TV
హిట్లు ప్లాప్‌లతో సంబంధం లేకుండా వరుస సినిమాలతో దూసుకుపోతున్నాడు యంగ్‌ హీరో నితిన్. ఆయన తాజాగా నటించిన చిత్రం ‘మాచర్ల నియోజకవర్గం’. బ్యూటీఫుల్‌ హీరోయిన్స్‌ కృతీ శెట్టి, కేథరిన్‌ థ్రేసా కథానాయికలుగా అలరించనున్న ఈ మూవీకి ఎంఎస్‌ రాజశేఖర్‌ రెడ్డి దర్శకత్వం వహించారు.
Macherla Niyojakavargam: హిట్లు ప్లాప్‌లతో సంబంధం లేకుండా వరుస సినిమాలతో దూసుకుపోతున్నాడు యంగ్‌ హీరో నితిన్. ఆయన తాజాగా నటించిన చిత్రం ‘మాచర్ల నియోజకవర్గం’. బ్యూటీఫుల్‌ హీరోయిన్స్‌ కృతీ శెట్టి, కేథరిన్‌ థ్రేసా కథానాయికలుగా అలరించనున్న ఈ మూవీకి ఎంఎస్‌ రాజశేఖర్‌ రెడ్డి దర్శకత్వం వహించారు. రాజ్‌కుమార్‌ ఆకెళ్ల సమర్పణలో శ్రేష్ట్‌ మూవీస్‌ బ్యానర్‌పై సుధాకర్‌ రెడ్డి, నికితారెడ్డి ఈ చిత్రాన్ని నిర్మిస్తున్నారు.
ఈ సినిమా టైటిల్ అనౌన్స్‌మెంట్ నుండే ప్రేక్షకుల్లో అంచనాలు పెంచగా.. ఇటీవల విడుదలైన గ్లింప్స్‌, పోస్టర్స్‌ ప్రేక్షకులను విపరీతంగా ఆకట్టుకున్నాయి. ఇక 'రారా రెడ్డి' అనే సాంగ్‌ అయితే అధిక వ్యూస్‌తో యూట్యూబ్‌లో దూసుకుపోతోంది. ఈ పాటలో వచ్చే 'రాను రాను అంటూనే చిన్నదో' అనే బీట్‌ సోషల్ మీడియాలో ట్రెండింగ్‌ మారింది. ఈ పాటతో టాలీవుడ్ స్టార్‌ హీరోల స్టెప్పులను సింక్‌ చేస్తూ అనేక వీడియోలను రిలీజ్‌ చేశారు. అవి కూడా నెటిజన్లను విపరీతంగా ఎంటర్‌టైన్‌ చేశాయి.
తాజాగా ఈ సినిమా నుంచి మరో సాంగ్‌ విడుదలైంది. 'అదిరిందే పసిగుండే' అంటూ సాగే ఫుల్‌ వీడియో సాంగ్‌ను శనివారం (జులై 23) ఉదయం రిలీజ్‌ చేశారు. ఈ పాటలో నితిన్, కృతీశెట్టి తమ డ్యాన్స్‌తో అదరగొట్టారు. మహతి స్వర సాగర్‌ మ్యూజిక్‌ అందించగా పాటను సంజిత్‌ హెగ్డే ఆలపించారు. ఫ్యాక్షన్‌, పొలిటికల్‌ ఎంటర్‌టైనర్‌గా తెరకెక్కిన ‘మాచర్ల నియోజకవర్గం’ సినిమా ఆగస్టు 12న ప్రేక్షకుల ముందుకు రానుంది.
