TV
పంచాయతీ ఎన్నికలు బహిష్కరిస్తాం
చారకొండ: ఆర్‌అండ్‌ఆర్‌ ప్యాకేజీని రద్దు చేసి, గ్రామాన్ని ముంపు నుంచి మినహాయించే వరకు పంచాయతీ ఎన్నికలు బహిష్కరిస్తున్నట్లు ఎర్రవల్లి, ఎర్రవల్లి తండా వాసులు పేర్కొన్నారు. ఈమేరకు శుక్రవారం మండలంలోని ఎర్రవల్లి అంబేడ్కర్‌ సర్కిల్‌లో గ్రామస్తులు, తండావాసులు సమావేశం ఏర్పాటు చేశారు. ఈ సందర్భంగా పలువురు మాట్లాడుతూ.. ఎర్రవల్లి, ఎర్రవల్లి తండాను ముంపు నుంచి కాపాడాలని, ఆర్‌అండ్‌ఆర్‌ ప్యాకేజీ వద్దు అని ఎన్నో సార్లు అధికారులకు, ప్రజాప్రతినిధులకు విన్నవించినా పట్టించుకోలేదన్నారు. ఈ నెల 26న ఆర్‌అండ్‌ఆర్‌ ప్యాకేజీకి నోటిఫికేషన్‌ విడుదల చేయడం ఎంతవరకు సమంజసమన్నారు. దీనిని నిరసిస్తూ పంచాయతీ ఎన్నికలు బహిష్కరిస్తామని పేర్కొన్నారు. కార్యక్రమంలో గ్రామ మాజీ సర్పంచ్‌లు సాయి కుమార్‌, రెడ్యానాయక్‌తో పాటు పెద్దయ్యగౌడ్‌, పర్వతాలుగౌడ్‌, శేఖర్‌గౌడ్‌, నేనావత్‌ నాగయ్య, మునావత్‌ సంజీవా, గోపినాయక్‌, వెంకటయ్య, రాంపాల్‌, ప్రకాష్‌, పర్వతాలు తదితరులు పాల్గొన్నారు.
