TV
బనశంకరి: నేడు బుధవారం బెంగళూరులోని చిన్నస్వామి స్టేడియంలో ఆర్సీబీ – లక్నో సూపర్ జైంట్స్ జట్ల మధ్య ఐపీఎల్ క్రికెట్ మ్యాచ్ జరగనుంది. ఈ నేపథ్యంలో పోలీసులు పరిసర ప్రాంతాలలో ట్రాఫిక్ మళ్లింపులు, పార్కింగ్ వసతుల మార్పు చేశారు. కబ్బన్ పార్కు లోపల కింగ్ రోడ్డు, ప్రెస్క్లబ్ ముందు, బాలభవన్ ముందు, ఫౌంటెన్ రోడ్లలో వాహనాల పార్కింగ్ను నిషేధించారు.
అంధ విద్యార్థి నిజాయతీ
● సొంతదారుకు క్యాష్ బ్యాగ్ అప్పగింత
హొససేటె: విజయనగర జిల్లా హరపనహళ్లి తాలూకాలో ప్రయాణ సమయంలో తన వద్దకు వచ్చిన రూ.లక్ష నగదు కలిగిన ఓ బ్యాగ్ను ఒక అంధ విద్యార్థి పోలీసులకు అప్పగించిన ఘటన మంగళవారం జరిగింది. పోలీసులు ఆ బ్యాగ్ను సొంత దారుకు అప్పగించారు. వివరాలు.. దావణగెరె జిల్లా హరపనహళ్లికి వెళుతున్న మార్గంలో లెక్చరర్ ధనుంజయకు చెందిన రూ.లక్షల నగదు కలిగిన ఓ బ్యాగ్ను తెలగి గ్రామానికి చెందిన అంధ విద్యార్థి హాలేష్ బ్యాగ్తో పొరపాటున మారిపోయింది. హాలేష్ రూ.లక్ష ఉన్న నగదున్న ఆ బ్యాగ్ను హరపనహళ్లి పోలీస్ స్టేషన్లో అప్పగించారు. పోలీసులు ధనుంజయను గుర్తించి అతడి డబ్బును, బ్యాగ్ను తిరిగి అందజేశారు. హాలేష్ పీయూసీ చదువుతున్నాడు. అతడు చూపించిన నిజాయితీని అందరూ అభినందించారు.
