మార్గ సూచి.. ప్రయోజనకారి

మార్గ సూచి.. ప్రయోజనకారి

నిర్మల్‌ఖిల్లా: జిల్లాల్లోని పాఠశాలల్లో అకడమిక్‌ క్యా లెండర్‌ పంపిణీకి పాఠశాల విద్యాశాఖ శ్రీకారం చుట్టింది. విద్యాసంవత్సరానికి అనుగుణంగా రూ పొందించిన ఈ క్యాలెండర్‌ ద్వారా బోధన, పరీక్షలు, సెలవులు, సాంస్కృతిక కార్యక్రమాలు, వార్షిక కార్యక్రమాల షెడ్యూల్‌ పొందుపర్చింది. విద్యాశా ఖ ప్రతీ సంవత్సరం విధివిధానాల ప్రకారం క్యా లెండర్‌ విడుదల చేస్తూ వస్తోంది. ప్రభుత్వ పాఠశాలలు, కలెక్టరేట్‌, డీఈవో తదితర కార్యాలయాలు, ఆయా పాఠశాలల్లో క్యాలెండర్లను ప్రదర్శించేలా చ ర్యలు చేపట్టాలని పాఠశాల విద్యాశాఖ డైరెక్టర్‌ నవీ న్‌ నికోలస్‌ ఈ నెల 27న ఆదేశాలు జారీ చేశారు.

కార్యక్రమాల పటిష్ట అమలుకు..

ఏటా విద్యాసంవత్సరం ప్రారంభంలో అకడమిక్‌ క్యాలెండర్‌ పేరిట మార్గ సూచిని విడుదల చేస్తున్నా పాఠశాలల్లో దీనిని అమలు చేయడంలో మాత్రం లోపాలు తలెత్తుతున్నట్లు పాఠశాల విద్యాశాఖ గు ర్తించింది. ఈ నేపథ్యంలో ఉపాధ్యాయులకు మిన హా విద్యార్థులు, వారి తల్లిదండ్రులకు విద్యాశాఖ వి డుదల చేస్తున్న అకడమిక్‌ క్యాలెండర్‌ నిర్వహణపై సరైన అవగాహన ఉండడం లేదని భావించింది. దీంతో అకడమిక్‌ క్యాలెండర్‌ను పోస్టర్‌ రూపంలో అన్ని పాఠశాలల్లో ప్రదర్శించేలా విద్యాశాఖ అధికారులు చర్యలు చేపడుతున్నారు.

క్యాలెండర్‌లో ఉండే సమాచారం

ఉమ్మడి జిల్లాలో 3,343 పాఠశాలలున్నాయి. 232 పాఠశాల సముదాయాలున్నాయి. వీటన్నింటిలో జిల్లా పాఠశాల విద్యాశాఖ ఆధ్వర్యంలో అకడమిక్‌ క్యాలెండర్లను పంపిణీ చేసి ప్రదర్శించేలా అన్ని ఏ ర్పాట్లు చేస్తోంది. ఏ నెలలో ఏయే పరీక్షలు నిర్వహించాలి.. సిలబస్‌ పూర్తిచేసే సమయం, పాఠశాల సముదాయ సమావేశాలు, ప్రదర్శన పోటీలు, క్రీడలు, గ్రంథాలయాల నిర్వహణ తదితర వివరాలన్ని టినీ ఇందులో పొందుపరచబడి ఉంటాయి. ప్రధా న కార్యకలాపాలను అంశాలవారీగా రూపొందించి ఉండడంతో తదనగుణంగా అకడమిక్‌ క్యాలెండర్‌ ను ప్రయోజనాత్మకంగా అమలుచేసే ఆస్కారం ఉంటుంది. పారదర్శకత లోపించకుండా ఉంటుంది.

విద్యా విషయక ప్రయోజనాలెన్నో..

పాఠశాల విద్యాశాఖ ఆధ్వర్యంలో ప్రచురించిన అకడమిక్‌ క్యాలెండర్ల పంపిణీ ద్వారా విద్యాపరమైన ప్రయోజనాలు పూర్తిస్థాయి ప్రయోజనకరంగా ఉండేందుకు అవకాశం ఉంటుందని ఉపాధ్యాయ సంఘాల నాయకులు, విద్యార్థుల తల్లిదండ్రులు భా విస్తున్నారు. క్యాలెండర్ల ప్రదర్శన ద్వారా విద్యాసంవత్సరం ప్రారంభం నుంచి కొనసాగే బడిబాట ని ర్వహణ తేదీలు మొదలుకుని సెలవు దినాలు, నెలవారీ పరీక్షలు, పూర్తి చేయాల్సిన సిలబస్‌, ప్రాధాన్యత కలిగిన దినోత్సవాలు, తల్లిదండ్రుల సమావేశాలు, వివిధ రకాల పండుగ సెలవులు ఇందులో పొందుపరచబడి ఉంటాయి. ఇవన్నీ నెలవారీగా అమలు చేయడం, తద్వారా ఉన్నతాధికారుల పర్యవేక్షణ కూడా సరళతరం అవుతుందని జిల్లా విద్యాధికారి భోజన్న, విద్యా పర్యవేక్షణాధికారులు అభిప్రాయం వ్యక్తంజేస్తున్నారు.

జిల్లా పాఠశాలలు క్లస్టర్లు ఎమ్మార్సీలు

నిర్మల్‌ 730 48 19

మంచిర్యాల 744 51 18

ఆదిలాబాద్‌ 1,148 71 18

ఆసిఫాబాద్‌ 721 62 15