TV
క్లుప్తంగా
నిరుపేదలకు సహాయకాల పంపిణీ
వేలూరు: వేలూరు కొత్త బస్టాండ్‌లోని అన్ని ఆటో కార్మిక సంఘం ఆధ్వర్యంలో నిరుపేదలకు సహాయకాలను పంపిణీ చేస్తున్నారు. అందులో భాగంగా సోమవారం ఉదయం ఆ సంఘం అధ్యక్షులు ఎమ్‌ఎమ్‌ మణి అధ్యక్షతన వివిధ రకాల మొక్క లు అందజేసి.. అన్నదానం చేశారు. ఇందులో ముఖ్య అథిదిగా విరుదంబట్టు సబ్‌ ఇన్సెపెక్టర్‌ ఆదర్శ్‌, కాట్పాడి జూనియర్‌ రెడ్‌క్రాస్‌ కార్యదర్శి, ఒకేషనల్‌ టీచర్స్‌ అసోషియేషన్‌ రాష్ట్ర ప్రధాన కార్యదర్శి జనార్దనన్‌ పాల్గొని అన్నదాన కార్యక్రమాన్ని ప్రారంభించారు. ఆటో కార్మిక సంఘం కార్యదర్శి కుమరేషన్‌, కోశాధికారి పవన్‌కుమార్‌, సభ్యులు కుమార్‌, వెంకటేశన్‌, శివకుమార్‌, సరేందర్‌, శాంతకుమార్‌ పాల్గొన్నారు.
రూ. 51 తగ్గిన వాణిజ్య గ్యాస్‌ సిలిండర్‌ ధర
కొరుక్కుపేట: ప్రభుత్వ రంగ చమురు కంపెనీలు దేశవ్యాప్తంగా గృహోపకరణాలకు 14.20 కిలోల బరువులు, వాణిజ్య అవసరాలకు 19 కిలోల బరువులు కలిగిన వంట గ్యాస్‌ సిలిండర్లను పంపిణీ చేస్తున్నాయి. అంతర్జాతీయ మార్కెట్లో ముడి చమురు ధర, అమెరికా డాలర్‌తో పోలిస్తే భారత రూపాయి విలువ ఆధారంగా చమురు కంపెనీలు పెట్రోల్‌, డీజిల్‌, వంట గ్యాస్‌ సిలిండర్ల ధరలను నిర్ణయిస్తాయి. ప్రతి నెలా ఒకటో తేదీన వంట గ్యాస్‌ సిలిండర్ల ధరలను సవరిస్తారు. ఆ విషయంలో ఈ నెలలో వాణిజ్య గ్యాస్‌ సిలిండర్ల ధర తగ్గింది. గత నెలలో 19 కిలోల వాణిజ్య గ్యాస్‌ సిలిండర్‌ రూ.1,789కి అమ్ముడైంది. ప్రస్తుతం సిలిండర్‌ రూ.51 తగ్గి రూ.1,738కి విక్రయిస్తున్నట్లు అధికారులు వెల్లడించారు.
7వ తేదీన నైల్లెలో
కాంగ్రెస్‌ సమావేశం
– లక్ష మంది సమీకరణే లక్ష్యం
కొరుక్కుపేట: తిరునేల్వేల్లి వేదికగా ఈనెల 7వ తేదీన కాంగ్రెస్‌ సమావేశం నిర్వహించనున్నారు. ఇందుకోసం లక్ష మందిని సమీకరించనున్నారని ఆ పార్టీ నాయకులు వెల్లడించారు. ఈ వేడుకకు ఢిల్లీ నుంచి అగ్ర నాయకులు ఈ సమావేశంలో పాల్గొననున్నారు. తమిళనాడు నుంచి కూడా ముఖ్య నాయకులు పాల్గొని కీలకోపన్యాసం చేయనున్నారు. ఓట్‌ చోరీని అడ్డుకుంటాం, ఓటు హక్కులు కల్పిస్తాం‘ అనే నినాదంతో ఈ సమావే శం సాగుతుంది. పాళయంకోట్టై కోర్టు ఎదురుగా ఉన్న మైదానంలో జరగనున్న ఈ సమావేశ వేదికను కాంగ్రెస్‌ రాష్ట్ర అధ్యక్షులు, ఎమ్మెల్యే సెల్వపెరందగై సోమవా రం పరిశీలించారు.
హాస్టల్‌లో యువకుడి ఆత్మహత్య
అన్నానగర్‌: అప్పుల బాధతో నజరేత్‌పేటలోని ఒక లాడ్జిలో యువకుడు ఉరి వేసుకుని ఆత్మహత్య చేసుకున్నాడు. పూందమల్లి సమీపంలోని నజరత్‌పేటలోని కన్నపిరాన్‌ వీధికి చెందిన సతీష్‌ కుమార్‌(31) ఆలయాలలో పూల అలంకరణ చేయడం, సౌండ్‌ సిస్టమ్‌ నడుపుతున్న వ్యాపార యజమాని. ఈ పరిస్థితిలో అతను గత కొన్ని రోజులుగా పూందనమల్లి సమీపంలోని నజరత్‌పేటలో నివశిస్తున్నాడు. వారు ఒక ప్రైవేట్‌ హాస్టల్‌లో బస చేసి తిరిగి వచ్చారు. ఈ స్థితిలో సోమవారం చాలా సేపటి తర్వాత కూడా సతీష్‌కుమార్‌ గది నుంచి బయటకు రాలేదు. అనుమానం వచ్చిన సిబ్బంది గదిలోకి వెళ్లి చూడగా సతీష్‌కుమార్‌ ఉరి వేసుకుని చనిపోయి కనిపించాడు. ఇది చూసి హోటల్‌ సిబ్బంది షాక్‌ అయ్యా రు. ఈ విషయాన్ని హాస్టల్‌ యాజమాన్యం నజరత్‌పేట్‌ పోలీసులకు సమాచారం అందించింది. సంఘటనా స్థలానికి చేరుకున్న పోలీసులు సతీష్‌కుమార్‌ మృతదేహాన్ని స్వాధీనం చేసుకుని పోస్టుమార్టం కోసం చైన్నెలోని కీల్పాక్కం ప్రభుత్వ వైద్య కళాశాలకు పంపారు. వాళ్లు అతన్ని కాలేజీ ఆసుపత్రికి పంపారు. ఇంకా నసరత్‌పేట పోలీసులు కేసు నమోదు చేసి దర్యాప్తు చేపట్టారు. పెళ్లికాని సతీష్‌కుమార్‌ చాలా అప్పుల్లో ఉన్నాడని తేలింది. దీని కారణంగా అతను హాస్టల్‌లో ఉంటూ మద్యం తాగి ఆత్మహత్య చేసుకున్నాడని వెల్లడైంది. ఈ సంఘటనపై పోలీసులు కూడా దర్యాప్తు కొనసాగిస్తున్నారు.
తెలుగుబుక్‌ ఆఫ్‌ రికార్డ్స్‌ కో–ఆర్డినేటర్‌గా శ్రీదేవి
కొరుక్కుపేట: చైన్నెకు చెందిన తెలుగు రచయిత్రి, తెలుగు భాష ప్రేమికులు, ‘ఫేసెస్‌’ సంస్థ వ్యవస్థాపకులు, రాష్ట్రేతర తెలుగు సమాఖ్య తమిళనాడు జోనల్‌ కార్యదర్శి లేళ్లపల్లి శ్రీదేవిని తెలుగు బుక్‌ ఆఫ్‌ రికార్డ్స్‌వారు తమిళనాడు రాష్ట్ర కల్చరల్‌ జర్నల్‌ ఫ్రీలాన్స్‌ చీఫ్‌ కోఆర్డినేటర్‌గా నియమించారు. మాతృభాష తెలుగు కోసం సేవకులుగా, సంస్కృతి సంప్రదాయాలు, పండుగలు, సమాజ సేవను తాను అనుసరిస్తూ భవిష్యత్‌ తరాలకు అందించడానికి నిరంతరం కృషి చేస్తున్న శ్రీదేవి సేవలను గుర్తించి తెలుగు బుక్‌ ఆఫ్‌ రికార్డ్స్‌ వారు ఆమెను కో–ఆర్డినేటర్‌ పదవిలో నియమించారు. శ్రీదేవి తెలుగు బుక్‌ ఆఫ్‌ రికార్డ్స్‌ తమిళనాడు రాష్ట్ర కో–ఆర్డినేటర్‌గా నియమితులయ్యాక మొట్టమొదటి ధ్రువీకరణ పత్రాన్ని అంతర్జాతీయ సదస్సులో సినీ గేయ రచయిత భువనచంద్రకు, సంబంధిత అంతర్జాతీయ సదస్సును నిర్వహించిన మద్రాస్‌ విశ్వవిద్యాలయం తెలుగు శాఖ అధ్యక్షుడు ఆచార్య విస్తాలి శంకరరావులకు అందజేసినట్టు సోమవారం ఒక ప్రకటనలో తెలియజేశారు.
క్లుప్తంగా
