తొలిసారి లాటరీ గెలిచిన నటుడు.. ప్రైజ్‌మనీ ఎంతంటే?

తమిళ నటుడు బాల (బాలకుమార్‌).. గతేడాది నాలుగో పెళ్లి చేసుకున్నాడు. చుట్టాలమ్మాయి కోకిల మెడలో మూడుముళ్లు వేశాడు. వీరిద్దరి మధ్య 18 ఏళ్ల వయసు వ్యత్యాసం ఉన్నా.. ఎలాంటి పొరపచ్చాలు లేకుండా సంతోషంగా జీవిస్తున్నారు. తాజాగా ఈ దంపతులు గుడ్‌న్యూస్‌ చెప్పారు. మొట్టమొదటిసారి ఓ లాటరీ గెలిచినట్లు వెల్లడించారు.

మా అదృష్టం.. మొదటిసారి లాటరీ గెలిచాం. ఇదంతా ఆ దేవుడి ఆశీర్వాదం వల్లే సాధ్యమైంది. లాటరీ ద్వారా రూ.25 వేల ప్రైజ్‌మనీ లభించింది అని బాలా (Actor Bala) సోషల్‌ మీడియాలో పేర్కొన్నాడు. ఈ డబ్బును ఏదైనా మంచిపని కోసం ఉపయోగించమని చెప్తూ భార్య చేతికి ఆ డబ్బు అందించాడు.

వైవాహిక జీవితం
తమిళ నటుడు బాలా మలయాళంలోనే ఎక్కువ గుర్తింపు తెచ్చుకున్నాడు. ఈయన తెలుగులో టూమచ్‌, చాప్టర్‌ 6 సినిమాలు చేశాడు. బాలా వైవాహిక జీవితం విషయానికి వస్తే.. ఇతడు 2008లో చందన సదాశివ అనే అమ్మాయిని పెళ్లాడాడు. ఏడాదికే ఆమెకు విడాకులిచ్చేసి 2010లో మలయాళ సింగర్‌ అమృతా సురేశ్‌ను పెళ్లి చేసుకున్నాడు. వీరికి ఓ కూతురు కూడా పుట్టింది. ఈ జంట కూడా ఎంతోకాలసం కలిసుండలేదు. దంపతుల మధ్య భేదాభిప్రాయాలు రావడంతో 2019లో విడాకులు తీసుకున్నారు. 2021లో డాక్టర్‌ ఎలిజబెత్‌ ఉదయన్‌ను పెళ్లాడగా ఆమెతోనూ విడిపోయాడు. గతేడాది అక్టోబర్‌లో కోకిలను నాలుగో పెళ్లి చేసుకున్నాడు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Filmactor Bala (@actorbala)

 

చదవండి: ఇంటింటికీ తిరిగి ఛాన్సులివ్వమని అడుక్కున్న హీరో! ఆయన రేంజేంటి?!