నేపాలీ ఇదేం పని.. వీధిలో చేయిపట్టుకొని అసభ్య ప్రవర్తన.. దేహశుద్ధి

హైదరాబాద్‌: రాత్రివేళ ఒంటరిగా నడుచుకుంటూ వెళ్తున్న యువతితో  అసభ్యంగా ప్రవర్తించిన నేపాలీ యువకులను గురువారం అబిడ్స్‌ పోలీసులు అరెస్టు చేశారు. పోలీసులు తెలిపిన మేరకు.. బుధవారం రాత్రి బషీర్‌బాగ్‌ సీసీఎస్‌ కార్యాలయం ఎదురుగా ఓ యువతి ఒంటరిగా వెళుతోంది. దీంతో నేపాల్‌ యువకులు ఆమెతో అసభ్యంగా ప్రవర్తించారు. యువతి గట్టిగా అరవడంతో స్థానికులు బంధించి బంధించి దేహశుద్ధి చేశారు. అనంతరం వారిని అబిడ్స్‌ పోలీసులకు అప్పగించినట్లు తెలిపారు. స్థానికంగా ఓ ఫాస్ట్‌ఫుడ్‌ కేంద్రంలో పనిచేస్తున్న సునీల్, ఉమేష్‌, లక్ష్మణ్, పురుషోత్తం, రామ్‌ నేవులుగా గుర్తించారు.