TV
'అవాకులు చవాకులు మాట్లాడుతున్నారు'
ఆంధ్రప్రదేశ్ పీసీసీ అధ్యక్షుడు ఎన్. రఘువీరారెడ్డిపై తాడిపత్రి ఎమ్మెల్యే జేసీ ప్రభాకర్రెడ్డి తీవ్రస్థాయిలో విరుచుకుపడ్డారు.
హైదరాబాద్: ఆంధ్రప్రదేశ్ పీసీసీ అధ్యక్షుడు ఎన్. రఘువీరారెడ్డిపై తాడిపత్రి ఎమ్మెల్యే జేసీ ప్రభాకర్రెడ్డి తీవ్రస్థాయిలో విరుచుకుపడ్డారు. మైకుల ముందు రఘువీరా అవాకులు చవాకులు మాట్లాడుతున్నారని మండిపడ్డారు.
మంత్రిగా ఉన్నప్పుడు రఘువీరా ఏ రోజూ సమైక్యాంధ్ర ఉద్యమంలో పాల్గొనలేదని అన్నారు. ఇప్పుడు రాజధాని ఎక్కడ పెట్టాలనే దానిపై అఖిలపక్ష సమావేశం ఏర్పాటు చేయాలని అడిగే హక్కు ఆయనకు లేదని అన్నారు. అనంతపురం జిల్లాకు ఇప్పటిదాకా రఘువీరా ఏమీ చేయలేదని ఆరోపించారు.
