దరఖాస్తు గడువు పొడిగింపు

దరఖాస్తు గడువు పొడిగింపు

కాగజ్‌నగర్‌ టౌన్‌: జవహర్‌ నవోదయ విద్యాలయంలో 2026–27 విద్యాసంవత్సరానికిగానూ 9, 11 తరగతుల్లో ఖాళీల భర్తీకి దరఖాస్తు గడువు అక్టోబర్‌ 23 వరకు పొడిగించినట్లు ప్రిన్సిపాల్‌ రేపాల కృష్ణ శనివారం ఒక ప్రకటనలో తెలిపారు. ఉమ్మడి ఆదిలాబాద్‌ జిల్లాలోని ప్రభుత్వ గుర్తింపు పొందిన పాఠశాలల్లో 8, 10 తరగతులు చదువుతున్న విద్యార్థులు దరఖాస్తు చేసుకోవచ్చని సూచించారు.

అడవిలో అరుదైన ‘హైగ్రోసైబ్‌ పెల్లిసిడా’

జన్నారం: హైదరాబాద్‌ టైగర్‌ కన్జర్వేషన్‌ సొసైటీ నార్త్‌ తెలంగాణ కోఆర్డినేటర్‌ డాక్టర్‌ ఎనగందుల వెంకటేశ్‌ శనివారం కవ్వాల్‌ టైగర్‌జోన్‌లో శిలీంద్ర జాతికి చెందిన అరుదైన హైగ్రోసైబ్‌ పెల్లిసిడాను కనుగొన్నారు. 2024లో కేరళ రాష్ట్రంలోని హైగ్రోఫోరేసి కుటుంబంలో ఒక కొత్త జాతిగా మొదటిసారి కనుగొన్నారు. చిన్న, సున్నితమైన అగారిక్‌ ఫంగస్‌ అని తెలిపారు. ఇవి సాధారణంగా గడ్డి మైదానాలు, చిత్తడి ప్రాంతాల్లో కనిపిస్తాయని, దీనిని వాక్స్‌కప్‌ అని పిలుస్తారన్నారు. తెలంగాణ రాష్ట్రంలోని కవ్వాల్‌ టైగర్‌జోన్‌లో మొదటిసారి నిర్ధారించినట్లు ఆయన పేర్కొన్నారు.