TV
జాతీయ అవార్డులు అందుకున్న చేనేత కళాకారులు
భూదాన్‌పోచంపల్లి: చేనేత సంక్షేమ, అభివృద్ధి పథకాలను క్షేత్రస్థాయిలో విజయవంతంగా అమలు చేసినందుకు గాను హైదరాబాద్‌ వీవర్స్‌ సర్వీస్‌ సెంటర్‌ రీజినల్‌ డైరెక్టర్‌ అరుణ్‌కుమార్‌ స్కీమాటిక్‌ ఇంప్లిమెంటేషన్‌ అండ్‌ డెవలప్‌మెంట్‌ ఆఫ్‌ హ్యాండ్లూమ్‌ విభాగంలో జాతీయ అవార్డు అందుకున్నారు. గురువారం 11వ జాతీయ చేనేత దినోత్సవాన్ని పురస్కరించుకొని న్యూఢిల్లీలో నిర్వహించిన అవార్డు ప్రదానోత్సవంలో కేంద్ర జౌళిశాఖ మంత్రి గిరిరాజ్‌సింగ్‌, సహాయ మంత్రి పబిత్ర మార్గరేటా తదితరుల చేతులమీదుగా ఆయన పురస్కారం అందుకున్నారు.
పుట్టపాక కళాకారులు..
సంస్థాన్‌ నారాయణపురం: సంస్థాన్‌ నారాయణపురం మండలం పుట్టపాక గ్రామానికి చెందిన గూడ పవన్‌ యువ చేనేత విభాగంలో, జాతీయ చేనేత మార్కెటింగ్‌ విభాగంలో గజం నర్మద కూడా జాతీయ అవార్డులు అందుకున్నారు. వారికి ప్రశంసాపత్రం పత్రం, మెమొంటోతో పాటు నగదు పురస్కారం అందజేశారు.
జాతీయ అవార్డులు అందుకున్న చేనేత కళాకారులు
జాతీయ అవార్డులు అందుకున్న చేనేత కళాకారులు
