విచిత్రమైన ప్రేమ

ఆయుష్మాన్‌ ఖురానా, వాణీ కపూర్‌ జంటగా ఓ సినిమాలో నటిస్తున్నట్టు ఇటీవలే ప్రకటించారు. అభిషేక్‌ కపూర్‌ దర్శకత్వం వహిస్తున్న ఈ సినిమాకు ‘ఛండీఘర్‌ కరే ఆషికీ’ అనే టైటిల్‌ను ఫిక్స్‌ చేశారు. ఇదో పూర్తి స్థాయి ప్రేమకథా చిత్రం అని సమాచారం. కానీ ఇందులో ఓ విశేషం ఉంది. ఈ సినిమాలో హీరోయిన్‌గా నటిస్తున్న వాణీ కపూర్‌ ట్రాన్స్‌జెండర్‌ పాత్రధారిగా కనిపిస్తారట. ట్రాన్స్‌జెండర్‌ అయిన వాణీకపూర్‌కీ, ఆయుష్మాన్‌కి మధ్య నెలకొనే విచిత్రమైన ప్రేమ ఈ సినిమాకి హైలెట్‌ అని బాలీవుడ్‌ టాక్‌. తెలుగులో ‘ఆహా కల్యాణం’ చిత్రంలో కథానాయికగా నటించిన వాణీ కపూర్‌ ఆ తర్వాత హిందీ చిత్రాలే చేస్తున్నారు. ప్రస్తుతం అక్షయ్‌ కుమార్‌ సరసన ఆమె చేసిన ‘బెల్‌ బాటమ్‌’, రణ్‌బీర్‌ కపూర్‌తో చేసిన ‘షంషేరా’ విడుదలకు సిద్ధంగా ఉన్నాయి.