బాల గేయం..!

ఉరుకుల పరుగుల

ఓ ఉడుతా...

ఊయల ఊపుత

వచ్చి ఊగమ్మా..!

గెంతులు గెంతే

ఓ కోతి

కొబ్బరి కుడకలు ఇస్తా

కొరుక్కు తినవమ్మా..!

భౌ భౌ అరుపుల

ఓ బేబీ

నీకు భోజనం పెడతా

భోంచేయమ్మా..!

మ్యావ్‌..మ్యావ్‌ మీసాల

ఓ పిల్లి కూన

తియ్యటి పాలు పోస్తా

తాగి పోవమ్మా..!

మే.. మే నెలల

ఓ బుజ్జీ మేకా

మా తోటకు పోదాం

చక చక రారా...!

కావ్‌..కావ్‌ కూతల

ఓ నల్ల కాకీ

కుండడు నీళ్లిస్త

కూచోవమ్మా...!

కూ.. కూ పాటల

ఓ కోకిలమ్మా

కొండపల్లి బొమ్మిస్తా

ఆడుకోవమ్మా..!

చిట్టి చిట్టి పలుకుల

ఓ చిలకమ్మా

నీకు జాంపండిస్తా

మాటాడమ్మా..!

ఆటల పాటల

ఓ నేస్తాలూ

అలుగక నాతో రావాలి

కబుర్ల పండుగ చేయాలి..!

చిలిపి చేష్టల

ఓ చిన్నారి...

చీకు చింతలూ వదలాలి

చిందులు వేస్తూ నవ్వాలి..!!

– డాక్టర్‌ కటుకోఝ్వల రమేశ్‌, కవి, రచయిత, ఖమ్మం జిల్లా