డీజిల్‌కు కటకట..!

ఉమ్మడి కృష్ణా జిల్లాలో పలు పెట్రోలు బంకుల్లో శనివారం అకస్మాత్తుగా డీజిల్‌, పెట్రోలు కొరత ఏర్పడింది. దీంతో చాలా బంకుల వద్ద సుమారు అర కిలోమేటరు మేర వాహనాలు బారులు తీరాయి. కొన్ని బంకుల్లో ఏకంగా నోస్టాక్‌ బోర్డులు దర్శనమిచ్చాయి. చల్లపల్లిలో ఓ బంకులో ఐదు రోజుల డీజిల్‌ నిల్వలు కేవలం మూడు గంటల వ్యవధిలో అయిపోయాయని ఆ బంకు యజమాని చెప్పారు. విజయవాడ నగరంలో ప్రభుత్వ ఆసుపత్రి వద్ద, రామవరప్పాడు రింగ్‌ వద్ద ఉన్న పెట్రోల్‌ బంకుల్లో నో స్టాక్‌ బోర్డులు పెట్టారు. – చల్లపల్లి/ సాక్షి, విజయవాడ ఫొటోగ్రాఫర్‌