TV
బాల్యవివాహాల నివారణకు ముందస్తు చర్యలు
ఆసిఫాబాద్రూరల్: పెళ్లిళ్ల సీజన్ ప్రారంభం కానున్న నేపథ్యంలో బాల్యవివాహాల నివారణకు ముందస్తు చర్యలు చేపట్టాలని డీసీపీవో మహేశ్ అన్నారు. జిల్లా కేంద్రంలోని డీసీపీవో కార్యాలయంలో గురువారం వివిధ శాఖల అధికారులతో సమీక్ష సమావేశం నిర్వహించి పలు సూచనలు చేశారు. జిల్లాలో బాలల హ క్కుల సంరక్షణకు అధికారులు సమన్వయంతో పని చేయాలన్నారు. గ్రామస్థాయి బాల సంరక్షణ కమిటీలను మరింత బలోపేతం చేయాలని ఆదేశించారు. బాల్య వివాహాల నిర్మూలన, బాలలపై జరుగుతున్న నేరాలను అడ్డుకునేందుకు అప్రమత్తంగా ఉండాలని సూచించారు. బాల రక్షాభవన్ సిబ్బంది ప్రవీణ్ కుమార్, చంద్రశేఖర్, జమున, ఝాన్సీరాణి, నవీన్ కుమార్ పాల్గొన్నారు.
