సాక్షి,హైదరాబాద్‌: తెలంగాణలో బుధవారం(మే8) కూడా భారీ వర్షం కురిసే అవకాశాలున్నాయని వాతావరణ శాఖ తెలిపింది.   ఉరుములు మెరుపులతో కూడిన వడగళ్ల వర్షం కురవచ్చని పేర్కొంది.పలు జిల్లాలకు వాతావరణ శాఖ ఎల్లో అలర్ట్ జారీ చేసింది. సిరిసిల్ల, సిద్దిపేట, యాదాద్రి, రంగారెడ్డి, వికారాబాద్, సంగారెడ్డి, మెదక్. నాగర్ కర్నూల్‌లో ఓ మోస్తరు నుంచి భారీ వర్షం కురిసే చాన్స్‌ ఉందని తెలిపింది. గంటకు 40 కిలో మీటర్ల వేగంతో ఈదురుగాలులు వీస్తాయని వెల్లడించింది. కాగా రాజధాని హైదరాబాద్‌ సహా తెలంగాణ వ్యాప్తంగా మంగళవారం భారీ వర్షం కురిసిన విషయం తెలిసిందే. ఈ వర్షం ప్రభావంతో జిల్లాల్లో పంట నష్టపోయి రైతులు ఇబ్బంది పడగా హైదరాబాద్‌ నగరంలో తీ  వ్ర ట్రాఫిక్‌జామ్‌లతో వాహనదారులు ఇబ్బందులు ఎదుర్కొ న్నారు.

సాక్షి, హైదరాబాద్‌: తెలుగు రాష్ట్రాల్లో ఒక్కసారిగా వాతావరణం చల్లబడింది. మంగళవారం కుండపోత వర్షం కురిసింది. అకాల వర్షాల నేపథ్యంలో ప్రమాదాల కారణంగా రెండు రాష్ట్రాల్లో పలువురు మృతిచెందారు.కాగా, హైదరాబాద్‌లోని బాచుపల్లిలోని రేణుక ఎల్లమ్మ కాలనీలో విషాదకర ఘటన చోటుచేసుకుంది. సెంట్రింగ్‌ పని కార్మికుల షెడ్‌పై కూలిన రిటైనింగ్‌ వాల్‌. భారీ వర్షానికి కుప్పకూలిన నిర్మాణంలో ఉన్న గోడ కూలిపోవడంతో ఏడుగురు కార్మికులు మృతి చెందగా.. నలుగురు తీవ్రంగా గాయపడ్డారు.సమాచారం అందిన వెంటనే ఘటనా స్థలానికి చేరుకున్న పోలీసులు, సీఎన్‌డీఆర్‌ఎఫ్‌, జీహెచ్ఎంసీ సిబ్బంది మృతదేహాలను బయటకు తీశారు. ఇక, మృతులను ఒడిషా, ఛత్తీస్‌గఢ్‌కు చెందిన కార్మికులుగా గుర్తించారు. ఇక, ఏపీలో కూడా పిడుగుల కారణంగా ఏడుగురు మృత్యువాడపడ్డారు.  బాచుపల్లి ఘటనపై సీఎం రేవంత్ రెడ్డి ఆరా తీశారు. గోడకూలి ఏడుగురు చనిపోవడంపై సీఎం రేవంత్‌ దిగ్భ్రాంతి వ్యక్తం చేశారు. ఈ ఘటనపై అధికారులను అడిగి వివరాలు తెలుసుకున్నారు. ఈ సందర్భంగా గోడ నిర్మాణంలో నిర్లక్ష్యం వహించిన వారిపై కఠిన చర్యలు తీసుకోవాలని అధికారులను ఆదేశించారు. అలాగే, చనిపోయిన కుటుంబాలకు ప్రభుత్వం అండగా ఉంటుందని సీఎం హామీ ఇచ్చారు. ఈ ఘటనలో గాయపడిన వారికి సరైన వైద్య చికిత్స అందించాలన్నారు.  #HyderabadRains #tankbund #Hussainsagar @CoreenaSuares2 @Rajani_Weather super duper rain. #scary pic.twitter.com/2xvWITJ3jt— sαмυεℓ ραυℓ🇮🇳 (@vikramsamuelp) May 7, 2024 

ఎల్లారెడ్డి: రోడ్డు ప్రమాదంలో గాయపడి చికిత్స పొందుతున్న యువకుడు పరిస్థితి విషమించి మంగళవారం మృతి చెందాడు. మండలంలోని కళ్యాణి గ్రామస్తుల తెలిపిన వివరాలు ఇలా ఉన్నాయి.. గ్రామానికి చెందిన జగదీశ్‌(32) గత గురువారం కామారెడ్డి నుంచి బైక్‌పై కళ్యాణికి వస్తుండగా లింగంపేట మండలం ముస్తాపూర్‌ గ్రామశివారులో అడవిపందులు అడ్డువచ్చాయి. ఈ ఘటనలో బైక్‌ అదుపు తప్పి జగదీశ్‌కు తీవ్రగాయాలయ్యాయి. బాధితుడిని చికిత్స నిమిత్తం హైదరాబాద్‌కు తరలించగా, చికిత్స పొందుతూ పరిస్థితి విషమించి మృతి చెందాడు. మృతుడికి భార్య, ఏడాది కుమారుడు ఉన్నట్లు గ్రామస్తులు తెలిపారు. వాగులో పడి వృద్ధురాలు.. నవీపేట: మాక్లూర్‌ మండలంలోని కొత్తపల్లి గ్రామానికి చెందిన జిట్టవేణి అబ్బాయి(62) మండలంలోని జన్నేపల్లి వాగులో పడి మృతి చెందినట్లు ఎస్సై యాదగిరిగౌడ్‌ మంగళవారం తెలిపారు. అబ్బాయికి మతిస్థిమితం లేకపోవడంతో ఈనెల 6వ తేదీన రాత్రి ఇంట్లో నుంచి బయటకు వెళ్లింది. తిరిగిరాకపోవడంతో కుటుంబ సభ్యులు చుట్టుపక్కల ప్రాంతాలు, బంధువుల ఇళ్లలో వెతికారు. మంగళవారం సాయంత్రం అబ్బాయి వాగులో శవమై కనిపించింది. మృతురాలి భర్త వెంకన్న ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు.

రెంజల్‌(బోధన్‌): ఉదయం త్వరగా నిద్రలేవాలని భర్త మందలించడంతో భార్య ఆత్మహత్య చేసుకున్న ఘటన మండల కేంద్రంలో మంగళవారం చోటు చేసుకుంది. ఎస్సై సాయన్న తెలిపిన వివరాలు ఇలా ఉన్నాయి.. మండల కేంద్రానికి చెందిన గాజ సాయిలు, గాజ లావణ్య(36) భార్యాభర్తలు. ప్రతి రోజూ ఉదయం లావణ్య ఆలస్యంగా నిద్రలేస్తుండడంతో భర్త మందలించేవాడు. మంగళవారం కూడా లావణ్య ఆలస్యంగా నిద్రలేవడంతో సాయిలు మందలించాడు. దీంతో క్షణాకావేశంలో లావణ్య ఇంట్లో నుంచి బయటికి వెళ్లి చెరువులో దూకి ఆత్మహత్య చేసుకుంది. మృతురాలి త్లలి ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు. తల్లి విడిచివెళ్లిపోయిందని యువకుడు.. ఎల్లారెడ్డిరూరల్‌(ఎల్లారెడ్డి): తండ్రి మృతి చెందగా, తల్లి తనను విడిచివెళ్లిపోయిందని మనస్తాపానికి గురై ఓ యువకుడు ఆత్మహత్య చేసుకున్నాడు. మండలంలోని మల్లయ్యపల్లి గ్రామపరిధిలో ఈ ఘటన చోటు చేసుకుంది. ఎస్సై మహేశ్‌ తెలిపిన వివరాల ప్రకారం.. మండలంలోని భిక్కనూర్‌ గ్రామానికి చెందిన బేస్త కృష్ణ (20) గొర్రెలు మేపేందుకు మంగళవారం ఉదయం మల్లయ్యపల్లి శివారుకు వెళ్లాడు. అయితే, కృష్ణ తండ్రి గతంలో మృతి చెందగా, తల్లి సైతం అతడిని వదిలి వెళ్లిపోయింది. అప్పటి నుంచి జీవితంపై విరక్తితో ఉన్న కృష్ణ మంగళవారం చెట్టుకు ఉరేసుకొని ఆత్మహత్య చేసుకున్నాడు. మృతుడి పెద్దనాన్న బీరప్ప ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు.

సుభాష్‌నగర్‌: నిజామాబాద్‌ పార్లమెంట్‌ నియోజకవర్గ స్థానానికి సంబంధించిన అదనపు ఈవీఎంల సెకండ్‌ ర్యాండమైజేషన్‌ ప్రక్రియ మంగళవారంతో ముగిసింది. కలెక్టర్‌ రాజీవ్‌ గాంధీ హనుమంతు నేతృత్వంలో సాధారణ పరిశీలకులు ఎలిస్‌ వజ్‌ ఆర్‌ సమక్షంలో అదనపు కంట్రోల్‌ యూనిట్లు, బ్యాలెట్‌ యూనిట్లు, వీవీ ప్యాట్ల రెండో విడత ర్యాండమైజేషన్‌ నిర్వహించారు. కలెక్టరేట్‌లోని సమావేశ మందిరంలో నిర్వహించిన ఈ ప్రక్రియలో గుర్తింపు పొందిన పార్టీల ప్రతినిధులు, అభ్యర్థులు, వారి తరఫున ప్రతినిధులు పాల్గొన్నారు. పార్లమెంట్‌ సెగ్మెంట్‌ పరిధిలోని నిజామాబాద్‌ జిల్లాలో గల ఆర్మూర్‌, బోధన్‌, నిజామాబాద్‌ అర్బన్‌, నిజామాబాద్‌ రూరల్‌, బాల్కొండ అసెంబ్లీ సెగ్మెంట్ల సెకండ్‌ ర్యాండమైజేషన్‌ సోమవారం పూర్తయ్యింది. కోరుట్ల, జగిత్యాల అసెంబ్లీ సెగ్మెంట్ల పరిధిలో కమిషనింగ్‌ సందర్భంగా సాంకేతిక సమస్యలు తలెత్తిన ఈవీఎంల స్థానంలో అదనంగా కేటాయించిన ఎలక్ట్రానిక్‌ ఓటింగ్‌ యంత్రాలకు మంగళవారం రెండో విడత సప్లిమెంటరీ ర్యాండమైజేషన్‌ నిర్వహించారు. ఎన్నికల విభాగం పర్యవేక్షకుడు పవన్‌, సాత్విక్‌, సంతోష్‌ పాల్గొన్నారు.