TV
చెట్టమ్మ
పచ్చని తల్లిరా మన చెట్టు
మూగజీవాలకు నీడపట్టు
పక్షి పిల్లలకు గూడుకట్టు
స్వచ్ఛమైన గాలిని వీచిపెట్టు
బాటసారులకు విశ్రాంతి గట్టు !
ఆరోగ్యానికి పండ్లు కోసిపెట్టు
అనారోగ్యానికి మందు రాసిపెట్టు
విస్తారమైన వర్షాలను రాబట్టు
కరువు కాటకాలను పోగొట్టు
గొడ్డలితో నరికితే పగబట్టు !
ప్రేమతో సాకితే ప్రాణభిక్ష పెట్టు
మొక్కలు నాటుటకు నడుంకట్టు
హరిత సేవకు శ్రీకారం చుట్టు
ప్రకృతి సంపదకు హారతి పట్టు
చెట్టమ్మకు చెయ్యెత్తి జైకొట్టు !!!
బోనగిరి. పాండురంగ
తొర్రూరు టౌన్
జిల్లా: మహబూబాబాద్
