బీఎస్-3 ఎఫెక్ట్ : డిస్కౌంట్లతో స్టాకంతా ఖతం

న్యూఢిల్లీ : దీపావళి ఫెస్టివల్ టూ-వీలర్స్ కంపెనీలకు కాస్త కాదు, చాలా ముందుగానే వచ్చింది. దీపావళికి ప్రకటించే డిస్కౌంట్ ఆఫర్లతో ఆటో షోరూంలన్నీ కళకళలాడుతాయి. కానీ సుప్రీంకోర్టు బీఎస్-3 వాహనాల బ్యాన్ ఎఫెక్ట్ తో దీవాళి సరదా అంతా ఇప్పుడే కనిపించింది. బీఎస్-3 వాహనాలను నేటి నుంచి(ఏప్రిల్ 1) బ్యాన్ చేయబోతున్నట్టు సుప్రీంకోర్టు మూడు రోజుల క్రితం తీర్పునిచ్చిన సంగతి తెలిసిందే. ఆర్థిక సంవత్సరం ముగింపుకు ఇంకో మూడు రోజులు ముగుస్తుందనగా సుప్రీం ఈ తీర్పు చెప్పడంతో చివరి రెండు రోజుల్లో భారీ డిస్కౌంట్ ఆఫర్లతో కంపెనీలు వినియోగదారులు ముందుకు వచ్చాయి. అసలు  ఇన్వెంటరీని ఎలా సేల్ చేసుకోవాలా? అనే కంపెనీల ఆందోళనలను పట్టాపంచలు చేస్తూ టూవీలర్స్ స్టాక్ అంతా ఒక్కసారిగా అమ్ముడుపోయింది. బీఎస్-3 నియమాలు కలిగిన వెహికిల్స్ పై టూవీలర్ దిగ్గజం హోండా మోటార్ కార్పొరేషన్ 20-40 శాతం డిస్కౌంట్ ఆఫర్ చేసి, రూ.10,000 నుంచి రూ.22,500 మధ్యలో ధర తగ్గింపును ఇచ్చింది.