ఫలించిన లాక్‌డౌన్‌.. అరకోటి దాటిన రికవరీలు

Lockdown Effect In Maharashtra Covid Patients Recovered Toll Increasing - Sakshi

మహారాష్ట్రలో తగ్గుతున్న కరోనా కేసులు 

గణనీయంగా పెరిగిన రికవరీ రేటు 

సెకండ్‌ వేవ్‌లో కోలుకున్నవారు 26 లక్షల మంది

సాక్షి, ముంబై: రాష్ట్రవ్యాప్తంగా కరోనా మహమ్మారి తగ్గుముఖం పడుతోంది. రికవరీ రేటు క్రమంగా పెరుగుతోంది. కొన్ని ప్రాంతాలు మినహా దాదాపు అన్ని జిల్లాల్లో కరోనా రికవరీ రేటు గణనీయంగా పెరుగుతుండగా.. కొత్తగా నమోదయ్యే కరోనా కేసుల సంఖ్య తగ్గుతూ వస్తోంది. రాష్ట్రంలో కరోనా మహమ్మారి బారి నుంచి కోలుకున్నవారి సంఖ్య గురువారం నాటికి 50 లక్షలు దాటింది. రికవరీ రేటు 92 శాతానికి చేరువయ్యింది.

దేశంలో ప్రవేశించిన 36 రోజులకు రాష్ట్రంలోకి వచ్చిన కరోనా వైరస్‌.. తన రక్కసి పంజాను విసిరింది. గత 14 నెలల కాలంలో తగ్గినట్టే తగ్గుతూ, మళ్లీ పెరుగుతూ రాష్ట్రంలో భయాందోళనలు సృష్టించింది. ముఖ్యంగా గత సంవత్సరం కంటే ఈ సంవత్సరం సెకండ్‌ వేవ్‌లో అత్యధికంగా కేసులు నమోదయ్యాయి. ఒక్కరోజులోనే రికార్డు స్థాయిలో 67 వేల మందికి పైగా కరోనా బారినçపడ్డారంటే కరోనా ఎలా విజృంభించిందో అర్థం చేసుకోవచ్చు. ఆ సమయంలో ఒక్కరోజులో మరణించినవారి సంఖ్య కూడా వెయ్యి దాటింది. అయితే, కోలుకున్నవారి సంఖ్య కూడా ఒక్కరోజులో రికార్డు స్థాయిలో 70 వేలు దాటడం విశేషం.

అనేక రకాలుగా భయాందోళనలు సృష్టించిన కరోనా మహమ్మారి నుంచి కోలుకునేవారి సంఖ్య గత కొన్ని రోజులుగా పెరుగుతుండటం అటు ప్రభుత్వానికి, ఇటు ప్రజలకు ఊరటనిస్తోంది. రాష్ట్రంలో కరోనా వైరస్‌ ప్రవేశించిన 2020 మార్చి నెలలో మొత్తం 302 కేసులు నమోదు కాగా, 10 మంది మృతి చెందారు. అదే ఏడాది ఏప్రిల్‌లో రెండు వేలకు చేరువైన కోలుకునేవారి సంఖ్య.. జూన్‌ నాటికి లక్షకు చేరుకుంది. ఆగస్టునాటికి 5 లక్షల మందికి పైగా కోలుకోగా.. సెప్టెంబర్‌ నాటికి రికవరీల సంఖ్య 10 లక్షలు దాటింది. క్రమంగా పెరుగుతూ వచ్చిన రికవరీల సంఖ్య 2020 అక్టోబర్‌ చివరికి 15 లక్షలకు చేరుకుంది.

అయితే, ఆ తర్వాత కాలంలో కరోనా నుంచి కోలుకునే వారి సంఖ్య కొంత నెమ్మదించింది. రికవరీల సంఖ్య 15 లక్షల నుంచి 20 లక్షలకు చేరడానికి దాదాపు మూడు నెలల సమయం పట్టింది. చివరికి 2021 ఫిబ్రవరిలో రికవరీల సంఖ్య 20 లక్షలు దాటింది. అయితే, 2021 మార్చి నుంచి రాష్ట్రంలో కరోనా మహమ్మారి మరోసారి విజృంభించింది. సెకండ్‌ వేవ్‌ ఉధృతితో కేసులు విపరీతంగా పెరిగాయి. ఫలితంగా రికవరీ రేటు తగ్గింది. సెకండ్‌ వేవ్‌లో కరోనా వైరస్‌ రాష్ట్రంలో విజృంభించడంతో దేశంలోనే అత్యధిక కేసులున్న రాష్ట్రంగా మహారాష్ట్ర నిలిచింది. 

ఫలించిన లాక్‌డౌన్‌..! 
రాష్ట్రంపై పంజా విసిరిన కరోనా మహామ్మారికి అడ్డుకట్ట వేసేందుకు రాష్ట్ర ప్రభుత్వం కఠినమైన ఆంక్షలతోపాటు వారాంతపు లాక్‌డౌన్‌ ప్రకటించింది. దీంతో పరిస్థితుల్లో కొంచెం మార్పు వచ్చింది. వ్యాక్సినేషన్‌ ప్రక్రియను కూడా ప్రభుత్వం పెద్ద ఎత్తున నిర్వహించింది. అయినా, కొత్తగా నమోదవుతున్న కరోనా కేసుల సంఖ్య తగ్గకపోవడంతో, అత్యంత కఠినమైన ఆంక్షలతో కూడిన లాక్‌డౌన్‌ను విధించింది. ఇలా రాష్ట్ర ప్రభుత్వం చేసిన ప్రయత్నాలు ఎట్టకేలకు సఫలీకృతం అయ్యాయి. కొత్తగా నమోదవుతున్న కరోనా కేసుల సంఖ్య తగ్గడంతో పాటు కరోనా రోగుల సంఖ్య కూడా తగ్గుముఖం పట్టింది.

అదే సమయంలో కరోనాను జయించి కోలుకునేవారి సంఖ్య కూడా గణనీయంగా పెరిగింది. బుధవారం రాష్ట్రంలో కొత్తగా 34,031 కరోనా కేసులు నమోదవగా.. 51,457 మంది కరోనా బారి నుంచి బయటపడ్డారు. ఇలా గత కొన్ని రోజులుగా నమోదవుతున్న కేసుల కంటే కోలుకుంటున్నవారి సంఖ్య పెరుగుతూ వస్తోంది. గురువారం కొత్తగా 29,271 మందికి కరోనా పాజిటివ్‌గా నిర్ధారణ కాగా.. 47,371 మంది కరోనా నుంచి కోలుకున్నారు. ఇలా ఇప్పటివరకు రాష్ట్రంలో 54,97,448 మందికి కరోనా సోకగా.. వారిలో 50,26,308 మంది కరోనా నుంచి కోలుకున్నారు. దీంతో గురువారం నాటికి రాష్ట్రంలో కరోనా రికవరీల సంఖ్య అరకోటి దాటినట్లు అయింది. 

సెకండ్‌ వేవ్‌లో కోలుకున్నవారు 26 లక్షలు 
రాష్ట్రంలో సెకండ్‌ వేవ్‌ ఉధృతి నేపథ్యంలో గణనీయంగా పెరిగిన కరోనా కేసులు ప్రస్తుతం తగ్గుముఖం పట్టాయి. మరోవైపు కరోనా నుంచి కోలుకున్నవారి సంఖ్య గణనీయంగా పెరిగింది. 2021 మార్చి ఆఖరి వరకు రాష్ట్రంలో 28,12,980 కరోనా కేసులు నమోదవగా.. వారిలో 24,00727 మంది కోలుకున్నారు. సెకండ్‌ వేవ్‌ అనంతరం మే 20వ తేదీ వరకు కరోనా కేసుల సంఖ్య 26,84,468 పెరిగి 54,97,448కి చేరింది. అదేసమయంలో కరోనాతో కోలుకున్నవారి సంఖ్య కూడా 26,25,581 పెరిగి 50,26,308కి చేరింది.

Read latest National News and Telugu News | Follow us on FaceBook, Twitter, Telegram

మరిన్ని వార్తలు

21-05-2021
May 21, 2021, 17:55 IST
సాక్షి, అమరావతి: గత 24 గంటల్లో ఆంధ్రప్రదేశ్‌లో 92,231 మందికి కరోనా పరీక్షలు నిర్వహించగా 20,937 మందికి కరోనా పాజిటివ్‌గా నిర్థారణ అయ్యింది. ఇప్పటివరకు రాష్ట్రంలో 15,39,184...
21-05-2021
May 21, 2021, 16:50 IST
‘ఓం కరోనా ఫట్‌, ఫట్‌, ఫట్‌.. స్వాహా..’ అంటూ దిక్కులు పిక్కటిల్లేలా మంత్రాలు జపించాడు....
21-05-2021
May 21, 2021, 15:26 IST
సిడ్నీ:  కోవిడ్‌-19పై భారత్‌ అలుపెరుగని పోరాటం చేస్తోందని, త్వరలోనే మహమ్మారిని తరిమికొట్టి పూర్వపు వైభవాన్ని సంతరించుకుంటుందని  ఆస్ట్రేలియా మాజీ క్రికెటర్‌...
21-05-2021
May 21, 2021, 14:57 IST
పిట్టకథలు.. పెట్టీ కేసులు.. 
21-05-2021
May 21, 2021, 14:36 IST
కోల్‌కతా: కోవిడ్‌ ఎందరినో బలి తీసుకుంది. ఎన్నో కుటుంబాలను చిదిమేసింది. రూపు మార్చుకుంటూ.. ఆనవాలు చిక్కకుండా జనాలను అంతం చేస్తుంది....
21-05-2021
May 21, 2021, 12:26 IST
హైదరాబాద్‌: మహమ్మారి కరోనా మనుషుల ప్రాణాలు బలిగొనడంతో పాటు మానవత్వాన్ని కూడా మంటగలుపుతోంది. సాటి మనిషి చనిపోతే అయ్యో పాపం...
21-05-2021
May 21, 2021, 10:12 IST
సొంతంగా కోవిడ్‌ నిర్ధారణ పరీక్షలు చేసుకునేలా పుణేకు చెందిన మైలాబ్‌ సంస్థ రూపొందించిన ‘కోవి సెల్ఫ్‌’ టెస్ట్‌ కిట్‌కు ఐసీఎంఆర్‌ ఆమోద...
21-05-2021
May 21, 2021, 10:09 IST
కరోనాను నివారించే ఆయుర్వేద మందు పంపిణీకి రంగం సిద్ధమైంది. శ్రీపొట్టి శ్రీరాములు నెల్లూరు జిల్లా ముత్తుకూరు మండలం కృష్ణపట్నంలో మూడు...
21-05-2021
May 21, 2021, 09:44 IST
నాగబాబు కాకినాడలోని ఓ ఆస్పత్రిలో చికిత్స పొందుతూ మరణించారు. ఇది చాలా బాధాకరమైన సంఘటన. కొద్ది రోజుల క్రితమే నేను...
21-05-2021
May 21, 2021, 09:09 IST
కంటికి కనిపించని కరోనా ఎంతోమంది జీవితాలతో చెలగాటం ఆడుతోంది. శారీరకంగా, మానసికంగా హింసిస్తూ ప్రజలను పీల్చి పిప్పి చేస్తోంది. ఇక...
21-05-2021
May 21, 2021, 06:23 IST
సీఎంల పట్ల మోదీ వ్యవహరించిన తీరుపై పశ్చిమ బెంగాల్‌ ముఖ్యమంత్రి మమతా బెనర్జీ మండిపడ్డారు.
21-05-2021
May 21, 2021, 06:11 IST
న్యూఢిల్లీ: రోజూవారీ కరోనా నిర్ధారణ పరీక్షల సామర్థ్యాన్ని పెంచుకోవడంపై కేంద్ర ప్రభుత్వం దృష్టిసారించింది. ప్రస్తుతం రోజుకు 16–20 లక్షల కరోనా...
21-05-2021
May 21, 2021, 06:04 IST
సాక్షి, న్యూఢిల్లీ: దేశంలో వరసగా ఏడో రోజూ కొత్త పాజిటివ్‌ కేసుల సంఖ్యతో పోల్చితే రికవరీల సంఖ్య ఎక్కువగా ఉంటోంది....
21-05-2021
May 21, 2021, 05:27 IST
ఎన్ని జాగ్రత్తలు తీసుకున్నా ఏదోలా కరోనా సోకింది. ఐసోలేషన్‌లో ఉంటూ, జాగ్రత్తగా మందులు వాడుతూ.. కరోనా నుంచి బయటపడ్డారు.. మరి...
21-05-2021
May 21, 2021, 05:27 IST
పిల్లలు, యువతలో కరోనా వైరస్‌ వ్యాప్తిని, వారిపై దాని ప్రభావాన్ని, తీవ్రతను నిశితంగా పరిశీలించి, రికార్డు చేయాలని ప్రధానమంత్రి నరేంద్ర...
21-05-2021
May 21, 2021, 05:16 IST
సాక్షి, న్యూఢిల్లీ: కరోనా విజృంభణతో ఇప్పటికే తీవ్ర ఒత్తిడికి లోనవుతున్న ఆరోగ్య వ్యవస్థకు మరో వ్యాధి సవాల్‌ విసురుతోంది. కరోనా...
21-05-2021
May 21, 2021, 05:03 IST
బ్లాక్‌ ఫంగస్‌ తరహాలోనే మనపై దాడిచేసే మరో మహమ్మారి.. వైట్‌ ఫంగస్‌. దీని అసలు పేరు కాండిడా అల్బికాన్స్‌. ఇది...
21-05-2021
May 21, 2021, 03:02 IST
న్యూఢిల్లీ: కరోనా నిర్థారణ పరీక్షలు ఇకపై క్షణాల్లోనే నిర్వహించే పద్దతిని అమెరికాలోని ఫ్లోరియా యూనివర్సిటీకి చెందిన శాస్త్రవేత్తలు రూపొందించారు. బయో...
21-05-2021
May 21, 2021, 02:49 IST
సాక్షి, హైదరాబాద్‌: ఎంజీఎం ఆస్పత్రిలో చికిత్స పొందుతున్న కరోనా రోగులను పరామర్శించి వారిలో ధైర్యం నింపడానికి ముఖ్యమంత్రి కె.చంద్రశేఖర్‌రావు శుక్రవారం...
21-05-2021
May 21, 2021, 02:39 IST
సాక్షి, న్యూఢిల్లీ: దేశవ్యాప్తంగా కరోనా మహమ్మారి సృష్టించిన భయాందోళనల మధ్య కేంద్ర ప్రభుత్వం తాజాగా మరికొన్ని మార్గదర్శకాలను జారీ చేసింది....
Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి



 

Read also in:
Back to Top