగా మెరుగుపర్చింది కాదని భావిస్తున్నట్లు ఆ అమెరికా నిఘా సంస్థ పేర్కొంది. (ట్రంప్కి రోజూ కోవిడ్ పరీక్షలు)

ఒక్కమాటలో చెప్పాలంటే, వైరస్‌ చైనాలోనే పుట్టినా, అది వూహాన్‌ పరిశోధనా సంస్థ నుంచే లీక్‌ అయిందనడానికి ప్రత్యక్ష ప్రమాణం లేదని ఆ సంస్థే చెబుతున్నట్లు కనిపిస్తుంది. ఈ వారం, అమెరికా ప్రభుత్వ సాంక్రమిక వ్యాధుల నిపుణుడు ఆంథోనీ ఫాసీ మాట్లాడుతూ కరోనా వైరస్‌ వూహాన్‌ ల్యాబ్‌ నుంచి పుట్టిందని చెప్పలేమని మరోసారి వక్కాణించారు. ఈ వైరస్‌ ప్రకృతిలోనే పుట్టుకొచ్చిందని, తర్వాతే అది ప్రాణుల్లోకి వ్యాపించిందని శాస్త్రీయ ఆధారాలు బలంగా నొక్కి చెబుతున్నాయని ఫాసీ చెప్పారు. అయితే కరోనా వైరస్‌ ఉనికిని ఎవరైనా జంతువుల్లో గుర్తించి దాన్ని వూహాన్‌ ల్యాబ్‌కు తీసుకువచ్చి ఉండవచ్చని, అక్కడ అది ప్రమాదవశాత్తూ లీక్‌ అయి బయటకు వచ్చిందన్న అభిప్రాయంతో ఫాసీ ఏకీభవించారు. (గుడ్‌న్యూస్‌ : వ్యాక్సిన్‌ దిశగా కీలక ముందడుగు)

మంగళవారం వెలువడిన ఒక నివేదిక ప్రకారం, పంచ నేత్రాల కూటమి–ఫైవ్‌ ఐస్‌ అలయెన్స్‌–అనే 5 దేశాల కూటమి (బ్రిటన్, అమెరికా, ఆస్ట్రేలియా, న్యూజిలాండ్, కెనడా)కి అందిన నిఘా సమాచారం.. కరోనా వైరస్‌ లేబొరేటరీలో ప్రమాదవశాత్తూ లీక్‌ అయి విస్తరించినది కాదని, బహుశా అది వూహాన్‌ మార్కెట్‌లో పుట్టి ఉంటుందని సూచించింది. అంటే ఈ వైరస్‌ ల్యాబ్‌లో ప్రమాదవశాత్తూ లీక్‌ అయి విస్తరించిందే అంటూ పదేపదే ఆరోపిస్తూన్న అమెరికా అధ్యక్షుడు డొనాల్డ్‌ ట్రంప్‌ ఆ విషయాన్ని తన సన్నిహిత మిత్రదేశాలచేత కూడా ఒప్పించలేకపోతున్నారన్నది స్పష్టం. (వూహాన్ ల్యాబ్ నుంచే వచ్చింది: పాంపియో)

ట్రంప్‌ వాషింగ్టన్‌ డీసీ టౌన్‌హాల్‌లోని లింకన్‌ స్మారక భవనంలో సమావేశం నిర్వహించిన 24 గంటల తర్వాతే ఈ పంచనేత్రాల కూటమి నివేదిక, ఫాసీ ప్రకటన వెలువడ్డాయి. కరోనా వైరస్‌ చైనా కుట్రలో భాగమే అంటూ ఆ భేటీలో కూడా ట్రంప్‌ అదే పాట వినిపించారు. పైగా వూహాన్‌లో ఏం జరిగింది అనే విషయంపై త్వరలోనే కీలకమైన సమాచారం అందుతుందని భావిస్తున్నట్లు ట్రంప్‌ చెప్పాడు. వైరస్‌కు సంబంధించి చైనా ప్రవర్తనలో నేరపూరితమైన అంశం ఏదైనా ఉందా అనే దానిపై ట్రంప్‌ మాట్లాడుతూ, ‘వారు ఘోరతప్పిదం చేశారనుకుంటున్నాను. కానీ వారు దాన్ని అంగీకరించేందుకు సిద్ధపడటం లేదు. పైగా తమ తప్పిదాన్ని కప్పిపుచ్చుకోవడానికి ప్రయత్నిస్తున్నారు’ అని ముగించారు. (కరోనాపై నిర్లక్ష్యం తగదు: జిన్‌పింగ్‌)

పైగా కరోనా వైరస్‌ దేశంపై దాడి చేస్తోందని తెలిశాక చైనా అది ప్రపంచ వ్యాప్తంగా విస్తరించేలా వ్యవహరించిందని ఆరోపించడానికి కూడా ట్రంప్‌ తెగబడ్డారు. ఇక ఓడీఎన్‌ఐ తన నివేదికతో ముందుకొచ్చాక, దాంట్లోని విషయాలు తనకే బాగా తెలుసునని ట్రంప్‌ పేర్కొన్నాడు. కోవిడ్‌–19 సాంక్రమిక వ్యాధి వూహాన్‌ ల్యాబ్‌ నుంచే పుట్టుకొచ్చిందనడానికి సాక్ష్యాధారాలు ఉన్నాయా అని ఒక మీడియా సమావేశంలో విలేకరులు ప్రశ్నించినప్పుడు అవును, నా వద్ద ఆధారాలు ఉన్నాయని ట్రంప్‌ నొక్కి చెప్పారు. కానీ ఆ ఆధారాల గురించి మీకు చెప్పబోనని, ఆ విషయం వెల్లడించడానికి నాకు అనుమతి లేదని చెప్పి ట్రంప్‌ తప్పించుకున్నారు. 

ఓడీఎన్‌ఐకి, దాని బాస్‌ అయిన అమెరికన్‌ అధ్యక్షుడికి మధ్య వ్యత్యాసం ఏమిటంటే, ప్రొఫెషనల్‌ నైపుణ్యమే. అమెరికాలోని 17 వివిధ నిఘాసంస్థల కృషిని సమన్వయించే సంస్థ ఓడీఎన్‌ఐ కాగా ఈ సంవత్సరం నవంబర్‌లో జరగనున్న అమెరికా ఎన్నికల్లో గెలుపు లక్ష్యం పెట్టుకుని ‘ల్యాబ్‌ నుంచి బయటపడిన వైరస్‌’ గురించి మాట్లాడుతున్న రాజకీయ నాయకుడు ట్రంప్‌. ఈ అంశంపై ప్రామాణిక సమాచారం ప్రకారం వూహాన్‌ ఇనిస్టిట్యూట్‌ ఆఫ్‌ వైరాలజీకి 30 కిలోమీటర్ల దూరంలోని జంతుమాంస, సముద్ర ఉత్పత్తుల మార్కెట్‌లో ఈ వైరస్‌ మొదట పుట్టిందని తెలుస్తోంది. 

ట్రంప్, అతడి రాజకీయ సహచరుల ఆరోపణలకు తగినట్లుగానే అమెరికన్‌ రైట్‌ వింగ్‌ ప్రచురణ సంస్థలు, టాబ్లాయిడ్లు కూడా కరోనా వైరస్‌ వూహాన్‌ ల్యాబ్‌ నుంచే పుట్టుకొచ్చిందంటూ కథలు అల్లడం మొదలుపెట్టాయి. వాషింగ్టన్‌ టైమ్స్‌ సైతం ఇదే వాదనకు బలం చేకూరుస్తూ చైనా జీవాయుధ యుద్ధతంత్రంలో భాగంగా ఈ వైరస్‌ను వ్యాప్తి చెందించి ఉండవచ్చని జనవరి చివరలోనే తేల్చేసింది. అయితే మార్చి నెల మధ్యలో ప్రముఖ సైన్స్‌ పత్రిక నేచర్‌ ఒక వ్యాసం ప్రచురిస్తూ.. సార్స్, మెర్స్‌ లాగా మానవులపై తీవ్ర ప్రభావం చూపిన వైరస్‌లలో ఏడవదైన కరోనా వైరస్‌ ఎంతమాత్రమూ లేబొరేటరీలో తయారు చేసింది కాదని, అది ఉద్దేశపూరితంగా సృష్టించి వదిలిన సాంక్రమిక వ్యాధి కానే కాదని ఘంటాపథంగా తేల్చి చెప్పిన తర్వాత మాత్రమే వాషింగ్టన్‌ టైమ్స్‌ తన నిర్ధారణను వెనక్కు తీసుకుంది. 

మరోవైపు శాస్త్రజ్ఞులు మాత్రం కరోనా వైరస్‌ కూడా ప్రకృతి సహజమైనదేనని, అది ల్యాబ్‌ నుంచి పుట్టుకొచ్చింది కాదన్న అభిప్రాయానికే కట్టుబడి ఉన్నారు. ఈ వైరస్‌ మూలం ఏమిటన్నది ఇప్పటికీ వారికి అంతుబట్టనప్పటికీ, ఇంతవరకు లభిస్తున్న ఆధారాల బట్టి ఇది జంతువుల నుంచి మనిషికి సోకిన వైరస్‌ గానే కనిపిస్తోందన్నది సైంటిస్టుల అభిప్రాయం. అయితే వైరస్‌ కంటే శాస్త్రజ్ఞులను కలవరపరుస్తున్న అంశం ఏమిటంటే కరోనా చుట్టూ రాజకీయ వాతావరణం వ్యాపించడమే. దీనివల్ల భవిష్యత్తులో అంతర్జాతీయ శాస్త్ర పరిశోధనలకు సంబంధించిన సహకారం కష్టమైపోతుందని సైంటిస్టులు భయపడుతున్నారు. 

మరోవైపున ఎన్‌పీఆర్‌ చేసిన విస్తృతమైన విశ్లేషణను బట్టి చూస్తే ఈ నూతన కరోనా వైరస్‌ లేబొరేటరీలో ప్రమాదవశాత్తూ లీక్‌ అయిన దాని ఫలితం అని చెప్పడానికి అవకాశమే లేదని తెలుస్తోంది. జంతువుల నుంచి వైరస్‌ల నమూనాలను సేకరించి పరిశోధనలు చేస్తూ, ప్రయోగశాలల్లో ప్రమాదాలు ఎలా జరుగుతాయనే అంశంపై స్పష్టమైన అవగాహన కలిగిన పదిమంది ప్రముఖ శాస్త్రజ్ఞులను సంప్రదించిన తర్వాత ఎన్‌పీఆర్‌ చాలా స్పష్టంగా నిర్ధారించింది ఏమిటంటే, వైరస్‌లు ప్రమాదవశాత్తూ ప్రయోగశాలల నుంచి లీక్‌ కావాలంటే దానికి సంబంధించిన అనేక కాకతాళీయమైన చర్యలు, అవసవ్య ఫలితాలతోపాటు వాటికి చెందిన ప్రయోగాత్మకమైన ప్రోటోకాల్స్‌ అధ్యయనం అవసరం అవుతుందని ఎన్పీఆర్‌ తేల్చి చెప్పింది.

ఒకటి మాత్రం నిజం. ప్రయోగశాలల్లో ప్రమాదాలు జరుగుతాయి. ల్యాబ్‌లలో ప్రమాదకరమైన వైరస్‌లు, బాక్టీరియా ఎలా పదే పదే లీక్‌ అయి తప్పించుకుంటాయో కెల్సీ పైపర్‌ పలు ఉదాహరణలతో వోక్స్‌ సంచికలో వివరించారు. బర్మింగ్‌హామ్‌ మెడికల్‌ స్కూల్‌లోని ప్రయోగశాలలో స్మాల్‌ పాక్స్‌ ఎలా లీక్‌ అయి ఫొటోగ్రాఫర్‌ను చంపేసిందో కెల్సీ చెప్పారు. అమెరికాలోని పలు ల్యాబ్‌లలో కూడా సీరియస్‌ ప్రమాదాలు జరిగాయని తెలిపారు. ఇతర దేశాల్లో కూడా పేలవమైన శిక్షణ, నిర్లక్ష్యం కారణంగా ఇలాంటి ప్రమాదాలు ఎన్నో జరిగాయని దీన్నిబట్టి తెలుస్తోంది. ఎబోలా, సార్స్‌లకు మల్లే వైరస్‌లు ప్రకృతిలో జంతువులకు, మానవులకు మధ్య బదిలీ అవుతుంటాయని ఎన్పీఆర్‌ నిపుణులు చెబుతున్నారు. గబ్బిలాలు అనేక వైరస్‌లను వ్యాపింపచేస్తున్నాయని అనుమానిస్తున్నారు కానీ ప్రకృతి నుంచి మానవులకు వైరస్‌లు ఎలా సోకుతున్నాయన్నది ఇప్పటికీ మిస్టరీలాగే ఉంటోంది. కానీ, వైరస్‌ల గురించిన అభూత కల్పనలు మీడియోలో సృష్టించడం మాత్రం ఆగిపోలేదు. కరోనా వైరస్‌ ల్యాబ్‌ లోనే పుట్టింది కానీ అది జీవాయుధం కాదని ఫాక్స్‌ న్యూస్‌ తేల్చేసింది. 

కరోనా వైరస్‌ వ్యాప్తి విషయంలో చైనాను ముందస్తుగా నేరస్తురాలిగా నిర్ణియించడం ద్వారా భవిష్యత్తులో ఇలాంటి పనులకు పాల్పడకుండా చైనాకు అడ్డుకట్ట వేయవచ్చని అమెరికాలోని స్వార్థపరశక్తులు భావించవచ్చు కానీ చైనా సహకారం లేకుండా ఈ వైరస్‌ పరిష్కారానికి సమాధానం లభించదు. కోవిడ్‌–19 వ్యాప్తి నిరోధానికి చైనా, అమెరికా, ఇటలీ, స్పెయిన్, బ్రిటన్‌ వంటి ఎన్నో దేశాల ప్రభుత్వాలు పరస్పరం సహకరించుకోవలసిన అవసరం అవశ్యం. కానీ అదే ఇప్పుడు జరగలేదు. ప్రపంచ మానవాళి ముందడుగు వేయాలంటే వైరస్‌లకు వ్యతిరేకంగా అంతర్జాతీయ సహకారం అత్యవసరం. అంతేతప్ప చైనాపై ఆరోపించి స్వీయ పరాజయం కోసం ప్రయత్నించడం వల్ల ఎలాంటి ఉపయోగం లేదు.  (ది వైర్‌ సౌజన్యంతో)  -మనోజ్‌ జోషి, వ్యాసకర్త పరిశోధకులు, అబ్జర్వర్‌ రీసెర్చ్‌ ఫౌండేషన్‌

Read latest Guest Columns News and Telugu News | Follow us on FaceBook, Twitter

మరిన్ని వార్తలు

26-05-2020
May 26, 2020, 02:42 IST
సాక్షి, హైదరాబాద్‌/శంషాబాద్‌ : కరోనా నేపథ్యంలో లాక్‌డౌన్‌ కారణంగా 2 నెలలుగా నిలిచిన దేశీయ విమానాల రాకపోకలు సోమవారం తిరిగి...
26-05-2020
May 26, 2020, 01:56 IST
లాక్‌డౌన్‌ ప్రభావం ఇంకా చాలాకాలం ఉంటుందని, పొదుపు పాటిస్తామని చెప్పినవారు : 82%  ఆన్‌లైన్‌ కొనుగోళ్లకు మొగ్గు చూపినవారు : 44%  స్థానిక కిరాణా దుకాణాలపైనే...
26-05-2020
May 26, 2020, 00:10 IST
సినిమా షూటింగ్‌ అంటే సందడి. ఓ హడావిడి. ఓ గందరగోళం. లొకేషన్‌ అంతా యూనిట్‌ సభ్యులతో కిటకిటలాడుతుంది. రానున్న రోజుల్లో...
25-05-2020
May 25, 2020, 22:37 IST
కొత్తగా నమోదైన కేసుల్లో జీహెచ్‌ఎంసీ పరిధిలో 31 మంది, రంగారెడ్డి జిల్లాకు చెందిన ఒకరు ఉండగా.. వలసదారులు 15 మంది..
25-05-2020
May 25, 2020, 19:51 IST
ముంబై: దేశంలో క‌రోనా విజృంభ‌ణ కొన‌సాగుతోంది. దేశ‌వ్యాప్తంగా న‌మోద‌వుతున్న కేసుల్లో మ‌హారాష్ట్ర‌లోనే స‌గానికిపైగా ఉన్నాయి. ఇక్క‌డి ముంబై క‌రోనా పీడితులకు ఆల‌వాలంగా...
25-05-2020
May 25, 2020, 19:37 IST
ఒక్కపక్క కరోనా వైరస్ కేసులు క్రమంగా పెరుగుతున్న అసోం రాష్ట్రాన్ని ఇప్పుడు వరదలు వణికిస్తున్నాయి.
25-05-2020
May 25, 2020, 18:20 IST
విపరీతమైన రద్దీ నేపథ్యంలో.. ఆ ట్రైన్‌ను ఒడిషా మీదుగా ఉత్తర్‌ప్రదేశ్‌కు తీసుకెళ్లారు. దాంతో 25 గంటల్లో గమ్యస్థానానికి చేరుకోవాల్సిన రైలు...
25-05-2020
May 25, 2020, 17:23 IST
రాష్ట్రంలో కరోనా ప్రభావం తగ్గడంతో బాబు మళ్లీ ఏపీ బాట పట్టారని ఎద్దేవా చేశారు. ఆయనను రాష్ట్ర ప్రజలు నమ్మే పరిస్థితి లేదని మంత్రి...
25-05-2020
May 25, 2020, 17:05 IST
ఫ్యాక్టరీలు తెరుచుకున్నాక ప్రభుత్వం అనుమతించడం పట్ల పరిశ్రమల యజమానులు కూడా ఆశ్చర్యం వ్యక్తం చేస్తున్నారు.
25-05-2020
May 25, 2020, 17:00 IST
తిరువనంతపురం: కేర‌ళ‌లో విచిత్ర ఘ‌ట‌న చోటు చేసుకుంది. పండు త‌ల మీద ప‌డ‌టంతో తీవ్ర‌గాయాల‌పాలైన వ్య‌క్తికి క‌రోనా సోకిన‌ట్లు తేలింది. వివ‌రాల్లోకి వెళ్తే.....
25-05-2020
May 25, 2020, 16:46 IST
అయితే, అంతకు క్రితమే సేకరించిన వారి లాలాజల నమూనాలను పరీక్షించగా.. ఆ ముగ్గురిలో ఒకరికి కరోనా పాజిటివ్‌ అని తేలింది. ...
25-05-2020
May 25, 2020, 16:06 IST
ముంబై : మ‌హారాష్ర్ట‌లో క‌రోనా మృత్యు ఘంటిక‌లు మోగిస్తున్న వేళ‌..కోవిడ్ రోగుల‌కు చికిత్స అందించ‌డానికి అత్య‌వ‌స‌రంగా వైద్య‌లను పంపాల‌ని కేర‌ళ...
25-05-2020
May 25, 2020, 15:54 IST
పటిష్ట లాక్‌డౌన్‌ కారణంగా అప్పుడు విద్యార్థులు ఇళ్లకు వెళ్లలేని పరిస్థితులు ఉన్నాయని చెప్పారు.
25-05-2020
May 25, 2020, 15:23 IST
అలాంటప్పుడు లాక్‌డౌన్‌ విధించిన లాభమేమిటీ? అని నిపుణులు, విశ్లేషకులు ప్రశ్నిస్తున్నారు.
25-05-2020
May 25, 2020, 13:02 IST
తూర్పుగోదావరి, రాజమహేంద్రవరం క్రైం: గమ్యానికి వెళుతూ ఓ వలస కూలీ మృతి చెందాడు. ఒడిశాలోని బరంపురం సమీపంలో పాశియా గ్రామానికి...
25-05-2020
May 25, 2020, 12:26 IST
సాక్షి, ముంబై:  బాలీవుడ్  సూపర్  స్టార్  సల్మాన్ ఖాన్ కొత్త వ్యాపరంలోని అడుగు పెట్టాడు. కరోనా సంక్షోభ సమయంలో  సమయానికి తగినట్టుగా శానిటైజర్...
25-05-2020
May 25, 2020, 12:22 IST
న్యూయార్క్‌ : ‘రీ ఓపెన్‌ అమెరికా’ ఉద్యమం ప్రస్తుతం సోషల్‌ మీడియాలో హాట్‌ టాపిక్‌గా మారిన సంగతి తెలిసిందే. ఈ నేపథ్యంలో ‘రీ...
25-05-2020
May 25, 2020, 11:53 IST
బీజింగ్‌ : దక్షిణ చైనా సముద్రంపై పట్టు కోసం చైనా కరోనా వైరస్‌ వ్యాప్తిని ఉపయోగిస్తుందనే వార్తలను ఆ దేశం కొట్టిపారేసింది. ఆ...
25-05-2020
May 25, 2020, 11:35 IST
సాక్షి, ముంబై : కరోనా సంక్షోభంతో  తన చరిత్రలోనే   టాటా గ్రూపు టాప్ మేనేజ్ మెంట్ తొలిసారి కీలక నిర్ణయం...
25-05-2020
May 25, 2020, 11:28 IST
మహబూబ్‌నగర్‌, కొత్తకోట రూరల్‌: కరోనా వైరస్‌ సోకి మృతిచెందాడనే అనుమానంతో ఇతర రాష్ట్రంలో చనిపోయిన ఓ వ్యక్తి మృతదేహాన్ని గ్రామంలోకి...
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top