TV
భూమి కబ్జా చేశారని.. పెట్రోల్‌ సీసాతో కుటుంబసభ్యుల నిర
కల్వకుర్తి టౌన్‌: తన వ్యవసాయ పొలాన్ని కబ్జా చేసేందుకు పక్క పొలం వారు యత్నిస్తుంటే నిలువరించేందుకు కోర్టుకు వెళ్లి అనుకూల తీర్పు వచ్చినా ఇబ్బందులు పెడుతున్నారని ఓ రైతు కుటుంబం కుటుంబంతో కలిసి కొట్ర శివారులోని వ్యవసాయ పొలం వద్ద ఆందోళన చేపట్టిన ఘటన శుక్రవారం చోటు చేసుకుంది. బాధితుల కథనం మేరకు.. పట్టణానికి చెందిన బచ్చు సుగుణమ్మ కొట్ర శివారులో 2 ఎకరాల భూమిని యాదమ్మ వద్ద కొనుగోలు చేసింది. పక్క పొలం వారు ధన్‌రాజ్‌రెడ్డి, రూపేశ్‌కుమార్‌రెడ్డి ఆ పొలం తమది అంటూ వారిస్తుండటంతో కోర్టును ఆశ్రయించగా 2025లో అనుకూల తీర్పు వచ్చింది. కాగా ధన్‌రాజ్‌, రూపేశ్‌ ఆ భూమిని ఇతరులకు విక్రయించగా.. వారు వచ్చి కంచె వేస్తుండటంతో శుక్రవారం కుటుంబసభ్యులంతా అక్కడకు చేరుకొని పెట్రోల్‌ సీసాతో తమకు న్యాయం చేయాలంటూ మూడు గంటలకుపైగా ఆందోళన చేపట్టారు. భూమిని వంగూర్‌ మండలం కొండారెడ్డిపల్లికి చెందిన ఎనుముల రాజవర్ధన్‌రెడ్డికి విక్రయించారని.. అతడి అండతోనే భూ కబ్జా చేశారని బాధితులు వాపోతున్నారు. ప్రభుత్వ అధికారును ఆశ్రయిస్తే సహకరించడం లేదని తెలిపారు. స్థానిక పోలీసులను రక్షణ కోసం ఆశ్రయిస్తే చులకనగా మాట్లాడారని ఆవేదన వ్యక్తం చేశారు. అధికార పార్టీ నేతల అండదండలు ఉండటంతో అధికారులంతా వారికే సహకరిస్తున్నారని.. తమకు అన్యాయం చేస్తున్నారని చెబుతున్నారు.
బాదేపల్లి మార్కెట్‌ కిటకిట
జడ్చర్ల/దేవరకద్ర: బాదేపల్లి మార్కెట్‌ యార్డు శుక్రవారం ధాన్యంతో కిటకిటలాడింది. మార్కెట్‌కు 13 వేల క్వింటాళ్ల పంట దిగుబడులు వచ్చాయి. ఇందులో ఆర్‌ఎన్‌ఆర్‌ ధాన్యం11,580 క్వింటాళ్లు రాగా.. గరిష్టంగా రూ.2,819, కనిష్టంగా రూ.1,646, హంస గరిష్టంగా రూ.1,816, కనిష్టంగా రూ.1646 పలికింది. మొక్కజొన్న 1,163 క్వింటాళ్లు మార్కెట్‌కు రాగా.. గరిష్టంగా రూ.1,866, కనిష్టంగా రూ.1,652 ధర లభించింది. దేవరకద్ర మార్కెట్‌కు దాదాపు 3 వేల క్వింటాళ్ల ధాన్యం విక్రయానికి వచ్చింది. ఇందులో ఆర్‌ఎన్‌ఆర్‌ ధాన్యం క్వింటాల్‌కు గరిష్టంగా రూ.2,636, కనిష్టంగా రూ.2,169, సోనామసూరి గరిష్టంగా రూ.2,309, కనిష్టంగా రూ.2,039, హంస గరిష్టంగా రూ.1,922, కనిష్టంగా రూ.1,769 ధరలు నమోదయ్యాయి.
భూమి కబ్జా చేశారని.. పెట్రోల్‌ సీసాతో కుటుంబసభ్యుల నిర
